طريقتي في ترقيع ملابس اولادي الممزقة..

نكمل سوا....

= بعدما خلصنا من الغرزة.. نقص الزايد من القماش مع ترك مسافة 1 سم..



واللحين هذا وجه القماش كيف صار..مبينه حدود الجزء المصاب..



= اللحين نجي للجزء الاحلى من العمل..الا وهو اختيار القماش والتصميم المرغوب..

انا اخترت الجوخ لعدة اسباب وهي انه يتحمل ومايتمزق بسهوله ..واحلى شي انه مايتنسل..
واخترت التصميم على شكل نجمه...



وهنا التصميم والجوخ بعد القص وتجهيز القطع استعدادا للترقيع...



نبدأ نرتب القطع على البنطلون بطريقة حلوة وبنفس الوقت عشوائية...




يتبــــع باذن الله >>>>

نكمل سوا..

= نثبت النجوم بالدبابيس بعدها بالسراجة لضمان ثباتها اثناء التطريز..



= تليها عملية التطريز..وانا اخترت البطانية..وممكن كل وحدة وماترغب...



واللحين بعدما خلصنا تطريز كامل القطع..



وهناااااااا البنطلون خلص ..وهذا شكله كامل من بعيد..



هنا خلصنا من البنطلون وطريقة العمل ...
واللحين رح اعطيكم نماذج اخرى منفذ عليها الترقيع..

يتبع باذن الله >>>

نكمل سوا ...

هنا بعض النماذج التي تم تطبيق الترقيع عليهااااا

1) بنطلون بناتي..


2) بنطلون ولادي


3) بنطلون ولادي



يتبع باذن الله >>>

نكمل سوا ...

هنا ترقيع غير عن السابق..بجامة بناتي ..القماش قطني ..والترقيع قماش قطن مقارب..

اول شي اخترت القماش المناسب واللون المقارب..قمت وقصقصت الوردات ::



وضعت الوردات على الجزء المصاب ( بعدما اتبعت نفس خطوات الطريقة السابقة في بنطلون الجينز )

الصورة من قريب ومن بعيد..



وحبيت اني اضيف كم وردة للتوب حق البجامة..عشان الكل يصير متناسق..واستخدمت غرزة النباته للثبيت النهائي..



وهنا خلصنا ..اتمنى ان العمل ينفع الجميع ..

ولا تقولوا عجازة ماودها تشتري عشان كذا ترقع...لا
انا فكرتي كلها عشان أستفيد قدر الامكان من الملابس خاصة ان مكان التمزق محدود وتسهل معالجته وايضا بما ان موسم الشتاء لم يبدأ بعد...

المهم لا تنسوني من دعواتكم الحلوة لي بالشفاء ..لأني طولت مريضة والصداع يرفض المسكنات وينتشر الالم للرقبة والكتف والذراع والمنطقة كلها تتخدر...الحمدلله على كل حال..

وادعوا لعيالي بالشفاء لأني مليت من المستشفيات..

والله لا يوريكم مكروه..
استودعكم الله.....

رووووووووووووووووعه تسلم ايدينكِ..

والله يشفيك يالغلا

وعليك بالرقيه

وادهني مكان الالم بزيت زيتون مقري فيه