✿✿✿ مجرب .. لتخفيف المعاناة عند إدخال الأبرة بيد الطفل ✿✿✿

السلام عليكم ورحمة الله وبركاته

يابنات اللي عندها طفل وبيسوون له تحليل دم أو مغذية ....
طبعاً الممرضات الله يكفينا شرهم يجلسون يدخلون ويطلعون الأبرة بيد الطفل إذا مابانت العروق , ويسوون فيه تجارب مالها نهاية والطفل ميت من الألم والخوف


طبعاً ما أقصد التطعيمات العضلية ,, قصدي الأبر المتعبة اللي يدخلونها للوريد ويتعبون معها


بقول لكم تجربتي أمس مع بنتي , كانوا يبون يسوون لها الإبرة عشان تخدير للأشعة المغناطيسية في التخصصي بالرياض
وكان في ممرضة أساسية , وممرض وممرضة يطبقون ووحدة ثانية سعودية جت تلعب مع البنت

المهم جلست الممرضة تقلب البنت يمين ويسار وكل شوي تربط على يد وتحاول تشوف العرق بس ما بان ,, وفي النهاية الظاهر حاولت ودخلت الإبرة بس للأسف ما ضبطت ,, والبنت تقرمط بوجهها وتحاول تتصبر الله يسعدها
المهم طلعت الأبرة وجت تبي تحاول في اليد الثانية وأنا خفت تسوي فيها زي المرة الأولى , فجت في بالي فكرة

قلت لها لحظة يا سستر فين مغسلة , وهي مستغربة وأنا طوالي شليت البنت وهم يطالعون وش بأسوي
قمت وديتها عند المغسلة وخليتها غسلت يدينها فترة ولعبت لييييين ترطبت يدها ومن الرطوبة صارت كأنها شفافة تنبان من تحتها العروق
ورجعت للسستر قلت لها جربي ألحين ... وطوالي ربطت على يد البنت ودخلت الأبرة بدون مشاكل والحمد لله
فحسيت كأني اكتشفت لهم اكتشاف ... خاصة الي توهم يطبقون استفادوا مني أكثر من الممرضة الأساسية ههههههه


ياليت تجربون وتشوفون يمكن تنفع مع أطفالكم , والله يقطعون القلب في هذي اللحظة بالذات




ولاتنسون بنتي من دعواتكم (الخالصة من القلب) تكفووووون