أخواتي
أمي كبيرة بالسن وتعبت والله في حياتها عشان تربينا انا واخواني لين كبرنا وأعتمدنا على نفسنا
لكن للأسف أختى عايشة لنفسها وبس وانانية لا وظيفة ولا هي تبي تتزوج وماتبي تتعب في امها ابد
واخوي الوحيد اللى امي تعبت فيه كثير عاقها ونسى كل اللى سوته وتعبت عشانه ولا يرفع السماعة يسال عنها واذا الغالية كلمته يقعد ينافخ وروحه في خشمه وعلى طول يقولها انا مديون تقوم ام تبكي وتقول انا مااشحتك انا ابي اطمن عليك:44:
اخذت امي تعيش عندي رغم أن شقتي صغيرة مرة لكن والله لو غرفة وحدة بجيبها عندي واوسع لها
أمي يادوب تقدر تمشي .. وعندها السكري وفوق هذا نفسيتها تعباااااااااانة
أنا أحاول قد مااقدر والله العظيم مااقصر معها ويارب أقدر اوفيها لو شئ بسيط من اللى قدمته لنا
عندي اطفال صغار وطفل رضيع وزوج طلباته ماتخلص
امي تقول الله يعينك ويعطيك الصحة وهذا كل اللي ابغااااااه
بنات امي بتروح مني ... من 3 ايام ماودها تاكل شئ وعلى طول تبكي ودمعتها على خدها
وربي اكتب لكم واانا ابكي مااقدر اشوفها بهالحالة
ايش اقدر اسوي لها؟؟
لا تقولون اخوانك ..والله مافيهم خير وقلوبهم حجر حجر
واختي تجي مثل الضيفة وكل عقلها بالاسواق والسهرات ومافكرت تشتري لامي حتى جلابيه تفرحها بيها
معلش بنات اذا اسلوبي مو متناسق
لكن ااااااه ياامي قلبي يبكي عليها
شوفو برنامجي معها وقولو لي وش الصح وش الغلط وايش ممكن اضيف
اصحيها الصبح واهمزها وافطرها وسوي لها قهوة القشر اللى تحبها واقعد اسولف معها لين اطفالي يصحون وبعدها انشغل بعيالي
الساعة11 اجهز لها حمامها واغسل ملابسها واكويها واعطرها
واعطيها وجبة خفيفة
الساعة 2 الغذا
بعد المغرب اسوي لها شاي وشابورة تحبها افتح لها قناة السعودية 1 تحب تتابعها
بعد العشا اجلس اسولف معها واحط الصغير جنبها تحبه كثير
على الساعة 10 احط لها عشا وغالبا يكون شوربة كوكير واجهزلك قميص نومها واتركها ترتاح
هل برنامجي صح؟ وش ممكن اضيف له عشان تنبسط؟
اشلون اسعدها ؟ اشلون اخليها ترجع بسمتها واطلعها من حالتها ذي؟؟
معلش طولت بالسالفة لكن كل اللى عندها ام كبيرة بالسن رح تحس باللي احس فيه:44:
والله لاادعي لها كل اللى ترد ولكم الاجر ان شاء الله
الله لآ يضيع لك تعب : )
حلو برنآمجك بس لو تضيفين لحيآتهآ شوي تغيرآت ,
احسهآ تحتىج للتغيير
آكلهآ غيري فيه , قنوآتهآ غيري و سولفي معهآ بأشيآء جديده
غيري لهآ جو ترآ حتى الكبآر بالسن يطفشون من الروتين : \