كيف حالكم اخواتي المغتربات جعل الله ايامكم كلها طاعه له واتباعا لسنه نبيه محمد صلى الله عليه وسلم
اولا حبيت اشاركم بيومي البسيط جدا واتمنى ان ينال اعجابكم وان يكون فيه من الفائده ولو القليل
ايامي ياحبيباتي وياغالياتي نفس الجدول ماعدا يوم الجمعه و الويك ان يكون مختلف
الاثنين,الثلاثاء,الاربعاء,الخميس
افتح عيوني اطالع الساعه الساعه تشير الى السادسه“الحمد لله الذي أحينا بعد ما أماتنا وإليه النشور “.رواه البخاري
واقوم اتوضى واصلي واجلس شوي على سجادتي استغفر واسبح واقرا وردي اليومي
1اية الكرس صباحاً ومساءً وقبل النوم وبعد الفرائض) لا يقربة الشيطان وسبب لدخول الجنه
2سورةالاخلاص والمعوذتين الفلق)و(الناس) 3(ص)3(م) تكفيةمن كل شيء
اعوذ بكلماتالله التامة من شر ماخلق 3(م) ومن نزل منزلاً محصنة للأماكن من كالضرر
اروح عند بناتي واقرا عليهم المعوذات واحصنهم وبعده اصحي بنتي الكبيره عشان البري سكول (مع ان ماودي اوديها بس هي طفشت من البيت وكل يوم تصيح تبي تروح للمدرس وهي تناظر الباص يوقف جنبنا عشان بنات الجيران ماما فديتك باروح المدرسه كل يوم على هالموال ) كسرت خاطري وهذا اللي خلاني اوديها مع اني خايفه عليها كثيييييير
وبعده اتوجه للمطبخ اسوي فطور حبوبتي وابوها وهي عباره عن سندويتشات بيض وجبن وسلطه وحليب مغلي بالحلبه لبنوتي وابوها حليب عدني احيانا شكشوكه وفول واحيانا بانكيك وبيض يعني اشكل لهم
يجو للمطبخ بعد مايغسلو وجوهم وايديهم
وهم يفطروا اروح اجهز ملابس زوجي على قولته انتي اللي نسقي لي<<بس ماجتهد اخاف احد يتزاينه مرات البسه شورت اخضر وفنيله زرقا ههههههه
واجهز ملابس الحلوه<<<هذي اجتهد فيها
ولما يخلصو من الافطار تكون الساعه تقريبا ال
سابعه والنص بعدها امشط شعر بنوتتي والبسها وزوجي يروح لمكتبه على بال ماجهزها والبسها يعني على رواقه ماورانا شي
ولما اخلص الحلوه على الساعه 8 يوديها ابوها للمدرسه ومدرستها قريييييبه من بيتي(على فكره الباص اللي تشوفه كل يوم تشوفه بعد الظهر وهو مرجع البنات وهم في الابتدائي<<<توهقت)
عند الخروج من المنزل ((بِسْمِ اللهِ ، تَوَكَّلْـتُ عَلى اللهِ وَلا حَوْلَ وَلا قُـوَّةَ إِلاّ بِالله))
اللّهُـمَّ إِنِّـي أَعـوذُ بِكَ أَنْ أَضِـلَّ أَوْ أُضَـل ، أَوْ أَزِلَّ أَوْ أُزَل ، أَوْ أَظْلِـمَ أَوْ أَُظْلَـم ، أَوْ أَجْهَلَ أَوْ يُـجْهَلَ عَلَـيّ .
ارددها وبنتي وراي لانها حافظاها نص ونص الثانيه طبعا
واستودعهم الله
وبعدها اجلس وانا مروووووقه وافطر فطوري دايت طبعا اما كورن فلكس دايت او سندويتشه مع حليب سكر دايت+سلطه
يرجع زوجي بعد مايودي حبوبتنا ويروح للمكتب يكمل مذاكرته قبل الدوام<<<<دوامه تقريبا قبل الظهر بشوي
وبعدها اصلي الضحى الله يثبتناعليها
عن أبي ذر عن النبي ؛ أنه قال :" يصبح على كل سـلامى من أحدكم صـدقة ؛ فكل تسبيحة صـدقة ، وكل تحميدة صدقة ، وكل تهليلة صدقة ، وكل تكبيرة صدقة ، وأمر بالمعروف صـدقة ، ونهي عن المنكر صدقة ، ويجزئ من ذلك ركعتان يركعهما من الضحى" . (أخرجه مسلم)
ولاننسى الاستغفار طووووول اليوم والله انه راحه نفسيه
قال الرسول صلى الله عليه وسلم من لزم الاستغفارجعل الله له من كل هم فرجا، ومن
كل ضيق مخرجا، ورزقه من حيث لا يحتسب
فضائل الاستغفار
أنه طاعة لله عزوجل
أنه سبب لمغفرة الذنوب: فَقُلْتُ اسْتَغْفِرُوا رَبَّكُمْ إِنَّهُ كَانَغَفَّاراًا
نزول الأمطار: يُرْسِلِ السَّمَاء عَلَيْكُم مِّدْرَاراً
الإمداد بالأموال والبنين: وَيُمْدِدْكُمْ بِأَمْوَالٍ وَبَنِينَ
دخولالجنات :وَيَجْعَل لَّكُمْ جَنَّاتٍ
زيادة القوة بكل معانيها :وَيَزِدْكُمْقُوَّةً إِلَى قُوَّتِكُمْ
المتاع الحسن :يُمَتِّعْكُم مَّتَاعاً حَسَناً
دفع البلاء :وَمَا كَانَ اللّهُ مُعَذِّبَهُمْ وَهُمْ يَسْتَغْفِرُونَ
وهوسبب لايتاء كل ذي فضل فضله: وَيُؤْتِ كُلَّ ذِي فَضْلٍ فَضْلَهُ
العباد أحوج مايكونون إلى الاستغفارلانهم يخطئون بالليل والنهار،فاذا استغفروا الله غفر الله لهم.
والاستغفار سبب لنزول الرحمة: لَوْلَاتَسْتَغْفِرُونَ اللَّهَ لَعَلَّكُمْ تُرْحَمُونَ
وبعدها اخذ غطه تقريبا ساعه لان البيت ماانام الا كل شي يلق يلق <<<فيها حاله ماتحب شي وسخ ولا حاااااااااااجه في الارض
وبعدها يصحيني زوجي قبل لايروح للجامعه
اقوم انا والحلوه الصغيرونه
اغسل وجهها واغير الدايبر لها
نروح للمطبخ اعطيها فطور
وبعدها اشغل لها دزني او نكلودين او ببي اس كيدز( واكون موطيه عليه لان الموسيقى حرام وبناتي تعودوا عل هالشي يتابعون والصوت وااااطي والكبيره اذا سمعت الموسيقى تقول ماما سكروووه بنروح للنار والحين بحاول اشترك في المجد للاطفال لانها قناتهم المفضله في السعوديه عن طريق النت طبعا)
وبعدها ياطويلات العمر اشيك على البيت<< تعرفون شغل البيت مايوقف
هو نظيف ومافيه شي بس لاااااااازم
احصل اشياء واشياااااء مثلا اعيد ترتيب الخزانات حتى لو هي مرتبه ادور فيها شغل واحصل
وتمسيح دوره المياه (اكرمكم الله) مع اني ممسحتها قبل لا انام
امر الصاله وامسحها وابخرها <<<<<وهذا شي من اساسيات الحياه زي الاكل عندي
وامر غرفه البنوتات اخذ فيها لفه ارتب الفراش وامر الخزانه
(ولاننسى التسبيح والاستغفار وذكر الله)
بجيب لكم بعض الفوائد هي 64 باقتبس البعض منها
من فوائد الذكر
وفي الذكر نحو من مائة فائدة.
إحداها: أنه يطرد الشيطان ويقمعه ويكسره.
الثانية: أنه يرضي الرحمن عز وجل.
الثالثة: أنه يزيل الهم والغم عن القلب.
الرابعة: أنه يجلب للقلب الفرح والسرور والبسط.
الخامسة: أنه يقوي القلب والبدن.
السادسة: أنه ينور الوجه والقلب.
السابعة: أنه يجلب الرزق. الثامنة: أنه يكسو الذاكر المهابة والحلاوة والنضرة.
التاسعة: أنه يورثه المحبة التي هي روح الإسلام.
العاشرة: أنه يورثه المراقبة حتى يدخله في باب الإحسان.
الحادية عشرة: أنه يورثه الإنابة، وهي الرجوع إلى الله عز وجل
الثانية عشرة: أنه يورثه القرب منه.
الثالثة عشرة: أنه يفتح له باباً عظيماً من أبواب المعرفة.
الرابعة عشرة: أنه يورثه الهيبة لربه عز وجل وإجلاله.
الخامسة عشرة: أنه يورثه ذكر الله تعالى له، كما قال تعالى: فَاذْكُرُونِي أَذْكُرْكُمْالبقرة:152].
السادسة عشرة: أنه يورث حياة القلب
الحين دخل وقت الظهر اصلي السنه الراتبه وبعده الظهر
عن النبي قال فيه : مَنْ ثَابَرَ عَلَى ثِنْتَيْ عَشْرَةَ رَكْعَةً مِنْ السُّنَّةِ بَنَى اللَّهُ لَهُ بَيْتًا فِي الْجَنَّةِ أَرْبَعِ رَكَعَاتٍ قَبْلَ الظُّهْرِ وَرَكْعَتَيْنِ بَعْدَهَا وَرَكْعَتَيْنِ بَعْدَ الْمَغْرِبِ وَرَكْعَتَيْنِ بَعْدَ الْعِشَاءِ وَرَكْعَتَيْنِ قَبْلَ الفجر رواه الترمذي 379 وغيره وهو في صحيح الجامعرقم 6183
~¤ô§ô¤~ فـضـل السنن الرواتب ~¤ô§ô¤~
فضل السنن الرواتب عظيم
وفضلها بأنه من صلاها جميعها
يــبــنــى الله لــه بــيــتــاً فـي الـــجـــنـــة
وبعدها اروح للمطبخ واعمل قناع كل يومين تقريبا والاقتعه كثييييييييييير ماخليت شي ماحطيته في وجهي
واقوم بترتيب المطبخ وتمسيحه على الطاير
وامر غرفه الغسيل اشوف فيها غسيل احطه في الغساله لاني ماحب شي يتراكم كل شي بوقته وبذالك مايكون الغسيل واجد
وعلى طول من النشافه للخزانه وللكوي ماتقعد ثواني
وبعدها ياطويلات العمر اروح لغرفتي ارتبها
وانا في غرفتي ادهن كامل جسمي بجليسوليد<<جايبته من السعوديه او فازلين
وبعدها لمكتب زوجي امسحه بس واكنسه كل 3 ايام وابخره لانه هو المسؤل عن ترتيبه
الكنس عندي احيانا يكون كل يومين واحيانا كل 3 ايام والتمسيح يوميا والبروش اللي ابرش به السجاد تكون مويته معطره كل اسبوع<<<لانه شغله متعبه بس ريحه طووووووووول الاسبوع جربوها بتدعون لي
وتعرفون بنتي الصغيره يووووووووه نسيتها وهي اصلا ماتجلس عند التلفزيون تلقونها تلاحقني من مكان لمكان الله يعينها
بكمل لكم باقي الحلقات بكره على خير
اروح اتوضأ واتسنن واصحي ابو الشباب لصلاه الفجر