حياكم اليوم بقولكم على موقف طريف
حصل لي من فتره نوينا نروح لواحد من هال المجمعات نتغدء فيها ونتمشى تعرفون الجو عندنا في الشرقيه موت الله يرحمنا برحمته من شدة الحر ماصرنا نستخدم الافران نحط اللحمه في القدر
ونحطها في السطح وهي تستوي من غير طبخ حتى الشاهي نحط في الابريق ويغلي من غير مانفتح عليه النار حرحر:09: عشان كذا قررنا نروح المجمع ورحنا وعلى كثر مانروح للمجمعات انا صارلي سنين ماركبت
في السلم الكهربائي يوم كنت صغيره اركبه واقعد نازله طالعه طالعه نازله تقول عنز طاحت بمريس بس سمعت ان وحده من الحريم طاحت منه والتفت العبايه عليها وتكشفت في المجمع فصار فيني زي العقده من يوم مالبست العبايه وانا ماركب لوتنطبق السماء على الارض ماركبت وابوالشباب:arb: عارف هذه السالفه ودايم يحاول فيني بس انا مافي امل المهم رحنا لمجمع توه فاتح جديد كان اقول اسمه بس اخاف ممنوع المهم دخلنا وكانوا الناس فيه قليل والمطاعم فوق والاصنصير مابعد فتحوه قال :arb: شوفي مدام مافيه احد
الانركب الكهرباي قلت ايش لو وشو ماركب قال اقول تركبين يالله قوي قلبك وانا جمبك قلت اخاف اطيح
قال لاماتطيحين انا جمبك قويت قلبي وركبت انا وبنتي لازقه فيني وولدي مع :arb: جمبي لاصق فيني
ومامداه مشى الاوياخذ زوجي ولدي ويركض يعني يلعب يقول يالله يالله وانا حسيت الله لايوريكم بغيت اموت من الخوف حسيت اني جيهه لازقه في السلم وجيه فاضيه ولاوبنتي تقول يالله يماما خلينا نروح معهم وانا امسكها لا
وابي اتكلم عجزت من الخرعه حسيت ان المجمع يدور فيني الله لايعيد هذيك الحظه واناابي اقوله تعال هنا ماني قادره بيدي تعال ومجمده كاني تمثال وهو ميت من الضحك ويقول والله
انك خوافه وانا اقول والله اوريك الله وكبر
ياحظي وشو بسوي عاد المهم وصلنا
وحذفني بق حسيت ان روحي ردت فيني وقلت والله مانزل فيه لو اقعد هنا
قال طيب اذا مافيه من وين اجيب لك اصنصير قلت دبر حالك و المهم تغدينا وتمشينا ولعبنا العيال وجينا للي انا خايفه منه النزله قال بكل بساطه يالله ننزل قلت اقولك بقيت اموت في الطلعه كيف في النزله والله لوايش ونمشي ونمشي وندور اصنصير مافيه ياربي وش هالمجمع اعوذ بالله الله لايردها من روحه كيف بنزل ولقينا الاصنصير لاكن يافرحه ماتمت برضوا لسه جديد
ومافتحوه هنا عصب ابو الشباب وصار
يسال السكرتيه مافيه درج مافيه اصنصير ثاني قال لنا واحد الله يجزاه خير
والله اني دعيت له الافيه حق الطواريء مدري العمال هناك ومشينا على اليمين المسجد حق الرجال بس فاضي ولازم تمر من عند مسجد الرجال ودورات المياه حقتهم جمبه والله ومشينا وفيه كم رجال طالعين يطالعون فينا وين راحين وزوجي يقول يافشيله فشلتينا وانا اول مشفت الاصنصير بغيت اطير من الفرحه صرت انا اضحك وهو الي معصب وركبنا الحمد لله قال انا الغلطان الي اطاوعك وانا ولاكلمه ونزلنا ومشوار على مارحنا لسياره وولدي ياعمري يقول ماما تعبت وانا اقوله معليش شوي وكانت طلعه لاتنسى
والحين كل مانمر عليه يقول وشرايك
نروح له بس كلام اقول اعوذ بالله والله لواموت مارحت له خخخخخخخخخخخخخخ
وشرايكم يالله الحين ودي اشوف ردودكم الحلوه 00000000الماهرات
ياقلبي عليك
ليتني اشوفك واعرف لاجي من وراك وامسك عباتك واشدها خخخخخ
الله يعينك والله بتتعبين كذا حاولي تغيرين من نفسك
انتي مثل امي
بس والله مووقفك حلووو