السلام عليكم ورحمة الله وبركاته
اخواتي العزيزات
حبيت اشارككم موقع اجنبي يحسب ايام التبويض ومتى تكون ايام التخصيب
وكمان يحسبلك ايام التبويض لستة شهور بعد الشهر هذا في جدول
اتمنى من الاداره انها ما تحذف موضوعي لتعم الفائده
وانا الحين راح اشرح لكم بالتفصيل عشان الي ما يعرفو انجليزي يفهمو ويعرفو يستخدموه
وكمان الي ما يعرفو انجليزي ممكن تدخلي على مواقع ترجمه زي موقع جوجل وترجمي فيه عشان تفهمي الكلام
الحين اول شي بطلب منكم تفتحو الموقع
اضغط هنا
ثاني شي لازم تكوني عارفه متى كان اول يوم لاخر دوره جاتك بالميلادي لانو ادق
وغير كذا لازم تكوني عارفه كم طول دورتك , في بنات يفكرو انو طول الدوره يعني الايام الي تنزل فيها الدم وانتو بكرامه , انا اقولهم لا حبيباتي طول الدوره يعني تحسبي من اول يوم جاتك فيه الدوره لين الدوره الي بعدها طبعا اخر يوم للدوره الي بعدها ح يكون انتي دخلتي في الدوره الشهريه الثاني وتكوني انتهيتي من الدوره الاولى
ان شاء الله تكونو فاهمين عليا حبيباتي
وتروحي في الموقع وتحطي التاريخ في الخانات وبعد كذا تحطي عدد ايام الدوره يعني مثلا 28 ولا 30 ولا 31
وبعد كذا تضغطي على الزر الي تحت ليحسبلك ايام التبويض
وراح تنتقلي للصفحه الي حسب لك فيها ايام التبويض
راح يطلعلك في الصفح الي بعدها Your Input
هذا يكتبلك انو انتي كانت دورتك في اليوم كذا كذا ومدة دورتك كذا
وبعدو تحت Result
يعني النتيجه وهنا بتلقي في الو سطر يقولك تاريخ التبويض عندك حيكون بتاريخ كذا
وبعدين السطر الي بعدو يحسبلك ايام التخصيب عندك في الايام من كذا الى كذا
وبعدين السطر الي بعدو يقولك اذا تم الحمل فان تاريخ الولاده المتوقع يكون بتاريخ كذا
والسطر الي بعدو كاتبلك انو اذا ما حصل حمل في هذه الدوره فان ايام التبويض الخاصه بك في السته شهور المقبله هي كالتالي ويدرجها لكي في جدول مع التواريخ
الخانات هي
Ovulation Day يعني ايام التبويض
Fertile Days يعني ايام التخصيب
Due Date يعني يوم الولاده المتوقع اذا حصل حمل باذن الله
والحمد لله رب العالمين على النعم التي لا تعد ولا تحصى
اسال الله رب العرش العظيم ان يرزقني واياكم اجمعين بالذريه الصالحه من غير حساب
وفي الاخير اتمنى منكم بس دعوه صادقه بظهر الغيب ان يرزقني ربي بالذريه الصالحه عاجلا غير اجل
ويارب ما يخلص هالشهر الكريم الا و كل البنات حوامل يا ارحم الراحمين
لا تبخلو برفع الموضوع بدعوه حلوه لي
Miss Bisoo @miss_bisoo
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
مافي ولا رد ؟؟؟؟؟؟؟؟؟