جلطة الساق عند الحامل

الحمل والإنجاب

السلام عليكم حوائيات
جيتكم اليوم بعد وعكه صحيه مريت فيها والحمدلله عدت مرحلت الخطر وان شاءالله تعدي كلها على خير
بس حبيت انبهكم لها لاني عمري ماسمعت عنها لامن طبيبه ولامن اللي حولي وتفاجأت لما قالي الطبيب ان نسبة حصولها بين الحوامل من 30%الى 40%
يعني النسبه مو بسيطه
الا وهي جلطة الساق عند الحامل ومسبباتها على الاغلب الحمل وضغطه على الاورده في الرجل
او في حالات اصعب قابلية الدم للتخثر مسماها العلمي الخثارة الوريديه
انا من عديت شهرين من حملي وانا اشكي من الم في مطا القدم بين الانحنائه والكعب
وبعدين تحول الالم لمفصل الحوض وخاصه اذا كنت نايمه على الجهه اليسرى اضافة الى ثقل بحملي غريب
في الخامس وكأني بالتاسع مع ان بطني مو كبير
وفي يوم وقبل 17 يوم تقريبا حسيت بالم برجلي في الفخذ وسويت له مساج وخف
بس لما جاء الليل لاحظت ان الفخذ اليسار وارم وحجمه مو زي اليمين
ولماجاء الفجر صار الفرق بين الفخذين مو طبيعي الضعف يمكن وارتعت حتى ماقدرت اجلس بين السجدتين لاني ماقدرت اثني رجلي
المهم رحت الصباح اسعاف للمستشفى
ولما سألني طبيب العظام هل انا متعرضه لطيحه اوطقه قويه وقلت له لا
قال انتظري وجاني طبيب استشاري باطنيه
وقام يسأل اسأله عن الالم والاحساس ومن متى وبعدين طلب يكشف وبعدها حولني على قسم الطوارئ عشان اكون تحت الملاحظه واخذوا مني تحاليل وطلب اسوي اشعه صوتيه وانا مدري وش السالفه
بعدها بساعه يمكن جت الممرضه ومعها ابرتين لحظتها استغربت وقلت حقت ايش ؟؟
طلبت الطبيبه وقالت الطبيبه انه عندك جلطه في الرجل ومرتفعه للفخذ ولازم تاخذين الابر لانه خايفين تتفتت وتوصل للرئه او القلب او الدماغ والابر هذي عباره عن مسيله للدم
المهم عطوني الابر ونومني في العنايه5 ايام وعلي اجهزة الضغط والاكسجين والتخطيط
كنت اشوف مصيبتي عظيمه بس لما طلعت للاشعه وشفت اللي حولي في العنايه هانت مصيبتي
وبديت ادعي لهم قبل ماادعي لنفسي
المهم مالكم في الطويله ابعطيكم بعض التحذيرات
احذري الجلوس لفترات طويله
اوعدم الحركه اثناء السفر سواءا بالطياره او السياره
لاتتأخرين ابداا اذا حسيتي بألم في الرجل سواءا في الاسفل او في الفخذ روحي لاقرب مستشفى ولاتروحين مستوصفات
احذري من عمل المساج للرجل لانه يمشي الجلطه وهذا اللي صار معي رفعت الجلطه للفخذ بسبب المساج اللي سويته
لاتشيلين اي شي ثقيل
اذا لاحظتي فيه تورم برجل او حتى بالثنتين روحي لاي مستشفى لاتتهاونون ابداا بصحتكم انا تهاونت وقلت بكمدها وبتخف ان شاءالله
بس للاسف كانت تمشي لفوق وكل مارتفعت زادت خطورتها وهالكلام مو من عندي من اكثر من دكتور تابعوا حالتي
وواحد منهم قال لو ماتأخرتي كان عطيناك الابر وطلعتي للبيت
بس قضاء الله وماشاء فعل أسأل الله ان يجعله تطهير وابتلاء لاعقاب
فترة العلاج ماهي سهله 6شهور الله يمررها على خير
ودعواتكم لي بالشفاء العاجل وان جسمي يقاوم الجلطه ويذيبها لان العلاج يمنع تكونها بس مايزيلها
لاتنسوني من دعاكم والله لايوريكم اللي شفته
118
156K

يلزم عليك تسجيل الدخول أولًا لكتابة تعليق.

تسجيل دخول

ام رويان
ام رويان
الحمد علي السلامه
والله يعديك شرها
بس عندي سوال
اي مستشفي رحتي
فدا عيونه
فدا عيونه
الحبيب الريان
&& وجــه الــخــيــر &&
الحمد لله على سلامتك

و مشكوووره على التنبيه
رسيل3009
رسيل3009
الحمد علي السلامه
كلمه وعبره
كلمه وعبره
حمدلله على السلامه