اولا اشكر مشرفتنا الغاليه ام عبد العزيز
على المسابقه المفيده والممتعه
00000000000
وحبيت اقول لكم كلمتين قبل ابدء موقفي عن الحكمه
الحكيم يتكيف مع الظرف ، كالمـاء الذي يأخـذ شكـل الإنـاء الـذي يحتـويه
000000000
ليس الحكمـة دواء يمكننـا إبتـلاعـه
الموقف :
بس اسمحوا لي اقوله باللغه العاميه
لاكن بحاول انها تكون واضحه وسهله
للجميع
هذا موقف حصل لزوجي وانا حاولت اتصرف فيه بحكمه
000000000000
هو كان يحب دايما يصلي في المسجد الي عند بيتنا ويروح له مشي لكن كان في جار لنا قريب الله يهديه دايم يطلع يصلي معاه ويصلي جمبه ورغم انه طيب وزجي يحبه لكن كان يتضايق من
ريحت البصل والثوم الي تطلع من فمه
بصوره ضايقت زوجي وكل يوم هذه السالفه لدرجة انه يقول ماصرت اركز في الصلاة من الريحه فظطر زوي اسف انه يروح المسجد الثاني الي مايقدر يروح له الابسياره لانه بعيد شوي وكان زوجي جدا متضايق من السالفه هذه
يقول حرمني اجر المشي للمسجد الله يهديه وطبعا يخجل يقول له لانه مايبيه
يزعل
00 تصرفي الحكيم 00
فكرت بطريقه حلوه يحل المساله بدون مايضايقه قلت لزوجي ولايهمك انا بحلها لك
وجبت صندوق مربع فاضي كان عندي ومحتاج له وحطيت فيه ورد مجفف وجبت قماش تول قصيته مربع وحطيت فيه علك نعناع وحلاوة بولو وهيل وربطته بشريط ستان وحطيته في الصندوق وحطيت معاه معجون اسنان
بنعناع ومطويتين عن النهي حن حظور المسجد بالبصل والثوم واخذت مسواك
من عند زوجي لانه مشاء الله عليه 24
ساعه المسواك بفمه حتى سموه اخوانه ابو مسواك فعنده كثير اخذت الي يجي الواحد مغلف بالنايلون وحطيته في الصندوق وجبت دهن عود ربع توله كنت شاريته من الغالي بس معليش لاجل الورد ينسقي العليق طبعا الورد اقصد زوجي ماهو جارنا المهم ربطت الكل بسولفان وحطيته في كيس وقلت عطه اياه وقول انه هديه منك له زوجي فرح وقال فكره حلوه وعطاه وتشكر جارنا منه كثير ومن بكره تدرون ايش حصل
يقول زوجي تغير كثير وصارمايجي الاوهو ريحته دخون ودهن عود عاد مدري دهن العود الي عطيناه اوغيره
ههههه المهم ان النتيجه والحمدلله
كانت طيبه وزوجي قدر يوصله الي يبي بدون احراج وهذا كان تصرفي اتمنى يعجبكم واشريكم اصلح اكون حكيمه اولا لاتحرموني من ردودكم الطيبه 0000000الماهرات