صباااح\مساااء الفل والورد والياسمين..
حبيت أنزلكم أكلة دائما متواجدة في قسم المقبلات..
ومرررة لذيذة وسهلة..
فتة البذنجان أكيد الكل يعرفها..
يللا طولت عليكم بأدخل في الموضوع..<<لابدري..هههههههه..
المقادير..
2) بصل مقطع صغير..
1) طماطمة مقطعة صغيرة..
2) بذنجان أسود مقطع مربعات مو مرة صغيرة مقلية..
2) لبن زبادي..
1) كيس عيش شامي خفيف..
وطبعا تزيدي المقادير حسب الكمية اللي تبغيها..
طريقة العمل..
أحمر البصل وأضيف عليه الطماطم وأضيف عليه البهارات..
ملح + فلفل أسود + فلفل أبيض + ملح ليمون..
أقلبها مع الخلطة..
وأضيف عليها البذنجان وأضيف ربع فنجان الشاي موية ..
طبعا اقلبها واخليها تصير شوية تقيلة مو مررة.. صورة رقم 1..
وحأنزل الصور بالترتيب وشفيها على حسب الرقم..
العيش مقطع شرايح طويلة ومربعات قبل القلي..صورة رقم2..
خلطة اللبن..
لبن + ملح + فلفل أسود + فلفل أبيض +ملح ليمون.. وتكون الخلطة حامضة صورة رقم 3..
وأجهز صحن التقديم..
وأحط أول شي العيش المقلي..
وفوقه خلطة البصل والبذنجان..صورة رقم 4..
وبعدين فوقه خلطة اللبن..
وحسب الرغبة ممكن تزينه بالسماق أو بالبقدونس.. صورة رقم 5..
أنا زينته بالبقدونس..
كنت أبغى الصور تحت كل خطوة بس مو راضيه تصير فخليتها مرفقة..
أتمنى تنال إعجابكم ..
أول مشاركة لي عندكم..
واللهم صلي وسلم على سيدنا وحبيبنا محمد..
عليه أفضل الصلاة وأتم التسليم..
..
..