السلام عليكم ورحمة الله وبركاته
مدخل :
" رب اشرح لي صدري .. ويسر لي أمري
واحلل عقدة من لساني يفقهوا قولي "
معاي لكم مكرونه خطنطر .. ع الموضه >> حتى الأكل صار فيه موضات ^^
ملاحظة :
قبل مانخش في الموضوع
بردقانيه هذي لغه خنفشاريه
بالعربي يعني برتقاليه
بالعنجليزي يعني أورنجيه
نيجي لـ الطريقه :
واحد ونص باكيت مكرونه طوال مسلوقه في مويه وملح وزيت
في هالوقت تكونين مقطعه دجاج صغار ومتبلته ببهار وثوم مفروم وملح ..
حطي في المقلاة زيت ولما يصير حار حطي الدجاج وقلبي لحد مايتسوي ..
في الخلاط الكأس اخلطي :
2 حبة فلفل بارد أحمر ( لازم أحمر )
بصل أبيض حق السلطه مقطع
مكعبين ماجي
6 ملاعق جبن سايل
علبة حليب أبو قوس
علبة قشطه
ملعقة كبير ممسوحه باربيكا
ومعلقه فلفل أحمر بودره (للي يحبون الحار )
حطي المكرونه في صينية بعد ماتصفينها من المويه وعليها الدجاج والخلطة وقلبيهم مع بعض ..
دخليها الفرن تقريبا نص إلى ساعه إلا ربع .. أو لحد ماتنشف الخلطه تماما ً .. بس انتبهي تحترق ..
طفي عليها النار وحطي الوجه جبن تشيدر مبشور .. وفلفل بارد شرايح ( اختياري)
ودخليها الفرن يذوب الجبن على حرارة الفرن المطفى ..
وبس ..
هذي صورتها في الصحن ..
ع الجنب الثاني >> شكيت إنها مكرونه هع هع
ترى لونها بردقاني .. بس مو مبين مع الإضاءه ..
عوافي عليكم مقدماً ..
مخرج :
" رب هب لي من لدنك رحمه إنك أنت الوهاب "
