بداياتنا مع الطبخ مواقف محرجه ورفالة على اصولها (:

السلام عليكم ورحمة الله وبركاته

بنات انتو مثلي ولا بس انا فيني هالحاله

من ادخل قسم التنظيف او التجارب يدب فيني النشاط

واقوم عن النت واروح للبيت واهجم عليه ههههههههههههههه

او يمكن غيرة حريم يوم اشوف الحريم مصورات بيوتهم اقول محد احسن من احد خخخخخ

المهم نجي لموضوعنا يالغوالي

اكيد مافي وحده ما خبصت طبخه خاصة بدايات التعليم

انا عن نفسي ما صرت اطبخ الا بعد ما تزوجت

قبل كنا معتمدين على امي الله يخليها يارب ويشفيها

واذا تشجعت وطبخت يتمسخرون علي وانواااع التحطيم

مافي غير واحد من اخواني هو اللي رافع معنوياتي

يحب حلا التوكس وكنت ابدع فيه :27:

يلا خذوا موقفي الاول

مرة جيت من المدرسة وابي اسوي لي خبزة

>>>تعريف الخبزة

عبارة عن عجينه مويه وملح ودقيق اسمر نسويها خفيفه ونصبها بالتاوه

ونعملها مثل الفطاير الخفيفه وانا احشيها جبن والفها مع كاس شاهي يالييل اليييل


المهم هذاك اليوم اول مرة اسويها واتركها عالنار على بالي تطول وتنحرق

والريحه من الشارع فايحه جاء ابوي من صلاة الظهر ويقول

ماشاء الله احد من الجيران مسوين فطير الريحه معبية الشارع

ما يدري انه انا حرقت الخبزة :44::44:



الموقف الثاني مرة دقيت الصدر وقلت لهم انا باسوي لكم العشاء

واروح افتح 6 اكياس اندومي واصلحها واحطها بصحن الرز الكبير :icon33:

واجيب السفرة وافردها وابوي يقولي ماشاء الله ماطولتي

واجيب الصحن المذكور واحطه لهم وبيبسي

ابوي عيونه صار كذا :mad:

وباقي العائلة الكريمة مابين >>>:44: و>>>ا:35:

وامي تبكي على العريس اللي بيتزوجني وهذا حالي :icon33:

وانقطع الصمت بصوت ابوي يقول قوم يافلان روح جيب رز وسمك من السوق خلنا نتعشى

والتفت لي وقال يلا اجلسي كليه كله هههههههههههههههه



موقف لا احسد عليه


بس كل هذا تغير من اول ما انخطبت صرت اسوي المعجنات والحلى والايدامات

وليومكم هذا في تطورات بطبخي الحمد لله وصرت >>>>:cook:

يلا اتحفونا بمواقفكم


سلام:39: