السلام عليكم ورحمة الله وبركاته
مين حابه تشترك في هذي الورشه، تنورة سهله للبنات؟:)
نحتاج الي قماش سترج تقريبا متر واحد او اقل حسب طول التنورة، لازم قماش سترج لانه ما فيها سحاب
وابرة مكينة لخياطه الاسترج ابرة رقم 9 أو 11
شوفي في الابر اللي تكون مع المكينه هذي الابرة تكون مصبوغه بالازرق او الاحمر هي اللي بنستخدمها
وممكن من نفس الفكرة تعملين فستان بنوته بعلاقات
انتظر تفاعلكم :26:
نحتاج الى قياس أ: وهو قياس الخصر
وقياس ب: وهو الطول من الخصر الى تحت حسب الطول اللي انتي حابتنه
والتنورة تتكون من قطعتين قطعة الحزام وقطعه التنورة
زيادة الخياطه اعمليها نص انتج او 1 سم
نبدأ بقطعة الحزام:
طول القطعه اعمليه 12 انتج ( الطول ثابت)
والعرض يكون ( قياس أ ناقص 3 تقسيم 2 )
مثلا القياس أ= 21 انتج
اذا العرض يكون:
21" - 3" = 18" تقسيم 2 = 9"
يعني قطعة الحزام تكون قطعه مستطيله بطول 12" وعرض 9"
نقص قطعتين
ونخيطهم في بعض
اذا عندك مكينة اوفرلوك اعملي تنظيف لزيادة الخياطه واذا ما عندك ما في داعي
اثني القطعه من المنتصف بحيث ظهر القماش وزيادة الخياطه للداخل ووجه القماش للخارج
اشوف تطبيقكم عليها ونكمل الباقي