.
عاد الحين طحت على وصفه لفطور ملكي شي معتبر قدآم مين مايكون راح يكون فطورك احلى فطور :23:
انا من عشاق البان كيييك بس كل الوصفات اللي عندي يطلع البان كيك هش وطري ويتمغط مايعجبني :08:
اللي راحت كودو وذاقت البان كيك حقهم هالوصفه والله العظيم ماني مصدقه نفسي نفس الطعم
متينه شوي وماسكه ناشفه من جوا تطلع مثل ماادري وش اقولكم المهم اللي مايدري يقول احد من
موظفي كودو مسرب الوصفه حقتهم :cook:
ريحتها بالبيت كله الحين الساعه 2 الفجر سويت مقدار واحد ابي اجرب الوصفه الحمد لله طلعت خياليه
جا زوجي من برا واخذ الصحن وطلع فيه
اللي بتسمع كلآمي الحين وتقوم تفز بدل ماهي سهرانه وفاضيه تكسب اجر بعيالها وزوجها اليوم
وفرصه دآم اليوم اربعاء خليه يوم مميز فطور امريكي عشان النفسيه تكون حلوه بعد هالفطور :arb: يومك بيكون عسل وحلو ان شاء الله
وعطلة حلوووه على الكل
شوفوا الصور والكميه اللي سويتها طلعت 13 حبة ميني بان كيك
انتي بكيفك شوفي المقدار اللي يكفي العايله
المقادير:
كوب طحين
كوب حليب سايل
ملعقتين كبار سكر
ملعقتين كبار زيت او زبده
بيضه
رشة ملح
ملعقه كبيره بيكنج بودر
رشة فانيلا
اخلطي المقادير كلها بالخلاط اللي عندك
وبعدها صبيه على الطحين المنخول
اخلطي واتركيه نص ساعه تخمر شوي
على الصاج او مقلآيه امسحي بشوي زيت وصبي من الخلطه انا عندي ملعقه صغيره حقت غرف الشوربه
صبي على الصاج من غير ماتلمسي العجين بالمره وخلي النار واطيه اتركيه لين ماينشف وتطلع
الفقاعات على وجه البان كيك اقلبيها على الوجه الثاني واتركيها تتحمر
ادهنيها بالزبده ورشي عليها قطر البان كيك
البان كيك لو اكلتيه بدون ماترشي عليه شي بيكون سكره قليل يعني لآزم شي حالي فوقه
وبس سلآمتكم
يلآ مين الحلوه اللي بتطبق هالبان كيك الملكي
تخبرني عشان اشوف رايها بهالوصفه
ملآحظه / انا قريت بالموقع كاتبين ان هالوصفه تقدري تسويها ولآتدهنيها بالزبده
اتركيها تبرد وحطيها بالفريزر مايجيها شي بس تحبي طلعيها وبالفرن او المقلآيه سخنيها
وتحذييير لآتسخني بالمايكرويف عشان راح تصير مطاطيه يعني مايكرويف ماااينفع
خلصت ابي ردود حلوه تفتح النفس وتقيييم وكل شييي استاهل ولا لآ