قولو ماشا ءالله وابدأو موضوعي ...
بسم الله الرحمن الرحيم
اولا رح اتكلم باختصار عن رحلتي اللي ربما هي طويله لكن
لما تحققين هدفك رح تنسين التعب والألم اللي صار لك طول هالفتره ...
انا بعد وصولي للمثالي وربي مااقدر اوصف لكم فرحتي شكرت ربي الف مره لأن كان عندي احباط اني ارجع
رشيقه من سابع المستحيلات وكنت اسمع كلامـ يجرح كثير
بسبب السمنه واستغربت كثير كثير ..
إنا امي اول مره تقول لي انحفي لأن تدري ماورى السمنه إلا الأمراض اللي يبعدنا عنها ...
انا حبيت الان اكتب لكم حجم الألم اللي عانيته في فترة الدايت كنت كل يوم اسوي رياضه وأمشي على السير اجلس اصيح واقول في نفسي مافي امل انحف وكان الكل يقول نهائيا تنحفي وترجعي رشيقه ..
كنت حاطه كلامهم دافع لي وقلت في نفسي لازم اثبت للكل اني قد كلمتي واني قادره انحف واسكت كل وحده قالت لي كلامـ يجرح ..
واعلمهم منو الدووووووب ومنو النحيف ...
كنت لما اروح السوق احس مافي شيء حلووو احس كل شيء صغير مافي شيء على مقاسي مع اني ماكنت دوبا مره دوب قطبي متوسط يمكن ههههههههههههههه ومرات احس اني فيل هههههههههههههه
وبدأت طريقي مثل ماتعرفون معكم وعشت يوم بيومه
كنت اتألم كثير كنت اصيح كثير لكن قلت لازم استمر
مافي شيء يجي بسهوله حرمت نفسي من اشياء كثيره صحيح انا دايتي تخفيف لكن لازم من الحرمان من اشياء ولو بسيطه
المهم عارفه اني طولت عليكم لكن انا وعدت نفسي إني لما انحف اظل اساعد البنات اللي محتاجين مساعده لاني عشت كيف شعور الوحده وهي تبغي تنحف ...
مثل ماتعرفون نظامي تخفيف ويوم مفتوح اسبوعيا
رح اوافيكم بيومياتي مصوره إلى نهاية شهر رمضان وأي استفساار انا موجوده
انا صورت اكلي امس واليوم وبعد اشوي رح انزلها لكم
مع أول ميزان بتاريخ 7/8/1431هـ
انا اليوم تحديت أحد من اهلي إني اوصل للخمسين مع نهاية رمضان لان الان رح اركز على شد جسمي اكثر من النزول لان ماابقي شكلي يتغير كثير
طبعا انا مااحرم نفسي في نظامي لكن اهم شيء الاعتدال
لأن باليوم المفتوح آآكل كل شيء محرومه منه ..
واللي تبغي تكون معي حياها الله أكيد
ووعدت نفسي أكون بلوك جديد بالعيد ومفاجأة الجميع بعد
قولو مشااء الله
وابدأو معي بموضوعي وتابعوني حتى تستفيدون ومثل مالقيت منكم متابعه قبل وانكم مصرين على تنزيل اليوميات بالصور لشهر رمضان المبارك الله يبغلنا إياه جميعا حمستوني كثير اني انزل هالموضوع وافيدكم كثر مقدر للسنه الثانيه
وماأبغي منكم إلا الدعوه الصادقه وانا الله يحقق امنياتي
لاتنسوني من دعوااااااتكمـ
نسيت اقول لكم بياناتي
وزني الان 52 هذا الميزان
يوم الميزان هو يوم الاثنين وهو نفسه اليوم المفتوح
كل وحده تدخل موضوعي وتستفيد مني تدعي لي بالتوفيق في حياتي
وانا الله يسهل كل اموري
طبعا تعرفون رحلتي اللي بديتها وخسرت فيها 32 والان بديت اكمل رحلتي بعد ماخسرت 3 كيلو زياده يعني صار مجموع خسارتي 35 كيلووو
مانزلتهم وان شاء الله تستفيدو منها وماأبقي منكم إلا الدعوه الصادقه