سؤال للموظفات كيف تجمعي من راتبك ولا تقصري على نفسك

[همســه]

انتهبوا اخواتي من القروض البنكيه فهم يدسون السم في العسل!!!!
حقيقه انا لي 7 سنوات موظفه ومابدأت ادخر من راتبي بطريقه فعليه الا لما حطيت لي هدف معين وحابه اوصل له
فصرت ادخل جمعيات وماآخذ سهمي الا اخر الجمعيه واحطها بحسابي ولا اقربها واذا في احد محتاج سلف اسلفه هي
طبعا ناس ثقه من اهلي يعني مو اي احد
وبهالطريقه ضربت عصفورين بحجر ادخرت المبلغ وفكيت كربه لمسلم
وهذه طريقتي في التجميع
الله يبارك لكم ويبارك لي ويرزق اخواتنا المسلمات بالوظائف والرزق الحلال

[ابلة سارة]

شوفي حبيبتي دام الاراضي عندكم سعرها شوي رخيص انتي جمعي
يعني ممكن تستلفي من احد مبلغ وترجعينة له بعدين احسن لك من القرض
ياحبيبتي القروض الحين صح هامش الربح نسبتة قليلة الا انة نافية بركة والله
يعني ممكن تاخذين القرض 100 الف وترجعينة 140 الف
انتي توكل على الله وامسكي يدك وفكرة كمان انا كنت مسويتها مرررررررة تنفع معك
افتحي لك حساب ثاني بنفس البنك اللي ينزل فية راتبك بس بدون بطاقة صراف وسوي امر مستديم تحويل مبلغ مثلا الفين او ثلاث الاف ريال شهريا وصدقيني بتجمعين وانتي مرتاحة والحساب الثاني مستحيل تمسكينة لانة بدون بطاقة
بس تقدرين تحولين عن طريق المباشر

(((ياليت تفيديني وين هالمخططات اللي تقولين عليها باي منطقة ربي يوفقك .. ارسليها بالخاص اذا ما تحبي تكتبيها هنا ))

[نــــور الولاية]

راتبي ضعيف ومااقدر اجمع منه
مع اني مااستخدم منه شي
بس مره استخدمته حق تجديد في البيت
ومره ثانية حق السفر

والحمدلله على كل حال

[ااام هتون]

المشاركة الأصلية كتبت بواسطة ابلة سارة

لا لا لا لا لا
ما انصحك تاخذين قرض والله تبلشين عمرك كلة
اذا مرة ملزمة خذي عقار عن طريق البنك
يعني اشتري عمارة مثلا لو دور
اما انك تاخذين قرض عشان تشرين ارض ما انصحك ...لية ؟
لانك تقولين يدك فرطة وما تجمعين الفلوس طيب الحين عليك قرض من وين بتبنين وتعمرين

والله انا انا اخذت قرض واستنى متى اخلص منة
وفكرت على طول اشتري عقار
بس اذا نويتي خذي عمارة كويسة يعني قبل لا تشرينها جيب لها مهندس يكشف على الانابيب والكهربا والاسلاك والبناء نفسة
وهل تصلح انة تبنين كم دور زيادة عليها في المستقبل


عارفة طولت عليك بس حبيت انصحك من واقع تجربتي وكم معلمة معاي

انا خدمتي 18سنه الحمد لله من فضل ربي قدرت انا وزوجي نعمر فيلا وسكناها من 7سنوات لكن مافيها استثمار عشان كذا انا افكر نفس فكرة الأخت ابلة سارة لأني من بعد العمار حتى الآن ماقدرت اجمع ولاشي عيالي ما خلوني اقدر اجمع وانا أحاول ادخر جزء من الراتب في حساب ثاني لكن كل ما ضاقت رجعت له,,والله المستعان,,

[معلمة رايحة فيها]

شوفي يا عسل انا معلمة من سبع سنوات ما ارتحت الا لما شريت ارض عن طريق البنك في مخطط راقي صح القسط عالي شوي بس فكري اذا جيتي بتتقاعدين ايش استفدتي من الملابس والمكياج والسفرات كلها راحت واذا انتي ماتزوجتي فنصيحة لا تتزوجين الا وانتي عندك قسط عشان يياس الرجال من فلوسك وصدقيني راح ترتاحين اكثر ولا تقولين اجمع احنا يالحريم ما فيه روسنا شي اسمه جمع كله صررررررررررررف صار لي اربع شهور احاول اجمع وكلما عجبني شي نطيت على الفلوس اللي جمعتها وصرفتها كلها ونصيحة لا تخلطين فلوسك مع فلوس زوجك ابد عشان ترتاحين خليك قوية من البداية بيزعل شوي وبعدين بيرضى تذكرت قصة سمعتها عن وحدة راحت طلعت قرض عشان تشطب العمارة مع زوجها قام زوجها طلع قرض واعرس بغيت اموت قهر لما سمعت انه يتفاخر انه اخذ معلمة على معلمة

[القمر الأزرق]

أنا راتبي كل بروح دفعات وأصلا راتبي مش كبير، قسم بروح تسديد قرض كنت ماخدته لزوجي وقسم لكرت الفيزا وغالباً بكون ساحبة سلف من راتب الشهر وبشتري شوية أغراض لببيت والباقي يا دوب مصروف جيب بس الشي الكويس اللي عملته وميسوطة عليه إني عملت حساب توفير لأولدي وكل شهر بخصمه الدفعة من راتب صح إنها قليلة بس الحمد لله صرلي 3 سنين تقريبا عاملة هالشي وجمعت مبلغ مش بطال مخليته للزمن لدراسة أولادي إن شاء الله.

أما تحويش تاني ما في كله أول بأول

[)( اليـاقوتهـ )(]

احسن طريقه تاخذين قرض من البنك وتشترين ارض
هذي طريقتي

[سلآف99]

طبعا ماراح تجمعن لان كل شهر فيها زياره لسوق عندي صديقتي مدرسه ماشاءالله عليها صح انها ماسكه بس مهنيه عمرها

ماتروح لسوق الا بالمناسبات العيد ,زواج , بدايه الدوام تشتري لها لبس حلو وغالي وتجلس فيه طول الدوام

والله انها كششششششخه احيان تمر علينا بعد الدوام واشوف لبسها والله حلو ومرتب وهذا نظامها مع نفسها ااما بناتها بالاعياد وتشتري ملابس للبيت وتشيل ملابس العيد لطلعات اذا صارت مناسبه كبيره تروح تشتري لها ولبناتها اذا صار وماعندها

اما اغراض البيت ع زوجها ماتدفع شي بس هي وش تسوي اذا نوت تجدد الكنب او الجلسه تجمع من بدايه السنه مثلا الى شهر سته وتجدد بيتها ..مواعين ماتشتري كل مره قطعه لا تجمع وتروح تشتري وماشاءالله الله يبارك لها ماتحسينها بخيله ولا مسرفه

اهم شي السوق لاننا اذا رحنا لسوق صرفنا لو معنا ميه الف وسلامتكن


اتمنى اني افدتكن

[fooote]

انا راتبي 5000 بالله اشلون افر منها ....................

[كرستااااله]

الله يعين