الي تحب الزين وعندها اراده بس هيه الي تدخل :)

[البــــــــــــدر]

السلام عليكم ورحمة الله وبركاته

قبل كل شي
اعتذر لاخواتي مسبقا صاحبات الصور بعد كتابة الموضوع احسست انه ناقص بخذ صور
من الموقع ومواقع اخرى بحاول اقرب الافكار يمكن الصور ما تعبر عن ذوقي ولا الي اريده بس
عشان يكون الموضوع اكثر وضوحا ****لله بصور كل شي بكيمرتي عن قريب لاوضح ما اقصد

[align=CENTER]

أخواتي العزيزات اشحالكم
****لله في اتم الصحه والعافيه

اخترت هذا القسم لانه هادي ورايق ومافيه زحمه

>>>>

مصدقه عمرها
وبعدين صراحه طمعت في دعواتكم الجميله قلت عسى ربي يوفقني وانتم السبب بدعائكم
من بعد الله سبحانه وتعالى وعندي بااااااااع لا يستهان به في الزين

تقدرووون تسموني مهوسه او مجنونه في العنايه بالجسم والبشره والشعر ....

أكتشفت من خلال تجاربي على نفسي واخواتي ان ما في شي اسمه مستحيل على الله
سبحانه وتعالى اريدكم تسمعوني بهدووووء انا ما كتبت هالموضوع الا بعد تجربه ومعرفه
وصدقوني بتستفيدون مني بس أمنتكم الله عالم الغيب والشهاده انكم تدعولي ان الله يوفقني
ووعد مني ما اقولكم الا الزين والمجرب ...


بس شوي شوي بنزلكم الموضوع واتمنى نكون مع بعض متكاتفين ابا حد يشجعني
ارجع مثل قبل وباذن الله من باجرمثل قبل واحسن بعد يعني اتمنى من الله
القى كمن صديقه نتعاون على كل شي ونشجع بعض .....


اول شي اكتشفت ان الراحه النفسيه تلعب دور كبير في جمال
ومن اسباب الراحه النفسيه
1_ القرب من الله
2_ الرضا
3_ القبول بما كتب الله لنا

فلازم ندعم الجوانب هذي قبل كل شي

_اول شي المحافضه على الصلاة في وقتها والمسوح 5 مرات لها دور كبير جدا
في نور الوجه الي يتحدى اغلى كريم مغذي لليل ....


_ القرأن سبحان الله يجمل الصوت !! ويزيد النور في الوجه ..ويبعث الراحه في النفس
والرضا التام الي بيبين على ابتسامج وبشاشت وجهج ...وغير هذا كله يفكج من اشيء كثيره
منها العين الحسد يكفي انه كتاب الله سبحانه وتعالى ....

_ الابتعاد عن الكذب مهما كان ابيض او مزحه فأنه يسود الوجه ويتعب النفس وياتي بالهم
والخوف ومادمتي ابتعدتي عنه سوف تبتعدين عن مسباباته .....

_ الدعاء الدعاء والتذرع الى الله في كل شي من ابسط الاشيء الى اقواها ((سلاح المؤمن))

_ ركعتين قبل صلاة الفجر بربع ساعه (( قيام اليل )) يضحك الله لكي !!! نعم يا اختي
ومن ضحك الله له لا يعذب ويستجاب دعائه !!

حبيبتي قبل ان نجمل اجسادنا التي من ترااااب مهما تغيرت الوانها واعجبتكي اخر المطاف ستكون طعام جيد للدود في القبر ....

فانا باذن الله من غدا سأرتب
حياتي من الناحيه الدينيه والدنيويه والنوم والشرب والغذاء والرياضه ...


يتبع [/color]

[البــــــــــــدر]

هذي الصفحه بخصاصها للتفاهم مع الذات

[اذا كنتي بنوته في بيت اهلج
ما هوه همك !!!
البس اما الماركات ام الزوج او او او او او


هل تعلمين ان حياتك مقدره من الله سبحانه وتعالى !!!
هل تعلمين ان ساعات الفرح والحزن منقوشه عند العزيز الحكيم
وله حكمه في كل شي ....

قد لا اكون كبيره كفايه للتقديم النصيحه ولكن مع هذا اكتشفت اني
املك من القدره لحل المشاكل من يفوقني عمرا والسبب التجربه في الحياه
والممارسه وعدد المشاكل التي كنت اعتبرها كبيره وللاسف لم ادرك
انها صغيره الا بعد ان تركت اثار في نفسي !!!!
لماذا لا نتعلم !! لاننا عرب !! من بنينا الحضارات وفتحنا الفتوحات !!
ما هذا الزمن الاغبر !!
لماذا لا نزيد من عمرنا بالثقافه العامه اتعلمين انكي قد تقرئين كتاب
ل4 او 6 او 8 ساعات وكان هذا الشخص يسهر عليه لسنييييين طويله
وانتي اكتسبتيه في ايام معدوده واصبح لديكي ما لديه فنفرض ان عمرك 20
وقرئتي كتاب سهر هذا الرجل عليه 20 سنه لانجازه وقرئتيه بتمعن وبحكمه وانتهيتي
منه وطبقتي محتواه واخذتي كتاب اخر وقرئتيه وسهرت عليه الكاتبه 30 سنه
واستمريتي على هذا الموال في شهر سوف تزيدين عمرك 50 سنه وسوف تصبحين
70 من الناحيه الفكريه والعقليه وبهذه الطريقه سوف تتغير نظرتك للحياه !!
نعم لا تنسي نفسك من القرائه وخاصه الكتب انها مفيده جدا جدا .

التنظيم والترتيب لهو دور كبير ايضا في حياتنا
يبعث في النفس الراحه والاطمئنان
اذا كنتي فتاه في مقتبل العمر

انظري لغرفتك في البدايه هل هيه غرفة فتاه في مقتبل العمر ام غرفة بيبي او عجوز
انتي وحدك حددي هذا ....

حتى تبتدي بدايه جميله عليكي بالتالي

1_ شراء شنطه كبيره جدا وصناديق وفتح ابواب الخزانه (( وتطلعين كل شي فيها وتخلينها صفر وهاتي منشفه صغيره ونظفي جيدا وبعدين هاتي ثانيه نظيفه وعطريها بعطر هادي
ومسحي الكبت من داااخل بالكامل هاتي الجمر وضعي العود او العود المعطر او البخور
(( المعاموله )) بشرط تكون رائحتها جميله جدا لان بتعلق في الملابس وبعد ما تدخنينه
سكري الابواب وخليه لا تفتحينه لين تخلصين ))

2_ قربي منج الشنطه والصناديق الصناديق للتبرع بها لفقير او للهلال الاحمر والشنطه تضعين فيها كل شي انتي ما بتلبسينه الحينه بمعنا هاتي الثياب والاندر وير وافرزي كل القطع حطي في الصناديق الملابس القديم جدا الي الها سنين او الاندر وير وكل شي ما تريدينه ما عدى الي الها ذكر خاصه في قلبك هديه وما شابه .

3_ بعد الفرز سيكون لديكي التالي

أ_ صناديق مملوئه للتبرع تخلصي منها حالا
ب_ شنطه فيها اشيء مش جديمه وايد بس لا تلبس في الوقت الحالي سكريها وحطيها في
المخزن او تحت السرير او غيره
ت_ ملابس جديده وتلبس (( ستلاحظين انج معلق على نوعيه معينه وتهملين نوعيه ثانيه جديده !!)

4_ قسمي الخزانه للتالي

1_ للتايورات ( القمصان والتنانير )
2_ للعبايه والشيل
3_ للمغربي وغيره من الجلابيات
4_ للاندر وير
5_ لغيرا السرير وما شابه
6_ للفوط والارواااااب
7_ ....................... حسب الاحتياجات للبناطلين او الشالات او او


5_ طبعا تكون مغسوله ومكوايه وتعطرينها على ذوقج الاندر وير يكون رحته هاديه
وتحطينه في مكانه المخصص وتحطين كل شي بطريقه مرتبه جدا ومنظمه لدرجة انج ممكن
تحطين فازه صغيره فيها ورد مجفف تعطرينه عشان الي يفتح كبتج يحس بالراحه فشو بيكون شعورج لا بد من هذي الخطوه لا بد يعني عندج رفوف خصاصتيها لملابس البيت حطي عدالها
شمعه شكلها حلو او صندوق مرتب او هديه يج او دبدوب او اي شي من الموجود مافي داعي تشترين ... ويوم بتحطين الاندر وير عطريهم وحطيهن في الاكياس وهاتي (( اقل شي ما اريد اكلف عليكن )) مسك العروس مثال وحطيه في قطنه وحطيه في كيس الاندر وير للعلم في قطعه صغيره تختارين الشكل الي تريدينه مخصص للاندر وير تعطرينه وتحطينه في الكيس المخصص للاندر وير اسالوا عند محلات الانجري .....
وممكن لما تعلقين ثيابج تختارين العلاقات الي عليهم حرير وقطن تعطرينهم وتعلقين في الخزانه ونفس الشي العبايه والشيل (( ما عدى الي بتطلعيبهم السوق او عند حد من غير المحارم عشان لا يكتب عليج زانيه )) يجب ان تختاري لكل شي المكان المناسب واعلمي
الخزانه مش للتكديس لا للترتيب والتنظيم وان احسستي انها لا تكفي ممكن شراء اخرى ووضعها في غرفه مجاوره وترتيب كل ما يهمك فيها ... وبنطرق الى هذا الموضوع بشكل مفصل اكثر ومدعوم بالصور ......

يتبع

[البــــــــــــدر]

الحين بنتكلم عن الطرف المهم في الغرفه
للاسف مرات اشوف التسريحه في الغرفه عليها كل شي !!!!!!!!
ويكون شكلها

ليــــــــــش!!!!!
المفرووووض يكون على التسريحه بعض هالاشيء

1_ شمووووووع

2_ ممكن ورد طبيعي مجفف الي اي في شمع ( جلي )

3_ حامل مزخرف للعطووور مش كلها بس كمن واحد للزينه
4_ حامل مزخرف للمكياج يكون فيه روجين اي اي شي شكله حلو قلوسات
مش كل مكيااااااجج !!!
5_ كاس شكله ملفت للاقلام للعين او للروج ومش كلهم الاكثر استخداما او للفرش
مفرش يكوووون حلو ناعم وملكي ا
6_ اي شي يكون شكله حلو وبيعطي منظر

_ يكون المفرش من الدانتيل او الحرير او الشفون الي له جوانب طويله للارض وشكالهم
ملفته وتخلين طرف اطول من الثاني بان تضعين تحفه فضيه على الارض فوق المفرش
وتنسقين الباقي من الفرش بطريقه عشوائيه وياليت لو تكون القطعه شبه مفتوحه وفيها ورد مجفف معطر ويكون ملاصق التسريحه مش بعيد والي يدخل يقول شو السالفه
_ بعض وضع المفرش ضعي في الجه الاولى شموع باحجام مختلفه والوان متناسقه واشكال ملفته للنظر
_الجه المقابله تكون باقه حمراء اللون من الورد المجفف مغموس في الشمع المائي حجمها
مناسب لحجم التسريحه .
_ في النصف صندوقين من الفضه او الزجاج او الخشب او الصدف او اي خام ملفت للنظر
وفي اشيء اتي كانها احجار كريمه ومجوفه ومحفوفه بطريقه غريبه تصفين فيهم العطور
او مكياج يطلع الشكل واااااااااااااااااااااو وبقربهم كاس مزخرف بطريقه ملفته تحطين فيها الاقلام وممكن ابجوره صغيره بشكل صدفه (( هذي قمه وروعه )) تكون بحجم المانقوا الكبير
وعلى جنب وتكون الانوار مطفئه وهيه تعطي اضائه ونعكاس رهيب

هذي بعض الافكار وممكن ان تظيفي واذا عندكم اي معلومه جميله لا تبخلون هذا الموضوع للاستفاده

اما باقي الاغراض يجب .....
هاتي صناديق متشابه تدخل في ادراج التسريحه وخصصي واحد للمكياج المتبقي الكيلو ونص
والثاني للعطووووور والثالث للتووووووك والرابع للسشوار وتوابعه لا ترمي اغراضك في الدروووج ويكون شكله مبعثر !!!!!! احذري
والصندوق الرابع والخامس والسادس لجميع اغراضك ......

بالطريقه هذي بتكون التسريحه تحفه في الغرفه والاغراض مرتبه في الادراااااااااج

يتبع

[البــــــــــــدر]

نتجه الى السرير






هل تعلمين ان النوووووم هيه من اجمل المتع التي انعم الله علينا بها
تحتاجين الى مخدات ملمسهن لطيف وارتفاعهن مناسب ورائحتهن جميله
حتى تنعمي بنوم هادء وتحتاجين الى مفرش ملمسه كل حرير وجميل
ويدفئك ويجعل النوم اكثر متعه وجمالا ..........


أنظري الى حجم سريرك اذا كان حجمه كبير ( كنق سايز )
_هاتي مخدتين كبار كبار ويكونن للوراء
_وثنتين اصغر عنهم ( الي تنامين عليهن نوم الهنا والصحه ****لله )
_ وهاتي ثنتين دائريات صغنونات وغيرهن مربعات وغيرهن اسطوانيات ورتبيهن
بشكل حلو ومنسق






واذا حجمه صغير اكتفي بمخدتين واسطوانه ومخده دائريه وأخرى ومربعه .




يحب اختيار الدوووفيه المناسب (( الحشوا الي يحطونه في الشرشف ))
يكون من النوعيه الممتازه احلى شي مال ( بي اج اس )!!
والمخدات قطنهن لازم يكون ناعم وجميل
واختاري الوان تناسب غرفج وقد ما تقدرين فاتح اختاري
ابيض
وردي

مشمشي
سماوي فاتح
او الوان مثيره مثل
الاحمر
العنابي
ابتعدي عن الالوان الكئيبه
ونوعي اذا قطن او حرير او ساتان اهم شي يكون مريح ونظيف

اذا انتي تعتمدين على الكفرات حاولي تغيرينهم كل يومين مره على الاقل هذا اذا مش كل يوم مثل بعض الناس لان ملمس الشرشف نظيف ومكوووووووووي يخليج ترتاحين في النوم
واذا تعتمدين على البطانيات الكبيره (( ما احبها وايد !!)) لازم تتعرض للشمس كل يوم وتنغسل على الاقل في الاسبوع مره .



حولي تغيرين مره هذي ومره هذي وتغيرين في الالوااان
وبالطريقه هذي بتكسبين منظر جميل للسرير وبيكون ممتع للنوووم
نشوف الكمدينوا الي جنب السرير احلى شي يكون عليهن ابجووووره
واذا انتي ما تحبين الابجورات على الاقل لو وحده عداااالج شكلها صغنوني وحلو غريب
يمشي مع ديكورر الغرفه مثل صدفه كبيره تشترينها والكهربائي يسويلج اياها ابجوره
وعن قريب باذن الله وبصوربسويلكم وحده بالصوره وبعرضها الكم سهل صدقووووني
ولا تحطين اي شي على الكمدينووووووووو الا ابجوره او شي للزينه لا غرشة ماء ولا ادويه ولا كتب ولا غيره ........!!!!!!!

الحين انشوف الجدران ممكن تشترين قماش شكله غرييييب عجييييييييب ولونه فاتح
وتثبتينه على بروااااز وتلصقين عليه بعض الاحجار ولا تستغربووون
ممكن تيبن حلق ما تريدينه كسريه من ورى بيكون شكله حلو صدقوني بالوان واشكال مختلفه
ولزقيه بيعطي شكل حلو واذاانتي فنانه ولا عندج موهبه ابدعي فيه
وممكن اثبتينه على برواااز التعليق مب شرط مال الصور الي تشوفينه احلى

وممكن تختارين لوحه منظر طبيعي او بحر او غيره وثبتينه في زاااويه او براويز صغيره
لمناظر طبيعيه او الوان غريبه وتحطونه بشكل عشاوئي على زاوية الغرفه متقابلين
( الي مش فاهمه تقول )
يعني تسوين حركه في الغرفه حلو هوغريبه
وفي احد الزوااااااااايه تختارين لمبه استاند طويله ( مثل الي في الفنادق) الي تقدرين تتحكمين في درجة الاضائه وبعدين تحطينا وتخففين الضوء قد ما تقدرين

ضعي في الغرفه سجاده جميله او مخدات الي اتي مخصوصه للغرف شكلها غريب المربعه والدائريه
او نفوره للماء فيها اضائه ودخان في منها مخصص للغرف شكلها وحجم مناسبين وحلويييين جدا جدا

وشوفي مكان مناسب وهاتياسفنجه او البلستيكه الناعمه المرتفعه ممكن تغلفينها
بقماش ساده حلو او تخيطينها تحت السجاده تكون مريحه ومرتفعه وتحطينها مقابل القبله دائما ابدا ما تتحرك الا للغسل او التنظيف ابصراحه حلو تبدعين في السجاده لانها من اسباب الراحه النفسيه في الصلاه وعطريها دائما وخلي عدالها حامل للقرئان واخر لاذكار او الادعيه وا غيره ولا يتحرك من مكانه ممكن تسوين حركات في حامل القرئان احجار وماشبه للديكووور يعني
يكون صندوووق اندلسي قدييييييم <<<هوه يديد بس شكله يوحي وتحطين عليه شمعتين صغر
وفيه الاذكار او عليه المهم وعداله الحامل للقرأن وغيره تخلينها مساحه روحااانيه مقدسه كل ما بغيتي تهربين من الدنيا تروحين الها لربج تصلين تقرين تدعين تبكين بين يديه
(( ولا تنسييييييييييين ان تخرجي جميع الصور الي في الغرفه ووضعها في صندوووق ))

ويوم تنتهين من الغرفه تدخنينها وتعطريييييييييييييينها ودائما خلي اضائتها خااااااااااافته ولا تدخلينها وفيج قلق ولا تبكين لا سمح الله او تاكلين !!! او تدرسييييين لا خليها للنوم والصلاه وقرائة القرأن والاسترخاء فقط لانج بدون ما تدرين ممكن تكرهين الغرفه
((بعمايلج السودا ))
يعني مافيج ارقاد طلعي منها

هذي بعض ما عندي واشدد على بعض الافكاااااااااااااااار والي عندها اضافات تتفضل ....

[البــــــــــــدر]

الحين انيي للحمام وخزانته !!!!!!

من الي نشوفه في المنتدى ونسمع عنه
امتلت الخزاااااااااااااناااااااااااا اااااات من كل ما لذ وطاااااااااااااااااااب
مشالله تبارك الرحمن

الحين نبتدي بهذي الخزانه هاتي صندوووووق ونزلي كل شي ونظفيها وسوي
الي سويتيه بالكبت وبعدين حطي الي تحتاجينه فقط فقط والباجي خليه بشكل مؤقت
ووقفي المشتريات خلصي كل الصااااااااااااابون الموجوووووووود عندج لا تشترين جديد
خلصي الشامبوا خلصي المعاجين الزيوووووووت الكريمات المرطبه انتي في الفتره همج تتخلصين منهن بس اخر شي بتكتشفين انج أفتي عمرج مثال ....

الزيوت
الوز + الخروووع هذي حلوه للشعر بتنعمه وطوله والجسم تحطين شوية ملح او سكر يصير سكراب طبيعي
اي زيت ما ستفتي منه ويطيح شعرج ارميه بدون تردد لوب 1000درهم في الزباله

الكريمات
كل الكريمات الموجوده من الفازلين الى كريمات الجسم والوجه
خليها لشي واحد بس بما انهن مبطلات من زمان طووويل للارجل واليدين
شو تسووووين هاتي حجر فركي الرجل من الاسفل واليديد بشويش من الداخل
وهاتي اكياس عاديه ( هذي اشتريه ولااااااازم معن فيه اشيا مخصصه بس ما اريد اتعبكم )
وحطي كريم على ريولج وربطيه بالكيس على خفيف ولبسي فوقه دلاغ والادين لبسي كيس
ولبسي عليها قفاز قطن او جلد كيفج وبعد كل صلااااه عيدي الكره وبين الفجر والظهر سويها مرتين .
بهذي الطريقه اتخلصتي من الفائض !!!! وبعد اسبوعين بتملكين انعم رجلين ويدين في العالم
السكرابات تخلينهن في الحمام وتسخدمينهن كل يومين مره عشان نتخلص منهن
واي شي تحسين ماله لازم ارميييييين لا تحتفظيف فيه ابدا ابدا ...

اي ماسكات او اي كريمات عندج فائضه استخدميها للاقداااااااام للاقدااااااااام فقط فقط


الحين انيي للحمام
هذا المكاااااان لا بد من يكون نظييييييف 100% ورائحته جميله وتدل على صاحبته

1_ اول شي اختاري فرش مناسب للون الحمام ...

2_ ثاني شي اختاري الاكسسورس خامات لا تتاثر
ببخار الحمام ورطوبته والوانه متناسقه مع الحمام ...











3_ اضيفي بعض زجاجات العطوووور المخصصه لهذا
الغرض ضعي ورد مجفف اي شي حلو حجر كبير حاولي
تخلين الحمام مكان يجذب الانظار ...



4_ رتبي المناشف بشكل مرتب وحلو ممكن استخدام حامل
المناشف يعطي منظر للحمام ورونق خاص ...



5_ اختاري اواني جميله وانا افضل الصدفيه لوضع
حجر الفرك وعصى الارجل وفرشات الاظافر وادات المساج
واليف بشكل منسق ومرتب

6_ واختاري اخرى لوضع السكرابات وكريمات الجسم ومسكات الجسم
وغيرها .......

وسنتطرق الى الموضوع بشكل مفصل

[قرويه]

احب الزين واحب النظافه

الله عليك باين انك انسانه ذوق

[][§][-~المتغـلية ~-][§][]

موضوع حلو ومتعوب عليه

تسلم يمينك اختيـ البدر

بانتظارك

..

.

[البــــــــــــدر]

قرويــــه انتي الذوق كله مشكوره حياتي وسمحيلي تاخرت بالرد كنت اضيف الصور
(( قمت الغباء كتبت الموضوع وبعدين حطيت الصور هههههههه))

المتغليه انتي الحلا كله مشكوره وهذا من ذوقج يسعدني مرورج

نكمل الموضوع

[البــــــــــــدر]

بعــــــد أن غيرنا في نمط حياتنا
واصبح المكان الذي نعيش فيه ممتع ومميز
نأتي لصلب الموضوع
مثل ما قلتلكم في البدايه
1_ القرب من الله عز وجل
لابد ان نجمل ما هوه دائم ليس بالشيء المؤقت يعني
نحن شو نسوي
شكل الي عايش في بيت اجااار ويملك قدر من المال ويعدل في هالبيت ويجمل
لين خلاه قصـــــــــر يحبس الانفاس وفي الجانب الثاني يبنيله بيت متواضع
اول ما خلصت فلوسه راح يقعد في البيت الي بناه لقا مستواااه اقل وشكله ايب المرض !!!!

هذي الدنيــــا وتلك الاخره سبحان الله الي اعطانا العقل ولا نستخدمه
المفروض هالشخص بيته الاجار ما يتعب عليه وايد يخليه مكان مريح لين
الله ايسر ويخلص بيته الثاني وباعماله الصالحه يكون الابدي قصـــر من لؤلؤ ومرجان


لا وبقولكم شي يثبتلكم مدى غبـــــائه يالله استر
الحياه الاولى فااااااااااااانيه ويركض فيها لين اخر دقيقه
والحياه الثانيه ابديـــــــــه مستحيل يقدر يحسن وضعه ابدا ابدا !!!!!!
وشو الحـــــــــــــل (( نستيقض )) <<<< من السبات العميق الي نحن فيه

اليوم فيه 24 ساعه
حطي للنوم 8 وللكسالا 10 ساعات <<<< نص عمره قضاه في النوم !!!
حطي للاكل ساعتين <<<<<<
حطي للدوام ((دراسه عمل الى اخره )) 8 ساعات
حطي للصلاه والعبادات ساعه <<<<
كم يبقى لك ؟؟؟؟؟؟؟؟؟؟؟؟؟؟؟؟؟؟؟؟ ساعه حش وقرض ونت وغيره !!!!

بنقسم الساعه بمليون حسنه فلنفرض

قصر في الجنه بنقول ولا ازيد على الله فقط مثال 500 مليون حسنه
المزرعه 250مليون
الشجره 50 مليون والله اكرم مني ومنكم

فنفرض بعد شهر بتموتين
على الحسبه الي فووووووووووق كم بيكون عندج من الحسنات !!!!!!!!
بيكون عندك 30 مليون حسنه وشويت اذكار مع استغفار نوصله 50 مليون حسنه

يعني ما يبتي ربع قيمة هالقصر ولا مزرعه يعني تحت شجره !!!!!!!!!
ولا ما بيتحسن الوضع ابدا تحت شجره !!!!!!!!!!!!!!!!!!!!
هذا اذا دخلناها ما حد يعلم يالله رحمتك

امممممممممممممممممممممممم وانتي في الدنيا تقومين من احلاها نوووووومه عشان
كم الف اخر الشهر وهالكم الف تضربينهم في 12 عشان تشوفين كم في السنه وتبين تاخذين الشي الفلاني سبحااااااااانه متأمله تعيش السنه

اذا في اخر السنه سفرررررررررره تجمعييييييلها ...لا قدر الله وطاحت الطياره
شو مجهزه للسفره الثانيه !!!!!!!! في قبر وحساب وعقاااااب قد يقول القبر يا مرحبابك وقد يقول مرحبا ولا سهلا تعرفون او شي بعد ما ينردم القبر اول شي يستوي القبر يتكلم !!!
اذا من اهل الخير رحب واذا من اهل المعصيه ........الله يرحمنا برحمته

غثيتكم اعرف بس ياليت اتابعون معايه
لو رتبا حياتنا الدينيه
بتترتب حياتنا الدنيويه القصيره
بدال ما نعيشها في هم وحزن ودموع واسي
بنعيشها بفرح وسرور وطمئنان
وغير هذا بنكسب الدنيا والاخره
وغير هذا وهذا
دينا بينعكس على شخصيتي وهالانعكاس بيريحني نفسيا
وبيبين على ملامح ويهي وبيزيدني نور الايمان جمالا
وغير هذا وهذا بنرتاح من كلمت ليش وليش لان اول ما يصيبنا شي
بشكل مباشر العقل سوف يحدثك والله انها فيه والله على ما اقول شهيد
اول ما يحصل شي (( كاااااااااارثه قنبللللللللللله شي ما اقدر من كبره استحمله ))
يقولي ((العقل ))عسى ان تكرهوا شيء وهو خيرا لكم !!!!!
ليش تاكدة ان الله ما سوا هالشي الا لصااااااااالحي 100% وبالعكس بعد فتره
اقول يا سبحان الله صدق الشي الفلاني كان خير اليه !!!!!

الحين لا بد نرتب حياتنا الدينيه كيف !!!!!!

يتبع

[البــــــــــــدر]

((ياربي لك الحمد كما ينبغي لجلال وجهك وعظيم سلطانك ))



الترتيب بسيط جدا

اول شي هذا الترتيب مش بس بينقذج يوم الحساب لا اذا كان فيج التالي ......

1_ هم وحزن ودين وغم ....

2_ مشاكل صحيه عقم ....

3_ تاخير في الزواج او عدم الراحه مع الزوج ......

4_ اي مشكله تعانين منها اي مشكله ......

صدقوني انا اتكلم جد ووايد مشن على هذا النمط وتغيرت حياتهن
حسن براحه ومتعه ما بعدها راحه ....

نحدد الوقت بالطريقه هذي


((ياربي لك الحمد كما ينبغي لجلال وجهك وعظيم سلطانك ))


_ قومي قبل صلاة الفجر بنص ساعه للبنت والمتزوجه<<< عندي الكثير لج بس اخلص الي عندي لا تتكاسلين عشان الطهاره تراها خمس دقايق تحت الدش اغسلي بماي وخلاص
وحطي منشفه على شعرك ونتهت المشكله بعدين تفركي على كيف كيفج ....

انوي الضوء في قلبك وكوني مبتسمه احذري العبوس انتي صاحيه تقابلين ربكي
لا شخص عادي !!!! لو حد اتصل قبل صلاة الفجر بساعه وقال الامير او الشيخ الفلاني بيكم يالله شو بنسوووووي اذا ما ولعناالبيت بقاز زين من زود النظافه هههههههههه

عشان جيه توضئي بنفس رااااضيه خااااااااشعه واتجهي الى محراااااابك الجميل
النظيم التي تفوح منه الروائح الزكيه وتقدمي بقلب خاشع وحاضر ونوي ركعتين لله
((قيام اليل )) وصلي واستغلي السجـــــود للدعاااااء بالزوج الصالح او بالذريه الصالحه والله
الذي لا اله الا هوه اني دعيت دعوه ما تتخيلونها اقسم بالله مستحيله تريد معجزه ولله الحمد والشكر الذي لا يغلبه شي يقول لشيء كون فيكون اقسم بالله ان اتحقق الموضوع وعايشه في سعاده ما بعدها سعاده ما تعرفون كيف فرحانه ومنعكس على نفسي والكل منبره ومش عارف القصه بس الي انعمني بهالنعمه الله وحده والحمدلله والشكر ((طولتها ))

وبعد الانتهاء من الصلاه شوفي شو احساسج شي لا يقاااوم تذوقين وتشعرين بحلاوت الايمان
واذا كان دعائج عن يقين ومتاكده ان الله بيستجيبلج يا سلاااام والله بتعيشين طول اليوم فرحااااانه وبعدين صلي سنة الفجر واستغلي استغلي هالوقت بالدعاء والتذرع والبكاء بين يدي الله سبحانه و****لله باذن الله الله بيستجيبلكم وبعدين يكبر الاذان تقومين للصلاه وتنتهين منها وانتي في قمت السعاده والسرور تختمينها بالاذكاااااااار لن تاخذ منكي الوقت الكبير

هذا علاج للهم والدين والغم ويجلب الراحه والسرور بعدين اني للمهم !!!!!!

((سبحان الله عدد خلقه سبحان الله زنة عرشه سبحان الله رضى نفسه سبحان الله مداد كلماته ))

بعد الانتهاء هاتي كوب ماء بقربك وياليت لو زمزم
وكتاب الله بين يديكي وتقرأين سورة البقره كامله بتمعن وتركيز
هنا تعالج الحسد والعين وتعالج اشيء الله العالم فيه بس انتي حطي النيه في قلبك وابدي
اقري اقري ما بتاخذ وااايد منج وكل شوي تفلي في الماء لين تخلصينها
وبعدين تسمين بسم الله وتشربين الماء وتتوكلين على الله الواحد الاحد وبتكون الشمس شرقت
وترجعين وتصلين ركعتين <<<< هنا انكتبلج اجر عمره تامه تامه تامه


شوفي كم بتاخذين من تقومين لين تشرق الشمس ساعتين !!!
1_ اجر قيام اليل ....
2_ الصلاه في وقتها ...
3_ الاذكار وما فيها من اجر عظيم ...
4_ قرائة سورة البقره وما فيها من فوائد جما ...
5_ اجر عمره تامه تامه تامه ...

(( استغفر الله رب العالمين ))

الفوائد
1_ بتكونين طول اليوم مرتاحه لانج سويتي الي الله امر به الصلاه في وقتها ((فرض))
2_ بتكونين في قمت السعاده لان الله يضحك لقائم اليل كيف تعتقدين بيكون يومه بعد ما ضحكله الله
3_ الراحه النفسيه بعد اداء الواجبات المكتوبه علينا والسنن المحببه
4_ النور في الوجه والسرور في النفس
5_ الشفاء من امراض الدنيا بقدرة الله وفضله
6_ اجاد حلول للكثير من المشاكل النفسيه ...!!!!
((والله ما تحتاجون للدكاتره يسكرون العيادات احسن )))
7_ امووووور فضلها كبير واجهلها والعلم عنده وحده

بتعيشين حياتج مرتاحه ولو اراد الله وقبض روحج باذن الله تكونين من اهل الخير
وما بتفكرين اذا مت شو بيستويلي ولا بيكون عندج الوسواس القهري <<<<الله يبعده عنا وعنكم

اللهم صلي وسلم على سيدنا محمد


يتبع