24-09-1431 هـ, 08:37 صباحاً
خواتي ابي اسالكم من خلال تجاربكم عن معاناتي ابيكم تقولون لي ايش تدل هذه الاعراض

حرقان في المعدة

مااتحمل اكل دسم مرات يجيني اسهال بعد اي شي دسم اكله لوقليل

مغص في البطن

الم في الكتف الايمن مرات يكون قوي

احيانا خفقان كتمه

ماارتاح في الحمام انتم بكرامة

الم في المعدة


وش تتوقعون معي انا انا كثير تعبانه مااكل زي الناس وكله متضايقة نفسيتي تحت الصفر

الله يفرجها عليكم ردا علي تعبت

الم الكتف الايمين ذبحني

لاتنسون تدعون لي
24-09-1431 هـ, 08:48 صباحاً
الله يشفيك ويعافيك
المشكله الباطنيه اعراضها متشابهه
انا نفسك جتني نفس الاعراض بس اناازيد عنك
بألم في اعلى الصدر في الجهه اليمنى وكتمه
وضيق تنفس وحرقان شديد في المعده وكنت متأكده انه المشكله من القولون
ورحت للدكتوره من كم يوم وبعد الفحص طلبت اسوي اشعه وكانت النتيجه انه عندي حصوات بالمراره
ودهون على الكبد والحين حولتني ع الجراح ومابعد قرر يوم العمليه والخوووووف ذابحني
وانتي لاتهملين نفسك روحي وشيكي لأن مثل ماقلتلك اعراض الباطنيه متشابهه صعب تفرقين بينهم
والله يشفيني ويشفيك ويشفي كل مريض ..
24-09-1431 هـ, 09:18 صباحاً
مشكورة اختي ام ريما ودانه على الرد

بسالك انتي كنتي تحسين الم في الكتف الايمن وكيف الاكل الدسم معاك هل تحسين باالم بعد اي اكل دسم او مقلي

بالنسبة للدهون على الكبد ايش قالتلك الدكترة تروح بعلاج الا حمية
24-09-1431 هـ, 09:20 صباحاً
الله يسعدكم لاتتاخرن علي
24-09-1431 هـ, 09:28 صباحاً
آسال الله العظيم ان يشفيك ،،

والاعراض اللي ذكرتيهآ جات لآمي وطلعت مرارة وسوت عمليه وشالتهآآ

طبعا اعراض امي :-

الدسم ماتتحمله
الم في المعدة وبالكتف الايمن
وتحس آنها مكتووومة مو قآدرة تتنفس ابد ،،

وسوت العملية تقريبا من سنتين بالمنظآر والحمد لله هي تمام
بس لازم بعد العملية يكون فيه حمية لآنو الجسم يصير يسمن بسرعه آكبر ،،


ونصيحة لاتهملينهآ ترا لا انفجرت المرارة لا قدر الله يموت الانسان

الله يوفقك ويشفيك ,,
24-09-1431 هـ, 09:41 صباحاً
اقتباس مشاركة  (مديونة لامها)
مشكورة اختي ام ريما ودانه على الرد >>> لاشكر على واجب ياقلبي انتي اخت لي في الله واسأل الله ان يشفيك

بسالك انتي كنتي تحسين الم في الكتف الايمن >>> ايه ياقلبي عندي الم في الكتف الأيمن والظهر من الخلف.. وكيف الاكل الدسم معاك هل تحسين باالم بعد اي اكل دسم او مقلي >>> ايه بعد اكل الدسم والمقلي احس بالعوار وضيق التنفس ونغزااات شديده في كتفي الايمن وصدري

بالنسبة للدهون على الكبد ايش قالتلك الدكترة تروح بعلاج الا حمية >>> قالت اول نشيل المراره وبعدين نتكلم عن الدهون ونشوف لها حل
24-09-1431 هـ, 10:11 صباحاً
يمكن قولون مرارة سواااااا لانه معاك اعراض القولون المرارة انتي توكلي على الله ان شاء يشفيك

انا بعد مثلك مدري وش فيني
24-09-1431 هـ, 06:04 مساءً
روحي سوي تلفزيون اسهل عليك من تشخيص الناس
25-09-1431 هـ, 11:42 صباحاً
لمى 30 خايفة اروح ماعندي شجاعه يارب توكلت عليك

بنات الم الكتف ذبحني من غير الغثيان واللوعه
25-09-1431 هـ, 11:57 صباحاً
اعراض القولون نفس الاعراض قدامك العافية وماتشوفين شر ان شاء الله
محمد سيد الثقلين والفريقين من عرب ومن عجم صلى الله عليه وسلم


الساعة الآن 11:01 .

جميع الحقوق محفوظة - عالم حواء - 2015