27-01-1433 هـ, 09:02 مساءً
بنات الله يعافيكم ابي اعرف تجاربكم مع الكيمو وكيف تتعاملون مع اثاره الجانبيه


الوالد الله يشفيه ويشفي مرضى المسلمين اخذ الجرعه الاولى على 3 مراحل
وبعد يومين عنده جرعه ثانيه على 3 جلسات كمان


تقرحات الفم جدا متعبته ومو قادر ياكل شي
كمان المستقيم عنده ملتهب ويحس بحرقان

اول جرعه سببت له اسهال شديد لمدة 10 ايام

والحين شايل هم يتكرر معاه الاسهال


غير الخمول وتعب العظام وضعف الشهيه والنفسيه
27-01-1433 هـ, 09:04 مساءً
بانتظار تجاربكم وكيف ممكن تخففون من الاثار وبالذات تقرحات الفم

والله يجزاكم خير ويحفظ لكم الغوالي
28-01-1433 هـ, 04:27 مساءً
اقتباس مشاركة  (أنا البلسم)
بانتظار تجاربكم وكيف ممكن تخففون من الاثار وبالذات تقرحات الفم

والله يجزاكم خير ويحفظ لكم الغوالي
وين يتعالج أبوك الله يشفيه

امي مع كل جرعه يعطونها محلول لتقرحات الفم تستخدمه 4 مرات باليوم لمده عشر ايام

وبعدها تستخدم ماء وملح كمان عطوها علاج للمغص بعد ما قلنا للدكتور وصف لها

وكمان عطوها مسكن للعظام والمفاصل لان امي من ثالث يوم للجرعه الى سادس يوم يجيها الم بالعظام

زي التكسير بس المسكن خفف الألم شي بسيط وراح اقول للدكتور يغيره لها لان مانفعها كثير

وعطوها كمان حبوب للحرقان مده 14 يوم قبل الاكل

وامي تشرب على الريق نص كوب ماء دافي مخلوط فيه ملعقة عسل لرفع المناعه

وتشرب عصير توت لفقر الدم

امي تجيها نفس الاثار اللي ذكرتيها بس تخففها العلاجات اللي تأخذها من الدكتور

والحمدلله صحتها تمااام بس الم العظام هو اشد شي تعاني منه  
استغفر الله الذي لا إله إلا هو الحي القيوم وأتوب إليه

لا إله إلا الله وحده لا شريك له له الملك وله الحمد وهو على كل شيء قدير
29-01-1433 هـ, 12:12 صباحاً
صفي النيه
الله يشفي امك وابوي ويردهم لنا ردا جميلا
الوالد يتعالج في مستشفى الحرس في جده
وماعطوه للتقرحات الا غرغره كل 6 ساعات
واحسها مش فعاله ولا حدت من زيادتها ولا خففت الامها

وكمان بيعاني من الام العظام وماياخذ لها شي

س اكثر شي تعبه الاسهال تكرمين وتقرحات الفم والمستقيم
29-01-1433 هـ, 12:15 صباحاً
بكره موعد الجرعه الثانيه
الله يجعلها بردا وسلاما عليه كما جعل النار بردا وسلاما على ابراهيم
ويعطيه خيرها ويكفيه شرها

ويشفي مرضانا ومرضى المسلمين
29-01-1433 هـ, 07:36 مساءً
امي تتعالج بالتخصصي في الرياض

قبل اول جرعه كيماوي جتنا المثقفه الصحيه

وشرحت لنا عن الاثار وعن نوع العلاج 

قالت اليومين اللي بعد أخذ الجرعه لازم تكثر ماء عشان يطلع العلاج الكيماوي لو ماكثرت ماء راح تتعب من اثار العلاج لانه ماطلع وراح يكون فيه تقرحات بالفم 
قالت بالنسبه لتقرحات الفم تستخدم ماء وملح

مضمضه مده ٢او٣ دقائق بعد كل وجبه ومده 

عشر ايام بعد تلقي الجرعه ( امي تاخذ 

جرعه كل ٢١ يوم)  وتكثر شرب سوائل اذا 

حست بجفاف بالفم او الحلق 

وبهاالطريقة راح تخف تقرحات الفم ان شاء الله

اما الاسهال اما يكون بسبب نوع العلاج 

الكيماوي او نقص المناعه 

واذا صار عندها اسهال لازم تتجنب شرب الحليب والخضار الخضراء والفاكهة ماعدا
التفاح ويكون مقشر
وتكثر شرب سوائل مثل الماء واللبن والشوربة
والشاي بدون سكر وعصير تفاح حتى مايصير عندها جفاف 
وقالت في حميه لمرضى السكري 
و تستشير الدكتور عشان يصرف لها علاج مضاد للإسهال
واذا زاد الاسهال عن اربع مرات باليوم
لازم تروح للمستشفى ومعها ورقه تقرير بحالتها ونوع العلاج الكيماوي وراح يعطونها محلول وريدي في حاله الاسهال الشديد

اما المفاصل والم العظام قالت لازم تقيسون
درجة حرارتها اذا كانت من ٣٨ وفوق ماتاخذ المسكن اللي هو فيفادول او بنادول 
اما الحرارة طبيعيه تقدر تاخذ فيفادول او بنادول لتخفيف الألم بس الفيفادول مانفع
امي والالم قوي مرة وصرف لها الدكتور
مسكن مخدر وأخذوا هويتي ووقعت على العلاج خفف الألم شي بسيط

انتي اشرحي حالت أبوك للدكتور وخليه يوصف له ادويه تخفف عنه الاثار
او روحي لقسم التثقيف الصحي بالمستشفى
يعطوك تعليمات ونصائح 

وربي يشفي أبوك وامي ومرضى المسلمين
ياحي ياقيوم
استغفر الله الذي لا إله إلا هو الحي القيوم وأتوب إليه

لا إله إلا الله وحده لا شريك له له الملك وله الحمد وهو على كل شيء قدير
01-02-1433 هـ, 04:07 مساءً
الماء والملح منيح كتير لتقرحات الفم
وجيبي غرغرة (اورفار ) انتبهي في حبوب وفي غرغرة

وزوفران منيح لتسكين الالم والترجيع
وفي مسكنات قوية بس لازم الطبيب يوصفها

الله يشفي ويعافيه من كل الم ومرض
16-03-1433 هـ, 11:01 مساءً
شفا الله الجميع
:26 [SIZE="6"]"لا إله إلا أنت سبحانك إني كنت من الظالمتن " 0-0-0-0-رددي-0-0-0-0:[/size]
22-03-1433 هـ, 01:03 صباحاً
سلام يا اخواتي
احد اقاربي اخذ الكيماوي, كان طيب , بعد هذي الجرعه حصله مضاعفات ارتفع السكر فوق 500 واحتبس البول عنده اكرمكم الله وامور ثانية مقدرت افهمها من الحزن
الحين متنوم والجرعه الثانية الان
مدري هذا طبيعي وهل بيطول الين نهاية العلاج
تكفون تدعو له
يارب عافي كل مبتلى ياارحم الرحمين
ذهني منشغل بالعمل .. اعبر وقت ما اجد فسحه
أوصيكم بالقران والذكر


متواجدة حسب التفرغ



» فـهـرس حـلقـات ريـاض الصـالـحـات
مع تـوضـيح منـهـج الحـلقــات


لقد كان هنا..
بينيـ .. وبينكمـ
محطات لا أظن النسيان قادرٌ على محوها

قد احببتكمـ وربي
واحببت وصلكمـ وصدق ارواحكمـ
ولكلٍ له في قلبي قدر

وإني على قدر البعد عنكمـ
على قدر الشوق لكمـ

لاسبيل للمكوث اكثر

بدّ انها دعوات نسيرها
والله خير من نستودعه الامانه

25/12/1433
لا اله الا الله محمد رسول الله
22-03-1433 هـ, 02:31 مساءً
ربنا يجازيكم خير على تعاونكم ومعلوماتكم المفيدة ويشفى كل مريض آمين
ممكن حد يفيدنى ماذا بعد العلاج الكيماوى والمابثيرا لمريض الغدد الليمفاوية ؟


الساعة الآن 12:24 .

جميع الحقوق محفوظة - عالم حواء - 2015