بسم الله الرحمن الرحيم...
حبيباتي دائما اخذ منكم وصفات ومتاااابعه وبقوه لكم لكن على الصامت..
فقلت ليش ماسوي وانزل فشله وعيب(مسويه اخلاق):09:
وابغا تشجيع احب رفع المعنويات
فقررت اسوي كفتة اللحم المحشيه بالارز مع الصلصه:icon28: ولذيذه كثيييير كثييير..
وكل وحده وطريقتها انا قررت اسويها ع مزاجي..
هذي الصورة
اول شي اللحمه..
طريقتها معروفه
لحمه مفرومه..بصل مفروم ...فص ثوم مفروم..
كزبره او بقدونس مفروم...بندوره وحده بس مفرومه ولاتكثرين علشان لاتطلع مويه باللحمه ..
وملح وبهارات واهمها القرفه تعطي طعم حلووووو..واعجنيها مع بعض واتركيها بالثلاجه علشان تأخذ نكهه
الخطوه الثانيه تسلقين رز مع ماء وملح واتركيه ع جنب لحد مايجي وقته..
الخطوه الثالثه نأخذ مقدار بسيط من اللحمه ونحشيها بالرز مثل طريقتنا بالكبه ونفس الشكل...
بعد مانخلص نحمرها بالفرن وعلشان تستوي شوي..
وعلى بال ماتتحمر نسوي الصلصه..
مقادريها على حسب ذوقك وانتبهي للكميه اذا اللحم كثير الصلصله تكون نفس مقدارها شوي كثيره علشان تغطيها..
طريقتها :
بصل وزيت على النار لحد مايذبل
ثم
تحطين البندوره المفرومه
و2ملعقه معجون طماطم والبهارات وملح
وشوي ماء علشان تكون شبه سائله
واخر شي الكزبره المفرومه...
وبعد ماتحمرت اللحمه وتماسكت شوي نضيف الصلصه عليها ونخليها تطبخ ع النار الهادئه لمده 5 دقائق..
ولاتحركيها علشان ماتتفكك...
وقدميها مع الرز الابيض والسلطه الفرنسيه...
وصحتين وعافيه..
من اعجبتها فضلا لا امرا تدعي لي بالوظيفه انا وكل من تبغا تتوظف:44:(اظن كلنا نبغا الوظيفه)
وتضغط ع شكرا لك.:26:.
الى لقاء اخر من اكلات ثانيه..:icon28: