السعودية - الطائف
بشرى ساره للطائف
حاضنه أمينه بالطائف ضعي أطفالك ونت مرتاحه لديها بيئه مناسبة لطفلك مريح
                 

السعودية - الطائف
بشرى ساره للطائف
حاضنه أمينه بالطائف ضعي أطفالك ونت مرتاحه لديها بيئه مناسبة لطفلك مريح
إضافة رد
 
أدوات الموضوع انواع عرض الموضوع
قديم 29-11-1431 هـ, 02:25 صباحاً   #1
دنيا ملونه

محررة
 
الصورة الرمزية دنيا ملونه
 
تاريخ التسجيل: 20-05-1426 هـ
المشاركات: 1,219


لكل متأخره في الزواج والحمل , اقرأي قصص بنات عائلتي ,, مهم جدا

مرحبا ياغاليات
يابنات لا حظت بهالقسم مواضيع المتأخرات بالزواج زايده , كل وحده تشتكي من تأخر زوجها وتأخر سنها ورغبتها في الزواج ربي يرزقهن الزوج الصالح وايضا تأخر الحمل يعني كل وحده تعاني من مشكله مختلفه تعيق حملها وتعالو شوفو نفسيتها مسكينه بسبب هالمجتمع الي ما يرحم وتجي اختنا تنفس وتفضفض بالمنتدى عشان نساندها وندعي لها
كم يعتصر قلبي واتألم لما اقرى المواضيع الي تتكلم عن هالشيين بالذات لكن يابنات موضوعي هذا ربما يكون يد حنونه تمسح عليكم , موضوعي دعوه للتفائل من خلال نماذج بذكرها لكم وراج تشوفون حقا ان ما على الله سبحانه وتعالى شي غريب او بعيد وكل شي ممكن يصير بالدعاء واللجوء الى الله ,, واذا ربي قال للشي كن يكون ...
للمتأخرات في الحمل
عند اختي الكبيره صديقه متزوجه من سنوات طويييله يعني الحين عمرها يمكن فوق الاربعين , هذي صديقه اختي كانت معاها بالجامعه ولما كانت معاها كانت متأخره بالحمل يمكن 5 سنوات , المهم توظفو الثنتين واستمرت علاقتهم ببعض واختي ماشاء الله الله من عليها بالذريه وكلما تسأل عن صديقتها تكون الاخرى ليلحين تنتظر الذريه ,, مسكينه عانت جدا جدا وهي ترغب انها تكون ام وعندها اطفال , تعرفون الدنيا تلاهي واختي لهت عن صديقتها وصديقتها كذلك ,ضاعت ارقامهم من بعض وقبل فتره اختي شافتها وفرحت جدا ,, عندها بنتين الحمدلله يااارب بعد معاناه 18 سنه ويا الحمل الله رزقها ببنتين بينهم سنتين فقط سبحان الله , تقول صديقه اختي والله قبل ادعي الله يرزقتي الذريه والحين ادعي الله يهديهم مجننيني ومخبليني ...
قصه ثانيه , وحده من قريباتنا طولت ما حملت ياقلبي عليها صارت تتجنب الاجتماعات العائليه عشان محد يحرجها , صار لها 8 سنوات ومن كم شهر سمعنا خبر حملها اخييييرا ربي يتمم لها على خير ويرزقها بالذريه الصالحه يااارب سبحان الله ...
بنت خالتي العقم من زوجها , عانت جدااااا ’,, تبي تحمل تبي طفل تبي تسمع كلمه يمه واخيرا بعد معاناه 6 سنوات نحجت عمليه اطفال الانابيب والله رزقها ببنتها وبهجه حياتها الله يخليها لها ياااارب ويرزقها الذريه ...
اخت زوجي متأخره بالحمل 4 سنوات كان عندها اكياس فوق المبياض وحاااله وسوالف ويبي لها عمليات عشان تزيل الاكياس وتحمل , حاولت تتناسى الموضوع الى ان تسمح ظروفها بالعمليه لانها كانت مرتبطه بدوام وما تقدر تاخذ اجازه , في هالوقت اهتمت بنفسها ونست موضوع الحمل وسوت ريجيم قاسي والنتيجه انها حملت وتفاجأت جدا لانها من سنوات تنتظر ومافي شي ماجربته ولما نست الحمل وما سعت له ربي رزقها اياه
يعني يااابنات التفكير يأثر في النفسيه واااااااايد ...
اما للمتأخرات في الزواج
قبل يومين راجعه من زفاف وحده من جماعتنا عمرها 32 سنه ومتزوجه واحد اكبر منها ولم يسبق له الزواج وسوت عرس ولا حصل والكل كان يقول هذي مستحيل تمشي بالاخص ان الي اصغر منها اخواتها كلهم اجمل منها وتزوجو وهي حظها في الجمال قليل لكن سبحان الله كل تأخيره وفيها خيره ..
بنت عمي عمرها فوق الاربعين فاتها القطار , تقدم لها واحد تاجر ومطلق في عمرها والسبب من زوجته الي خذت العيال وعايشه معاه احلى عييييشه وصار لها فوق الثلاث سنوات , سعيده جدا ربي يتمم عليها ..
وحهد قريبه جدا من قلبي خواتها الي اصغر منها تيسروا وتزوجوا وبقت هي بروحها عمرها 31 يأست من الزواج لانها سنين وهي تنتظر ومو قاصرها ولا شي جمال وكمال وطول وبياض وسمعه واخلاق ودين وعائله وكل ما يتمناه الرجل لكن الحظ والنصيب , الحمدلله يااااربي زواجها ان شاء الله بعد شهر , ربي رزقها برجل ولا في الاحلام كأنه مفصل تفصيل لها صج يرزق من يشاء بغير حساب , كانو الناس يحاولون يصيدون نظرات الغيره والالم في عينها بزواج اخواتها لكنها صبرت واحتسبت وربي عوضها
يابنات هذي النماذج ذكرتها لكم عشان تتفائلون وتعرفون ان ربي ماعليه شي بعيد او غريب ,, يعني تفائلوا بالخير تجدوه , اتركوا اليأس والحزن والهم وتفائلي وان شاء الله فال السعد بيكون جدامج ياااربي ,, كل مافكرت اكثر في تأخر الحمل او الزواج انتي بهالاسلوب تتعبين روحج , اتركي الامر على الله وادعي ولاتنسين الدعاء , تفائلي وكوني سعيده ومتأكده ومتيقنه وربي بيرزقج فوق ما تتمنين ...
واخيرااااا يا حبيباتي خلونا ندعي لكل متأخره بالزواج ان ربي يرزقها بالزوج الصالح عاجل غير اجل ولكل متأخره بالحمل ان الله يرزقها بالذريه الصالحه السليمه والمعافاه ...
اذا تعرفون نماذج وقصص مشابهه ذكروها خلونا نبرد على قلوب خواتنا ونخليهم يتفائلون اكثر



دنيا ملونه غير متواجد حالياً رد مع اقتباس إرسال الموضوع إلى الفيس بوك إرسال الموضوع إلى تويتر




29-11-1431 هـ, 02:29 صباحاً
#2
جزاك الله الف خير
فرحتينا شوي ...
الله يديم السعادة على الكل


توقيع

أخواتي أنا بهم وغم أسالكم بالله أدعولي بتفريج همي وتعويضي خيرا
رد مع اقتباس
بندقية 1 غير متواجد حالياً  



29-11-1431 هـ, 02:30 صباحاً
#3
ياعمري عليك وعلى كلامك اللي يريح

الله يوفقك يارب والله يسعدك ويرزقك الراحه والسعاده والتوفيق وين ماكنتي


توقيع


رد مع اقتباس
ميار>>> غير متواجد حالياً  



29-11-1431 هـ, 02:34 صباحاً
#4
الله يسعدك ان شاء الله

ويرزق كل وحده ماتتمنى يااااااااارب


رد مع اقتباس
أناااا حواء.. غير متواجد حالياً  



29-11-1431 هـ, 02:35 صباحاً
#5
الله يسعدك ان شاء الله

ويرزق كل وحده ماتتمنى يااااااااارب


رد مع اقتباس
أناااا حواء.. غير متواجد حالياً  



29-11-1431 هـ, 02:42 صباحاً
#6
الله يجزاك خير
الله يرزق كل مسلمه ماتمنت


توقيع

وظني فيك ياربي جميل
فحقق ياالهي حسن ظني
رد مع اقتباس
مجدولـــــينا غير متواجد حالياً  



29-11-1431 هـ, 02:53 صباحاً
#7
جزاك الله خيرآ والله يحقق كل أمانينـــــــــا 00 يارب 00


توقيع

اللهمّ آن بينْ ضلوعي [ أمنيه ] , يتمنآهآ قلبيُ وروحيّ وعقليُ ..
إنْ آمنيتيُ تنبضُ بينْ قلبُ هو ملككّ !
فلآ تحرمنيُ من فرحة تحقيقهإ‘ / فإنكّ الوحيدّ منْ يقولّ :
كنْ فيكونُ .. ! يارب ..🌹
رد مع اقتباس
أوكوشية غير متواجد حالياً  



29-11-1431 هـ, 03:01 صباحاً
#8
يااااااالله ياااارب يسعدك وينور لك طريقك ويفرح قلبك ويبشرك بما تحبين من خيري الدنيا والآخرة والله أنا محتاجة لما كتبت وجاء موضوعك في وقته فأسأل الله أن يهبني ويهب كل العازبات الزوج الصالح وأن يرزق كل من تريد الذرية بذرية صالحة بارة , وان يرزقك أنت بالخصوص بما تريدين من خيري الدنيا والآخرة


رد مع اقتباس
الشموووووخ غير متواجد حالياً  



29-11-1431 هـ, 03:04 صباحاً
#9
اعرف وحده تجاوزت سن الثلاثني مطلقه وحياتها كانت صعبه شوي مع اهلها ربنا رزقها بزوج اصغر منها في منتصف العشرينات وهي الان عندها احلى ولد وبنت ماشاء الله زوجها خاتم في يدها صحيح فيه فرق من ناحيه التعليم انها احسن منه ويسبب هذا الشي مشاكل بينهم احيانا لكن هذي هي تزوجت عزوبي وعندها ولد وبنت... الله يرزق كل من سأله يااااااااااااااااااااااارب.... ....دعواتكم


توقيع

رابط إذاعةالقرآن الكريم

رد مع اقتباس
دنيا كلها ألم غير متواجد حالياً  



29-11-1431 هـ, 03:05 صباحاً
#10
الله يسعدك يارب

كلامك بلسم

والله يزرقنا ويديم السعاده عالجميع

فرحتينا ياعسل


رد مع اقتباس
زهرة العاطفه غير متواجد حالياً  



إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع


الساعة الآن 02:51 .