لعيون سلمى @laayon_slm
عضوة مميزة
فول مدمس ومدخن بعد
مساء وصباح الفل للناس الفل
كيفكم وشخباركم
اليوم سويت لفطورنا فول مدمس بس شنو لذيييييييييذ يجنن
تفضلوا مباشرة على المقادير
المقادير حسب الكميه
فول مدمس جاهز او طازج واذا كان طازج اطبخيه بماء لمدة ساعتين تقريبا
طماط وبصل مفروم
بهارات
طماط صلصه
طحينه سايله للوجه
شوي ماء حار
بقدونس وفلفل اخضر للوجه
زيت زيتون
فحمه مولعه
فنجان قوة في شوي زيت عشان نحطه فيه الفحمه عشان ندخن الفول
الطريقه
نحمس الطماط والبصل في قدر بزيت زيتون ونقلبه على نار هاديه ونحط عليه البهارات والصلصه شوي مو كثير
نقلبه شوي وبعدين نحط الفول عليه ونصب عليه شوي ماء عشان ما يصير ثقيل حيل واذا استوى خلاص حطي الفنجان اللي في زيت في القدر وبسررعه حطي الفحمه وغطي القدر لمدة دقيقه عشان تدخن وبعدين قدميه بالصحن وصبصبي عيه زيت زيتون والطحينه والبقدونس والفلفل ويقدم بالعافيه:26::icon28:
76
15K
يلزم عليك تسجيل الدخول أولًا لكتابة تعليق.
الصفحة الأخيرة
يعطيك الف عافية