كيف حالكم يا حلوات
انا بشرتي دهنيه واختي بشرتها مختلطه و حابه اقولكم على طريقة انتي تعمليها بنفسك :
والله يابنات طريقة هذه الصابون تمام للوجه وحتى للجسم ,, خلت في وجهي شوية صفاء و شكلها و ملمسها احسن من قبل بكثير ,, ليا تقريبا شهر من الاستخدام و النتائج مطمئنه الى الان ..
لانو سابقا وجهي كان فيه حبوب صغار وبقع بنيه في خدي ..و قشره خلف اذني و رقبتي ..
و لانو كثير اما يمدحوا في صابون المر و الكركم او يذموه ,, وانا خفت اشتريها وينعدم وجهي ,,
وقلت افضل لو انا اخلطها بنفسي "لانو الا وجهي ما اجرب عليه شئ" و لانو انا اعرف كيف المر تمام للوجه ,, حتى الكركم ..
لكن انا اعرف انو صابونة الغار انها تمام و انا دائما استخدمها ..
المكونات : << :) كانها طبخه
صابونة غار + كركم ( هو نفسه الهرد ) مطحون "على فكره مافي شئ اسمه كركم جسم" + مر + زيت زيتون + قارورة ماء ورد + نشا " لو حابه مو ضروري "
الطريقة :
1/ ناخذ واحده صابونة غار " صابون الغار انواع مره كثيره خذي اللي يناسبك " .. يفضل لو فيه بزيت الزيتون ..
ابشري صابونه الغار كلها ( بالبشاره " المبشره " اللي نستخدمها لبشر الجبن ..)
2/ 4 ملاعق اكل كبار كركم "هرد" مطحون و لو خايفين من اللون ضيفوا له ملعقتين نشا تخففه شوي ,,
انا افضل انكم تاخذونه من عند العطار خام و غسلوه ثم نشفوه ثم اطحنوه ..
عارفه انو بتقولوا كسلانين ومافينا حيل "مثلي" ههه,, خذوا من حق البيت مادام الخدامه طاحنته وجاهز بالعلبه ..
هذه صورة الكركم الخام ( هو نفسه الهرد ) :
ولا تاخذوا الكركم المطحون الجاهز لانو انا اشتريت منه وندمت ,, عليه تحذيرات وكلام كثير ..
هذه صورة الكركم المطحون الجاهز :: تحذير لا تشتروه ...
3/ 4 حبات كبار من المر ..
كلها حطوهم في قدر واحد << مقادير(1-2-3) >> ... حتى لو كان زبديه زجاجيه .. ينفع ..
ثم اضيفوا لها :
4/ " واحد فنجان شاي" او "فنجانين قهوه " من زيت الزيتون " يفضل زيت زيتون نادك العضوي " :
5/ قارورة ماء الورد لو مافي استخددمي بداله " ماء كادي "
خلوها يوم كامل منقعه مع بعض في القدر او وعاء زجاجي ,,
بعد ما يمر يوم جيبي القدر ثم اخلطي جميع المكونات الموجوده بالقدر بالخلاط الكهربائي ..
لو لا حظتوا انها كانت ثقيله مره ضيفولها ,, مويه شويه
ولو كانت العكس سايله مره راح تتماسك بعد كم يوم ..
عموما بعد ما خلطيتها بالخلاط جيبي علبة صابونه فاضيه و علبة بلسم فاضيه << غسلوهم تمام التمام
و فضي فيها الصابون السائل اللذي من صنع يديكي ..<< ابو الفصحى ههههه
هذه اشكال العلب :
مثلا خصصي هذه للوجه :
مثلا خصصي هذه للجسم كامل : علبة البلسم "لانها مقلوبه على تحت"
او اي علبه عندك ,, انتي حره ,,
اضافه : يا بنات مثل ما قلتلكم انا موبس اغسل وجهي بها حتى جسمي ...
و كمانا اغسل بها المنطقه الحساسه وربي كانت عندي شوية افرازات لكن احسها قلة .. يمكن لان الصابونه فيها مره وماهي عطريه و بعدها اشطف المنطقه "ماء+ملح حجري"
واي وحده تعملها تكتب تجربتها ..
و بالتوفيق ..
من مواضيعي :
القسط الهندي + الحجامه << علاج لجميع الأمراض بإذن الله
طرق العناية بكبار السن<< بالصور (متجدد)