@الصابره@ @alsabrh_4

عضوة نشيطة

انصحوني في مصيبتي محتاجتكم

السلام عليكم ورحمة الله وبركاته

يااخواتي حابه استشيركم بمشكلتي ولا قصتي ولا مصيبتي الحمد لله على كل حال

يابنات انا سبق لي الزواج وتطلقت وتزوجت شخص فهمني انه منفصل وفكرته مطلق وتفاجأت ان زوجته بينه وبينها مشكله وهي في بيت اهلها من سنه قبل زواجي وفجأءه بعد زواجي بشهرين بدأ زوجي يتغير علي انقلب حاله فجأه لمدة سنه على مشاكل والله انه يفتعل المشكله من ولا شي اذكر لكم قصه بسيطه يوم من الايام جاني قال لي ما ابغى تسوين غدا نامي لا تطبخين ونمت وتفاجأت فوق راسي زعلان ايش فيك قال ليش ماسويتي غدا؟ طيب هذا مو طلبك مو مشكله ولا تزعل راح اطبخ لك غدا بس دقايق قام زعل مني وقال لاتسوين شي راح اجيب غدا من المطعم وخرج وبعد نص ساعه اتصل فيه حبيبي وينك جالسه استناك قال انا في المطعم اتغداء قلت طيب ليش ماجبته للبيت قال انتي قلتي ماتبغين غدا

مايهمني الاكل يابنات بس المشكله ماقلت له كذا ابد قاعد يكذب ويصدق الكذبه

انا ذكرت المشكله لتفاهتها بس عشان تشوفون قد ايش هو يدور المشكله لأتفه الاسباب

والله يابنات يسهر برا مع اصحابه ويرجع يلاقيني استناه يزعل يقول ابغى اشوفك نايمه لاتستنيني

واذا نمت يزعل يقول ليش نمتي ومن اتفه الاشياء يسوي له مشكله

حسيت انه في شي في باله وده اني اوصله وفهمت قصده بس طنشت الى ان جاء يوم من الايام يقول لي انا والله الوم ابوك ليش وافق علي قلت له ليش؟ قال انا اكبر منك ب18 سنه

قلت له انت اللي جيت وخطبت مو احنا اللي جيناك قال صح انا اللي جيت بس كان المفروض رفضتيني
تدرين والله انا اتمنى لك الخير ليش ماتتطلقين عشان يجيك عيال انا تعبان وماراح يجيني عيال وانتي صغيره وشابه الحقي عمرك وتزوجي غيري عشان يجيك عيال

وكنت ارفض واقوله لا انا ماابغى اتطلق مره ثانيه خلاص انا الحمدلله راضيه وما اشتكيت لك
الحمدلله عايشين ومافينا الا العافيه

المهم لاحظت انه يكلم زوجته الاولى ويراسلها ففكرت قلت يابنت ليش ماتقنعينها ترجع لزوجها

وسالته انت متواصل معاها يعني ماطلقتها قال لا ما طلقتها قلت طيب ممكن اعرف ايش بينكم قال انا ابي ارجعها وهي تبغى الطلاق قلت له ايش رايك اكلمها لك عشان ترجع

زوجي رفض وبعد فتره جاني وقال الشقه اللي كانت ساكنه فيها سلمتها لصاحب العماره خصوصاً انها هي اللي تسدد الايجار لانها موظفه وراتبها طيب وزوجي راتبه على قده

فقلت له خلني اقنعها ولو تبغى اروح لها بيت اهلها مستعده والله يابنات ماكان ودي تتطلق وتجرب اللي مريت فيه

بس للأسف زوجي كان يرفض الى ان كملت سنه من زواجي والمشاكل اللي زوجي يطلعها من تحت الارض مستمره

ويوم زودها ووداني بيت اهلي وجلست فتره عندهم نسيت اقولكم اكتشفت ان زوجي ومن غير مايدري انو

الله لايوريكم له علاقات مع حريم وصور واكتشفت انه مرجع زوجته بس من متى ما ادري بعد ولا قبل زواجي ما ادري بس ماقلت له

وربي ماعندي مشكله والله اني راضيه فيها بس المصيبه انها ماسلمت الشقه ولا شي كان يكذب علي

وجاني قال لي شيلي عفشك انا ابغى اطلقك عشان مصلحتك عشان تتزوجين وتجيبين عيال وشلت اغراضي من بيتي ورحت بيت اهلي وواجهته باني عندي علم انه يعاكس وله علاقات مع حريم وان عنده صور موجوده عندك وكل شي عارفته عنك

واعترف لي انه له علاقات من زمان وانا ما ادري مغفله كنت وواثقه فيه كان يدعي الالتزام وهو كان ورى الحريم حسبي الله عليه

كان دايم يقول لي لاتكوني على نياتك بس ما كنت اعرف ايش يقصد والحين عرفت قصده .

يابنات زوجته الله واعلم ماتدري ان زوجها عنده علاقات

وهو اتفق مع ابوي انه يطلق بس له فتره ماطلق

وانا خلاص كرهته ودي اطلق منه بس محتاره اتطلق مره ثانيه

ماراح يصدقون الناس اني بريئه ومظلومه مرتين ؟

آآآآآآآآآآآآآآآآآآآه يابنات قلبي محروق

ظلمني وانا وربي ما سويت له شي وكنت زوجه بما يرضي الله بس الحمدلله على كل حال

يابنات في بعض من الناس اللي قريبين لي يقولون لاتطلقين كلميه وقولي له ماتبين تطلقين وخليه مصيره يرجع لك وبعضهم يقولون لي ايش ضمنك ماجاب لك مرض من ورى علاقاته المحرمه تبتلين فيه

وانا احس راسي تشوش ودي بالطلاق بس خايفه من لسان الناس اللي مايرحم جربت الطلاق مره وكان صعب والحين راح يكون اصعب

تدرون خاطري اكلم زوجته واقولها عن علاقاته

ابغاها تعرف زوجها على حقيقته وخصوصاً هو قاعد يستغلها في راتبها؟ بس خايفه ماتصدقني اخاف تفتكر اني ابغى اخرب عليها .

انصحوني وربي في حاجه للنصيحه ..

يلزم عليك تسجيل الدخول أولًا لكتابة تعليق.

تسجيل دخول

غرٍـآم الوٍرٍد • 13 سنة

الله يفررررررررج همك وهمي

☼فدِيتَنِي? بَسْ☼ • 13 سنة

ياقلبي عليك

قولي (( اللهم اجرني في مصيبتي واخلف لي خيرا منها ))
وربي راح يعوضك بانسان احسن منه..
شوفي ياعمري اذا انه ناوي يطلقك خلاص خليه يطلقك .. وشوله متمسكه بالحياه معاه دام هذي اخلاقه وتصرفاته .. فعلا انسان متقلب ومعقد ومن هالنوعيه صعب التعايش معاه..
والله يا اختي انا اشوف ان بيت اهلك ارحم من انك تعيشين مع انسان مثل هذا خصوصا انو هو يبغى الطلاق وكذا مرررره صرحها وقالها ..
والدليل انك انسانه ماقصرتي معاه هو عذره انه يبي يطلقك عشان يجيك عيال .. مالقى عذر ثاني يقوله ..
فكري بحياتك ياقلبي ,, ولا تشيلين هم كلام الناس ,, الناس بتتكلم فتره وبعدين بتنسى ,, واصلا الناس ماخلت احد في حاله سواء المتزوج او المطلق ,, يعني عاااادي خليه آآآآخر همك ,,,

وادعي الله ان يعوضك بانسان خير منه ...
وانتي انسانه فعلا نيتك صافيه بدليل انك فكرتي بزوجته .. مثل مافكرتي بنفسك ,, عشان كذا اقولك الله يعطيك على قد نيتك وحطي فبالك (( على نياتكم ترزقون ))

ومن ناحية زوجته انتبهي لا تقولين لها شي خليها بحالها ,, واذا ربي اراد انه بتكشفه راح تكشفه هذا اذا ماكان سبب زعلها هالشي اللي هو علاقاتها مع الحريم ,, عرفتي ,,

وآآآخر شي فكري بنفسك واكرميها ولا تذلينها عشان شخص ما يسوا وما يستاهلك .. عيشتك مطلقه ومعززه في بيت اهلك اهون من عيشتك معاه ..

والله يكتب لك اللي فيه خير وسعاده لك يالغاليه ...

والله يكون معاك ويهون عليك ..

الرايقه2010 • 13 سنة

الله يهون عليك ويرزقك بالاحسن منه ان شا الله مدام انك واثقه من نفسك وان العيب منه لا تتضايقين و لا ياثر فيك كلام الناس الناس فاضيه تكلم بالزين والشين الله يستر عليك ان شا الله وبنات المسلمين اللهم امين

حرم المرشد! • 13 سنة

الله يفرجها عليك...
اذ هو مااايبيك خلاص تطلقي والله يرزقك بأحسن منه..
واستخيري عشاان ماتندمين الله يكون بعونك..

الذوق عنواني • 13 سنة

الله يكون في عونك
وخذيها مني نصيحه اللي مافيه خير افراقه اخير
والناس وكلامهم حطيه ورا ظهرك هم ماعاشو ولاشافو الي شفتيه
واطلاق ابركلك من واحد خاين ويعترف لك بدون ندم ولا اعتذر
وانتي احتسبي الاجر والله يعوضك بلي اخير منه