بسم الله الرحمن الرحيم
السلام عليكم
كيفكم يا احلى حوائيات
بما ان كل وحدة ما شاء الله جلست تتفنن في مطبخها وتنزله لنا
صابتني الغيرة وقلت تشوفوا ايش سويت للمطبخ هذه الايام
بس المعذرة الصورصلحتلها سطوع تلقائي فطلعت كأن الدنيا صفرا ومظلمة
بسم الله نبدأ
ماشاء الله لا قوة الا بالله
1- علبة مقسمة اشتريتها من ابو ريالين
حطيت في قسم منها مستكة وقسم مكعبات الفحم سريع الاشتعال وقسم بخوري
اللي كل يوم ابخر فيه
كنت كل يوم اطلع علبة الفحم وعلبة المستكة وعلبة البخور
الحييييين بس اطلع هذه العلبة وابخر فيها وخزنت الباقي اذا خلص اللي في العلبة اعبيه مرة ثانية
2- هذا جك عندي شفاف بلاستيك ومرة حطيت فيه مويه وحطيته في الفريزر وانشق من تحت لما ثلجت الموية
فكنت برميه بس شفت في قسم الاشغال اليدوية احدى الاخوات تشتغل بخامة الربل
فاشتريته وقصيته وزينت به الجك وزينت الفراغات بغراء المسدس
فكرة احدى الاخوات كانت ترسم على الزجاج بالغراء المسدس رووعة
تتوقعون ايش حطيت جوته
هذه سفر الطعام ربطتها زي المطاعم وريحتني مرة وكمان مو واضحة
كل ما احتجت اخذت سفرة
3- هذه العلبة حطيت جوتها العطور المركزة من لايف ستايل للفواحات وحطيت فوقها التفاحة هذه مرة ما احد يلاحظها بدل فتح الدولاب وصكه
4- هذه علبة كاتشب من ابو ريالين حطيت فيها سائل الغسيل مع كلوركس وخل حتى شكلها احلى من علبة السائل العادية ,وعلقت اسفنجة الغسيل والفرشاة اللي نغسل فيها الترامس من جوا والاماكن المستعصية
فاصل ونواصل
عدنا
5- وهذه العلبة اللي ينحط فيها حليب الاطفال تتوقعون ايش فيها ؟؟؟
لما كنت اسوي معجنات كنت اتعقد اطلع علبة السمسم والحبة السوداء والزعتر
الان اسهل طريقة :كل واحد في دور حتى ما تاخذ مكان في الفريزر
:27:
6- لان عندي ارتباطات كثيرة وماعندي شغالة
ما كان طبخي منوع فصلحت هذا الجدول للوجبات الغدا والعشاء والفطور
كل ايام الاسبوع طبعا الخيارات كثيرة والجدول مرن
وعلقته على الثلاجة على جنب مو قدام الناس
ما احب احد من اقاربي يشوف اللي انا اسويه تعرفون التعليقات
7- وهذا علقت عليه نوته مع قلمها وربطتها بخيط اكتب فيه
الطلبات الناقصة والطبخات الخفيفة
8- وبما اني ما احب احط الهيل برا الفريزر لاننا مو من الناس اللي تشرب القهوة
بكثرة حطيت بدله اكياس النايلون اللي تجي من السوق
احط فيها بقايا الجلود والشحوم وحفايظ الاطفال اكرمكم الله او أي استخدام
9- وهذه اكياس القمامة السوداء اول ما اشتريها اطبق كل واحد لوحده
واجمعها بمطاط واحطها في الدرج وكل ما احتاج سحبت واحد
:27:
وبس
يووووووه مرة تعبت
اتمنى ان ترتيبي نال اعجابكم:26:
واشوف ارائكم
طبعا اغلب الافكار اخذتها من بنات عالم حواء العزيزات
واللي عندها أي ملاحظة ايجابية تقول بس بدون تجريح:angry2:
وشكرا للجميع
وزي ماقلت الصور في الحقيقة تختلف كليا هنا احسها مظلمة مرة