السلام بصراحة انا جربت طرق كثيرة لكيكة البرتقال لاني احبها وودي تضبط معي واخذت من المنتدى كذا طريقها ونفذتها بحذافيرها لكن للاسف كلها فشلت فشل ذريع وحرمت اسويها خلاص لين جاء ذاك اليوم برمضان وتجي حلقه لمنال العالم كيكة البرتقال وتقول صدقوني اي وحده فشلت معها كيكة البرتقال راح تنجح معها هذي الطريقة وعلى ضمانتي حسيت كنها تطالعني بنص عين وتقصدني المهم قلت نشوف يامنول >> كنها قاطه الميانه المهم واسويها قسم بالله ضبطت معي والطعم حكاااايه حتى اختي تحسبها جاهزة وفرحت وقلت بنقلها لحبيباتي الحوائيات وسويت معها ذاك الكبتشينو شي رووعه والرغووووة كثيفه
والمقادير كالتالي
2كاس طحين منخول انا استعملت سعودي عادي
م ك ب ب
رشة ملح
بشر برتقالة بشر ناعنم تقريبا ملعقه كبيرة مليانه
ثلاث ارباع كاس عصير برتقال طازج 5 بيضات انا صراحة حطيت اربع خير ان شاء الله منول وشذا الاسراف :mad:
ا كاس سكر ناعم \
1 كاس زيت
الطريقة
بالخلاط الكيك اخفق البيض مع السكر ورشه فانيلا واخفقها زين
اضيف الزيت ثم عصير البرتقال ثم اخلط خلط خفيف وسريع شوي بس
ثم اضيف الطحين الي نخلته مع الملح والبكنق بودر واضيفه واكمل خلط بالخلاط اكون مجهزة صينية وداهنتها زيت وراشه عليها طحين بس انا كثرت شكلي رش طحين فشفتوا لونها من برى كيف قللو الطحين وادخلها الفرن من تحت ثم من فوق << قولي والله
المهم اذا استوت وبردت اقلبها واكون مجهزة الصوص التالي سكر مطحون ناعم جدا الكميه الي تحبين تقريبا بيالة شاي واصب عليه عصير برتقال شوي بس واخلطة لين يصير صوص ناعم واصبه على الكيكة على شكل خطوط << خطوه اختياريه بس انا افضلها لان الكيكة حلاها قليل وبس وبالنسبه للكابتشينو هذا الرابط الله يجزاها خير صاحبته بس انا كثرت خلط لالخلاط وطلع وااااو
http://forum.hawaaworld.com/showthread.php?t=2580640
على فكرة الخلطة الي بالوسط البنيه هذي لعبت على عيالي يوم قلت لهم كيكة برتقال زعلو قالوا لا نبي تشوكلت فاخذت 4 ملاعق من خليط الكيك وخلطتة بملعقة كاكاو بودر وحطيته بالوسط عشان اسكتهم بس
حركتآآإإت مآشآء الله تبآرك الرحمـن
يسسلم هـ الآيـــــــــآديْ
عوآإفيْ
.,.