06-12-1431 هـ, 08:35 مساءً
قوالب الشكولاته بالنعناع

المقادير:

150 جرام شكولاته خام مذوبه في حمام مائي
علبه حليب بوني او ابو قوس
2 ملعقه من شراب النعناع موجود في السوبر ماركت
2 ملعقه نشاء

الطريقه:



نخلط الحليب مع شراب النعناع



نضيف له النشاء



نقلبها حتى يختفى النشاء



نضعها على النار هادئه حتى يجمد الخليط



ندهن القوالب بالشكولاته



نتركها تبرد في الثلاجه



نضع عليها خليط النعناع بعد ان يبرد



نتركها تجمد في الثلاجه ونغطيها بطبقه اخرى من الشكولاته وندخلها الفريزر لتجمد



نقلبها في صحن
06-12-1431 هـ, 09:10 مساءً
يا جماعة ممكن رابط كيكة كريم الكرامل بتاعة ام ياسمينة ؟؟

يارب لك الحمد كما تحب وترضى

اللهم احفظ لي أبي وأمي واخوتي وزوجي وأولادي وبارك لي فيهم
06-12-1431 هـ, 10:18 مساءً
بسوم الدونت مقليه والاحلي المقلي طبعا وضحكتيني علي موضوع الرز باللبن لا عارفه انا بقي جوزي كان بيقولي ايه اعمليلي بيتزا يعني بيبقي عاوز يقولي سبيكي من الحلويات وخليكي في المعجنات .

مروي بصي من قال لا اعلم فقد افتي اصلا انا بعمله وبيتخطف مبيقعدش بس هو بيبقي طري بصي هقولك لو انت اول يوم مش هينفع تعمليه اعملي كالاتي اعمليه وسويه وسبيه يبرد خالص وبعد ما يبرد حطيه في علبه محكمه الغلق وعلي الفريزر اوك ويوم ما تكوني رايحلهم طلعيه من الصبح لو راحه الصبح يبقي طلعيه في علبته زي ماهو ومتفتحيهاش من اول يوم بالليل وسبيه يفك خالص وبعدين رسيه في صنيه ودفي الفرن سامعه دفيه بس واقفلي وبعدين دخلي الصنيه 5 د بعد ما يكون فيك خالص اوعي تحطيه وهو متلج انا بقولك اهو هيعرق وهيعجن وهيبوظ وطلعيه انا بقي الصوص زي ما قلت بحط حليب مكثف بيموتو فيه عندي وعندك صوص سموحه حلو برده .
بالنسبه للطريقه الصور عندي بعافيه الموبيل بايظ .

حلوه اوي يا فراشه الحاجات اللي حطتيها هجرب باذن الله منهم فراشه متنسنيش في طريقه العجوه عشان عوزاها ضروري جزاك الله خيرا.

لوليتا لولو طبعا لازم تطلع طعمها حامض ليمون وخل وصويا صوص .
بصي يا لولي انا بعمل بالبركه علي فكره اقلكو علي حاجه مش هتصدقهوها احيانا بعمل حاجه وانسي طريقتها بعد ما اكون كتبتهالكو وهو ده اللي بيخليني اختلف في المقادير بس انا لسه عملاها امبارح وطلعت حلوه لا اقولك علي حاجه كمان انا نسيت طريقه السينابون اللي عاملين تتكلمو عنها دي امبارح قعدت ادور عليها انا خلاص لو غبت اعرف ان فقدان الذاكره تغلب من لا اقولك علي الانقح اول امبارح قلت اعمل الكنتاكي وبعدين افتكرت اني مش عندي ابره فقلت خلاص اعمل فراخ مشويه
المهم تبلت الفراخ وحطتها في التلاجه صحيت الصبح عشان اقلبها واسبها اشم ريحتها مش هي دي ريحه الفراخ بتاعتي وابص ناقصها حاجه تخيلي بقي طلعت ناسيه ايه هههههههههههههههههههههه البصل والتوم اه والله رحت بسرعه فرمه بصله وعصرها عليها .

المهم بصي يا جميل هقولك علي طريقتتين وادعيلي اول واحده هتقطعي بصله شرايح و2 فص توم برده شرايح عليهم معلقه كاتشب او معلقه صوص الباربيكيو اللي عندك ملح فلفل اسود بابريكا ونصف ليمونه وقلبي حطي عليهم كوبايه زبادي روزماري ومعلقه صويا صوص واخلطي كله علي بعضه وانقعي فيها الفراخ وكل يوم قلبيها الفراخ دي لو ماعدتش يومين والتالت اتشوت مش بتدي الطعم بتاع الشارع المهم قبل الشوي نضفيها تمام من البصل والروزماري والتوم وبس رصيها علي شبكه الفرن وحطي تحتها صنيه فيها ميه كتتير وولعي الفرن وكل ربع ساعه اقلبي عشان دهونها تنزل.
بعد ما تلاقي لونها وصل لزي بتاعت المحلات قبل السوا تقريبا بربع ساعه ولعي علي الفحمه حطيها في حله (الفراخ)وحطي في النص ورقه فويل عليها نقطتيين زيت وحطي الفحمه وغطي بسرعه ومتفتحيش الا بعد 10د.


الطريقه التانيه بقي حلوه قوي طريقه فردك للفرخه اللي في الصوره عوزاكي تفرديها كده هتعملي ايه بقي بعد كده هتجيبي فلفله رومي حمره وتشويها في الفرن لحد ما تتشوي خالص وبعدين تقشريها عارفه ازاي طلعيها وهي سخنه وحطيها في كيس واقفلي عليها وافتحي بعد شويه وشيلي القشر وبعيدن اضربيها في الخلاط مع شويه زيت وملح وحطيها في برطمان وكل ما تعوزي تشوي حطي معلقه منها هتدي لون وطعم للفراخ او اللحمه رائع دي متنفعش للكفته يعني يا كباب يا فراخ وفي الكباب ربع معلقه بس وطبعا في الفراخ هتحطي المعلقه علي كوبايه زبادي ملح وفلفل وروزماري ومعلقه كاتشب ونصف ليمونه وبس

حبيبه الرابط حطاه حنان ورا صوره الكيكه علي طول

كان في حد سال علي كرنب الكلو سلو انت قولي للراجل عاوزه كرنب سلطه عارفه بتبقي شبه الكابوتشا كده





مصريه 100 % وافتخر بذلك
06-12-1431 هـ, 11:13 مساءً
ميرسى اوى على طريقة الفراخ يا رشا ياحبيبتى انتى فعلا شطورة ربنا يبارك لك
هجربها واقولك النتيجة بس جوزى قالى نوعية الفرخة ايلى وحشه هى اسمها النصر طازة من المحمل عارفاها اوعوا تشتروها طعمها بايظ كده ووحش
06-12-1431 هـ, 11:44 مساءً
بسم الله ماشاء الله عليكم
ايه الابداعات ديه
مها وفراشه وام كريم وكهرمانه كلكم تسلم ايدكم
وربنا يباركلكم
وكل سنه وانتم طيبين
اللهم اغفر لى ولوالدى وللمسلمين والمسلمات الاحياء منهم والاموات
07-12-1431 هـ, 12:05 صباحاً
07-12-1431 هـ, 01:03 صباحاً
كل عام وانتم بخير و عيد مبارك . من فضلك يا دون افيدينى فى شراء فرن كهربائى اريد معرفة ماركة جيدة و يكون سعرها معقول ويا ترى ماركة كوميتيل جيدة ام لا وشكراُ على مجهودك .
07-12-1431 هـ, 02:03 صباحاً
اقتباس مشاركة  (tadoh)
بسم الله ماشاء الله تسلم الايادي ياايمان وبالهنا والعافيه ليكم يارب وعقبال تورتة البيبي يارب وكل سنة وانتي طيبه .
الله يسلمك يامها
وكل سنة وإنتي طيبة ياقمر

اقتباس مشاركة  (tadoh)

‬.
الحاجات اللي زي ده داخلة دماغي أوي للعيد بس ربنا يسهل

اقتباس مشاركة  (لوليتا v)
طب مالها كيكة اللبن الساخن ب 4 بيضات
ياعم ياعم إيه الرضا ده كله أخيرا رضيتي عليها ربنا يديم المعروف بينكم
فراشة تسلم ايديكى على الكيكة الخطيرة دى
عاوزة اسألك معلش انا معايا موقع الشيف ايلى فيه كتب كتير ده عاوزة اسالك انتى كنتى بتتعلمى وتجربى من الكتب دى ولا من فيين لان انا بادخل النت اتوه واحتار واقول اجرب لمين
الكتب ده ببص فيها يدوب أخد فكرة لكن أصلا كل اللي بجربه وصفات لبنات مختلفة من النت الوصفة اللي بيعجبني شكلها بجربها خصوصا لو صاحبة الوصفة موثوق في رأيها عشان في ناس بتهول وتبالغ زيادة عن اللزوم
ومفيش حد بيتعلم ببلاش لازم تجربي مرة يبوظ ومرة يظبط ومفيش حد كبير على الفشل بس أهم حاجة تمشي المقادير صح والخطوات صح
مبدئيا انا عملت ليكى كيكة اللبن الساخن وماسكة فيها اما اتقنها والحمد لله اتقنتها ان العيب من فرنى عملتها عند ماما امبارح ب 3 بيضات و2 كوب دقيق وطلعت ما شا الله عاليه موووت وفى صينيه مقاس 24 ومش مخرومه من النصف الحمد لله الفشل وحش اوى بس قولى لى اتعلم منين تانى النت مليان قيديوهات الشيفات ووصفات البنات وكتب بتاعة الموقع ده ارجو الافادة
طيب شوفي إنتي من أولها أهو مش بتلتزمي بالمقادير المفروض كوبايتين الدقيق ياخدوا 4 بيضات يالولو ياقمر مش كل حاجة دايما بتيجي بالبركة كده وإلا هيبقى الفشل أكتر من النجاح

اقتباس مشاركة  (لوليتا v)
عاوزه اعرف يمكن الغلط انى عملت كده وهل عشان هو بارد اشيل الصاجه خالص واكتفى بالشبكة السلك وخلاص انتى عمله ايه وانا باحط الكيك فى النصف على الشبكة السلك
متصوريلنا الفرن من جوة أحسن عشان سلفتي فضلت الحاجة تبوظ معاها وطلع السبب إنها عاملة وضع غلط في الفرن
وحماتي كانت المكرونة بالبشاميل بتقعد عندها ساعة وشوية في الفرن برضو بسبب وضع غلط وأنا سويتها عندها برضو في نص ساعة بالكتيييييير بعد ماعدلت الوضع

اقتباس مشاركة  (كهرمانة12)
صباح الفل........

فراشة.......اشكرك ياقمر علي شرح طريقة فصل البيض بس ازاي بقي تنزليلنا الصورة الحلوة دي ومتنزليش طريقتها ان شاءالله كلنا هنجربها يالا انزلي بيها بالتفصيل زي منمن ماقالتلك بالظبط والمقادير زي ماقلتي كوب دقيق 6 بيض كوب سكر في صينية 24
الشكر لله ياقمر
ياريت تجربي الكيكة بالمقادير اللي نزلتها هتعجبك أوي إن شاء الله

اقتباس مشاركة  (madam_mohd)
.


تسلم إيديكي يارشا
كنت عايزة أعرف هو إنتي عملتيه بزبدة فيرن برضوا أصل أنا حسيتها بتفرق كتير أوي عن الزبدة في الريحة واللون
ولا إيه الأخبار معاكي
أصل أنا عندي منها كمية
عارفة بقيت أدخلها في القرص والقراقيش مع شوية سمنة بلدي
07-12-1431 هـ, 02:16 صباحاً
**************
07-12-1431 هـ, 02:41 صباحاً
اقتباس مشاركة  (basmahmed)
يا بنات عملت كيك الزبادى بالطريقه اللى رشا كانت قالت عليها انا كنت جربتها قبل كده كذا مره وكنت اعتمدتها خلاص لانهاكانت بتطلع هشه وجميله المره دى عملت معايا حركه غريبه جدااااااا بعد ما حطيتها فى الفرن وعدى اكتر من نص ساعه فتحت عليها لاقيتها سايله خالص (مع ان العجينه كانت ماسكه نفسها وتقيله مش خفيفه) وعامله زى ماتكون بتغلى ووشها احمر شويه المهم عليت عليها النار شويه وسبتها ولما فتحت الفرن كانت استوت بس هبطت جدا ومن جوه بقيت مكتومه اوى حسيت انى باكل بسبوسه مش كيك هى طعمها حلو بس مش هى دى اللى بعملها كل مره حد يقولى العيب منيييين؟؟؟؟
سبحان الله الكيكة ده برضوا كنت بعملها زمان أوقات تطلع تحححححححححفة وأوقات تطلع كتلة عجين




ما شاء الله يا ايمى تسلم ايدك شكلها رووووعه وفعلا زى بره واحلى كمان يلا قوليلنا الطريقه بس معلش ماوعدكيش انى اجرب دلوقتى لان استحاله ادم يسيبنى من غير زن حتى ولو نص ساعه الله يسلمك
أه من العيال فكرتيني لما عمر كان في سنة كان قارفني
ربنا يهديهم
وبرضوا مابنتوبش


ما
اقتباس مشاركة  (ام زوما)
ماشاء الله لاقوة الا بالله
روووووووعة يا ايمى
تسلم ايديكى وعينيكى يارب
بجد تحفة والشرح والصور كله يجنن
ربنا يباركلك فى جوزك و ابنك ويقومك بالسلامة يارب
ربنا يجازيكي خير على الدعوات الحلوة وليكي بالمثل يارب

اقتباس مشاركة  (حبيبة ابراهيم)
ماشاء الله يا ايمان تجننن وتفتح النفس تسلم ايديكي
الله يسلمك ياقمر

اقتباس مشاركة  (التواقة للخير)
ما شاء الله لا قوة إلا بالله
تسلم إيديكى يا فراشة ربنا يباركلك يارب

بس سؤال بقى هو لو مافصلناش البيض عمرها ماهتيجى أبدا بنتيجة زى كده أو شبه كده حتى (( أصلى عندى عقدة من فصل البيض ووجع الدماغ ده بابقى عايزة أخلص بسرعة ))
لأ هيديكي نتيجة حلوة بس برضوا بتفرق يعني تعبك مش هيروح على الفاضي

اقتباس مشاركة  (om mansor)
ما شاء الله لا قوة إلا بالله
تسلم إيديكى يا فراشة ربنا يباركلك يارب
عاوزة بس أسألك عن كمية الماء بالزبط ثلاث أكواب و لا ثلث كوب جاوبيني بليز
تلت كوب بس مش تلاتة

اقتباس مشاركة  (كهرمانة12)
ام منصور..........اكيد اكيد الماية تلت كوب وفراشة تجاوبنا برضو

فراشة........تسلم تسلم ايدك علي الشغل الرائع دة انتي عشان ماشاءالله الله اكبر شطورة طلعت معاكي كدة انا لاحظت انها نفس التكنيك المتعارف عليه بس الفرق في المقادير انا مرة شفت طريقة مختلفة للاسفنجي انك بتحطي صفار البيض علي حمام ماية بيقولوا الطريقة دي الكيك عمره مايهبط بس للاسف الوصفة تاهت مني ومحفظتهاش عندي لو لقيتها تاني هجيبها لكم وممكن تكوني برضو تعرفي التكنيك دة

أيوة ده إسمها كيكة الجينواز بس مش الصفار بس اللي بيتحط على حمام مية لأ البيض كامل
وكمان بيضاف ليها زبدة سايحة في الأخر
بس أنا مجربتهاش قبل كده
ولو عايزة مقادير جاك توريست للكيكة ده أجيبهالك










النهاردة ياجماعة تعبت تعبت تعبت وانا بعمل تورتة الكريم كرامل بتاعة ام ياسمين...هقولكم ملحوظاتي بعد الفاصل



شغلك فعلا ماشاء الله راااااااااااااائع وفعلا أحلى من الأصل

اقتباس مشاركة  (madam_mohd)

فراشه فروشتي هو المثل بيقول ايه من خرج من داره عارفه ال3 كيكات اللي فشلو مني كانت بطرق تانيه انا خلاص مش هستعمل غير كيكه الحليب الساخن للاسفنجي وطريقه ابله دينا للانجلش كيك فاضل بس اجرب بتاعت سموحتس وخلاص عشان بجد انا اتفرست من الكيك اللي باظ . بجد ربنا يحرسك يا فروشه وتسلم ايديكي يا رب علي الحاجات الفظيعه دي

أنا فعلا الكيكة ده مهما أجرب غيرها برجعلها تاااااااني

.
اقتباس مشاركة  (Amml N)
بسم الله ماشاء الله تسلم الايادي يافراشة المنتدى وبالهنا يارب وعقبال تورتة فرح عمور يارب
الله يسلمك
بس تورتة فرح مرة واحد ده هتعمل أد إيه

اقتباس مشاركة  (hasby_raby_77)
تسلم ايديكى يا فراشه الكيكه ما شااااااااء الله تحفه
بس يا ترى ممكن تحشيها من جوه طبقات الكريمة او فاكهه ؟؟
أيوة بحشيها كريم شانتيه مع فواكه معلبة مشكلة

اقتباس مشاركة  (basmahmed)
فراشتنا الجميله بجد انت مبدعه ماشاء الله وكمان طريقة شرحك باستفاضة مابتبخليش علينا بحاجه ربنا يخليكى و يجازيكى كل خير ياقمر




شكرا يابسوم


الساعة الآن 02:46 .

جميع الحقوق محفوظة - عالم حواء - 2015