اليوم راح اكمل لكم ملف الانقاذ الشامل للازمات وهو تابع لموضوعي الأول وهذا الرابط علشان يكون الموضوع سلسة مترابطه http://forum.hawaaworld.com/showthread.php?t=2649926
اول شيء كما وعدتكم هو 0000
عيش الألغام
اول شي اغسل رز بقدار كوبين ونصف ( الكوب المقياسي ) وننقعه بالماء الحار ونتركه من ثلث الى نصف ساعه طبعا الرز بسمتي 0
آخذ كفته 25 حبة أو 30 حبة حسب محبتك للكفته انا عيالي يحبونها وايد فاحط 30 طبعا اشويها على مفلاة تيفال بدون زيت بتاتا او في الفرن او الشواية براحتك وهذا شكلها بعد الشوي
طبعا ملاحظين ان في الطبق شكلين للكفته والسبب انالكفته الدائرية الكور خلصت يعني كانت كميتها شوي فحطيت معاها الشكل الثاني وهو عبارة عن همبورجر صغار 000000000000000 عاد لا تدققون ههههههههه
والرز حطيت في القدر زيت قليل ووضعت الرز واضفت الماء وتركته على النار حتى بدأ ينشف ماء الرز وكان هذا شكله
والشغل العسكري يبدأ اللحين وهو حفر حفر بالرز ووضع حبات الكفته مثل جذي وتلاحظون من حفري ان اخت عسكري قوي الله يحفظه 0هههههههههه
و طبعا نحفر لنصف الكفته و النصف الآخر نضعه فوق الرز بهذا الشكل
ونتركه ربع الى نصف ساعه فقط وعند التقديم نرفع الكغته اللي فوق الرز ونضعها جانبا وشوفي الرز اللي تحتها شكله يمي يمي
شفتي اللون عذاب والطعم والله اعذب من العذاب وهذا الشكل النهائي لكن انا ما وضعت مكسرات فقط بصل مقلي لاني كنت مستعجله واولادي اتوا من المدرسه وكانوا جائعين مرة 0000
وانا اقدمه مع الدقوس ولكن اليوم قدمته مع مرقة هوا وهي مرقه بالخضار بدون لحم او دجاج وهذا كان شكل السفرة ونسيت اصور السلطة لأن :arb: كان جائع وتعبان يبي يتغدا وينام0
واللحين اشرايكم بالطبق واتمنى اشوف تطبيقاتكم
والآن الطبق السريع أو الأسرع صينية الهمبورجر 0
طبعا هذا الطبق سهل ما يبي شرح وصور وايد والطريقة هي قطعي شرائح بطاطا وفلفلبارد وبصل و طماطم و قطعي زهرة و شرائح باذنجان وكوسا يعني الخضرة اللي تبينها و الموجود ( الجود من الموجود )
وصفيها طبقات بقدر واسع مثل طبقة بطاط ثم بصل ثم فلفل بارد ثم شرائح الهمبورجر طبعا وهي نية بدون شوي كل شيء نيء وثم باقي الخضار كطبقات وضعي في الخلاط طماطم وبصلة صغيرة و 3 فص ثوم ومعجون طماط وبهارات و شطة قليلةووو ماترغبين به من بهارات وفلفل حار اذا اردت المهم خلطيهم ثم ضعيهم على القدر فوق الطبقات وعلى النار لمدة نصف الى ساعه الاربع بعدها قدميها مع الخبز وذوقي الطعم والخفه
طبعا اخواتي هذا الطبق ينفع للدايت لانه بدون زيت وقلي وهذا شكل الطبق التقديم بس انا زدت المرقه لان اولادي يحبون يغمسون الخبز فيه 0
وهذه صورة اقرب لكم
والحين اشرايكم بالطبق الثاني ان شاء الله يعجبكم وتطبقونه
والطبق الاخير هو معكونه سريعه بكرات الكفته تنفع للبرد ووقت المرض هذه المعكرونه يطلبها زوجي على طول في وقت البرد والمطر يتصل علي من الدوام ويقول سوي معكرونه تدفي شوي
انتظروني لحد يرد بارجع اكمل الموضوع 0000000000
