اي اخت زوجها تزوج عليها ولا رافضة مبدأ التعدد حياها حتسمع مايسرها

بسم الله الرحمن الرحيم

السلام عليكم ورحمة الله وبركاته

وقصتي يا اخواتي في الله كالتالي

كنت اعمل باحدى المكاتب المختلطة يعني رجال ونساء

ولكني كنت محترمة نفسي ومحتشمة ولا كنت اكلم احد

وعبايتي الي كنت اجي فيها الدوام لو لبسوها ثلاثه اشخاص

تكفيهم وتزيد .....صح ماكنت منقبه لكني لاكنت احط مكياج

ولاخرابيط.....المهم اعجب فيني واحد من زمايلي وتقدملي

وجاء البيت وصارت الشوفه الشرعيه وقلي انا يابنت الناس

ماعندي غير طلب واحد...انا انسان طول عمري احلم ان اعدد

واحتمال اتزوج بعدك....واناصليت الاستخارة ووافقت

وخصوصا انه اصلا ماكان عندي اي اعتراض على التعدد

لان شرع الله وكنت دائما اقول ربنا اعلم مننا في عباده

الي خلقهم

والدنيا فانيه والله يتولانا برحمته....

المهم اتزوجنا وعشت معاه اسعد ايام حياتي

وكان رجال بمعنى الكلمة ماقصر معاي بشئ

وفي يوم من الايام جاءني الرجال

ووجه احمر .....اقوله يابن الناس ايش فيك

قلي متضايق شويه لانه امه كلمته عشان يتزوج بنت خالته اليتيمة

وهو اصلا شال خلاص فكرة الزواج مرة تانيه من راسه

وقلي انا احبك ومقتنع فيكي وماابغى اتزوج....

تعرفوا انا كيف اتصرفت

قلتلوا بكل نيه صادقه وقلب جامد

كلام امك صح بنت خالتك يتيمة وماعندها احد

وفاتها قطار الزواج وماعندها احد بعد الله غير امك

وامك كبيرة في السن وخايفه انها تتركها لوحدها في

الدنيا وتبغى تطمئن عليها قبل ماتروح من الدنيا

طبعا طالعلي وهو مستغرب اني انا الي اشجعه يتزوج

بس هو كان يدري برأي بالتعدد فما كان مستغرب كثير

وقلي يابنت الحلال انسي الموضوع انا ماابغى وجع راس

بنت خالتي راعيه مشاكل وماراح تخلينا في حالنا ويمكن

تعملنا سحر و و و و........الخ

وماساب كلام الا قاله .....وخلصنا الكلام من ساعتها

وانا مارجعت فتحت الموضوع لانه مهما كان، حتى لو كنت

موافقة انه زوجي يتزوج ..حافرح لو غير رايه....

وبعد شهر من زن امه المتواصل......وبعد مايئست من ابنها

كلمتني انا ....رغم انه كنا في بيت واحد بس ماصدف ولا مرة كلمته في الموضوع قدامي لانها كانت تحبني وتعتبرني مثل بنتها
وكانت حريصه اني مااعرف انه هي ورا موضوع زواجه

بس زوجي الحمدالله مايخبي عني شئ

المهم

كلمتني انا وقالتلي هذه بنت خالته ومالها احد

وانا كم يوم وارحل من الدنيا وانا مثل امك

وانتي تقدري تقنعي زوجك يتزوجها

ومن هذا الكلام .......وبصراحة امه

حرمة كبيرو وانا كنت احبها كثير وماحبيت اكسر خاطرها

وقلتلها ابشري ياامي انا بكلمه ومايصير خاطرك الا طيب

المهم رحت كلمت الرجال وقلتله يابن الحلا هذه امك

وانت وحيدها لاتكسر بخاطرها وصلي استخارة وفكر بالموضوع محنا خسرانين شئ وبتاخذ اجر فيها ومن ناحيتي لاتخاف

ماراح تاذيني ان شاء الله راح اعاملها مثل اختي واكثر

المهم

صرت اقوم الليل اكثر من اول وادعي انه ربنا يصبرنا انا

وزوجي .......وانا الحمدالله من يوم وانا في بيت اهلي كنت اقوم

الليل واصلي السنن واقرا البقرة كل يوم او كل يومين

بس كنت مداومة على هذه الطاعات .......بمعنى اخر انه

قلبي كان مليان بحب ربنا وماكانت تفرق معايا كتير انه يتزوج

اولا .........بالعكس يااخواتي كنت اتمنى انه يتزوج ويلتهي شويه

عشان اتفرغ لعبادة ربي اكثر وكنت بهذا الوقت ابغى اكمل

ماجستير واتفرغ لنفسي ولامي وابويا الكبار بالسن رغم انهم

كانوا قريب مني بس كنت اشوفهم كل 3 ايام تعرفوا دوشه الزوج والاولاد ...........المهم

اقنعت زوجي انه يتزوج؟؟؟؟

وجاء يوم فرحه:icon28:

وقسما بالله يابنات ماحسيت انه فرح زوجي بالعكس كانه

اخويا الي بيتزوج وجبتلهم هديه سنعة

وخلص الفرح ورجعت على بيتي...........

وكانت المفأجاة ..........

معليش يابنات اكمل في المساء

وارجعلكم
التكمله في الصفحة الثانيه
والصفحة السابعه حطيت رد للاخوات المستغربات