اسمعن عاد صور ماعندي صور:angry2:ماعرف
لكن لكم مني اوصف لكم هالشاورما ووصفي بيكون ادق وابلغ من الصور << احلفي
وبعدين الله واكبر ترى كلها شاورما ماتحتاج صور اشوفكن عاد خربتوها اذا شفتوا الموضوع بدون صور قضبتوا الباب وطلعتوا :16:
بس والله هالشاورما تستاهل انك تركزين وتسوينها وانتي مغمضة << شلون تجي ذي
ياناس انا مدمنه عليها واذا جاني احد وكنت متكلفه وطالبه من حريم او من مطعم يتركون الاطباق كلها ويسالون عنها :32:لانها ادمان وبصراحه ينطبق عليها شعار بطاطس بينقلز (( لما تفك ماحتصك )) << وش دخل
لا يعني لو خذتي وحده غصب تاخذين ثانيه وثالثه اقولكم ادما111111ن
وانا مفرزنتها عندي وكل ما اشتهيت طلعت وحميتها مع اني ما حب الشي الا فريش بس هذي الشاورما لانها بخبز المطبق عادي تتفرزن ولا يتغير طعمها مع انها طبعا بتكون اطعم لو سويتيها واكلتيها على طول
<< كني طولت المقدمه
نجي للمقادير :
( طبعا اذا المقادير كبيرة عادي سوي نص المقدار او تقدرين تتحكمين فيها زي ماتبين تقللين اوتزيدين بس لا تحذفين شي ابد:angry2:)
4صدور دجاج مقطعه طويل يعني زي شكل الشاورما
2بصل ابيض مقطع شرايح
فلفل رومي اصفر واحمر مقطع شرايح
فطر معلب افتحيه وااغسليه عشان تروح المواد الحافظه منه >> بتسوي نفسها سنعه :p
واهم شي والذ شي علبة جبن كرافت تشدر كبيره :32:ابشريها
البهارات ( نص ملعقةصغيرة ممايلي: ملح * فلفل اسود *زنجبيل المطحون ( اذا متوفر )* كركم
الطريقة
1_انقع الصدور في قليل من الخل والماء لنصف ساعه ثم اصفيها من الماء واغسلها جيدا.
2_اضع في مقلاة ملعقتين زيت واحمس الدجاج مع اضافة البهارات (( انتبهي تحمسين الدجاج فقط لاتتحمسين وتجيبين العيد وتحطين البصل من زود السناعة لا:angry2:اسمعي الكلام وطبقي الطريقة بحذافيرها)
3_ استمري بالتقليب على نار متوسطة حتى تنضج شرائح الدجاج اذا استوت اضيفي الفطر
4_ اخر شي اضيفي البصل والفلفل البارد الملون وقلبيه على نار عالية لمدة لاتتجاوز عشر ثواني سمعتي يعني لاتقطعين قلب البصل و الفلفل بالطبخ لين يعرعر ويخرب شكله لا ابغاه يحتفظ بقوامه يعني مايذبل من كثر الحمس ثواني وسكر ي عليه
ثم تأتي الخطوة الاجرامية اللذيذه المدمرة :32:التي سوف تعطي الطبخه طعما لايوصف << وهي اضافة الجبن المبشور مدري المبروش على الدجاج بعد اطفاء النار طبعا واقلب الدجاج حتى يذوب الجبن في حرارة الدجاج
ثم نبداء بالحشو
وسلامتكم
لحظه لحظه من جدكم انتم خلصنا ياحبكم للطفاقه اصبرو:angry2::angry2: وين بتحشون هالدجاج ببرتقال مثلا ؟؟ طبعا لازم خبز وانا بصراحه اروح لمخبز واطلب عجينة مطبق شفتوا شرايح السبرنق رول الكبيرة زيها بس خوذيها من المخابز قولي ابي عجينة مطبق انا اخذها من المخابز الاتوماتيكيه بالدمام امممم خيال وللامانه انا لما نقلت لكم الطبخة من كتاب ابلة نظيرة قصدي من اختي اهي ماقالت خبز صاج هي مستعمله خبز تورتيلا وانتي براحتك بس انا اشوف خبز الصاج شي شي شي يجنن خياااال
المهم اذا حشيتي امسحي الخبز بشوي مايونيز ثم ضعي الحشوة ولفيها مو لف رول لا زي المخدة بس لاتخلينها عريضه وحمريها على الصاج من الجهتين وعند التقديم اقطعيها نصين افضل كشكل للتقديم لانها بتطلع طويلة وبس سلامتكم
صحيح هذرتي واجد بس والله سههههههههههههههههله اكثر من ماتتوقعون اصلن اخلصها بوقت قصيررررر بس طعهما حكاااايه خاصه الجبن التشدر مع الفلفل الرومي والدجاج اه اليييييم
لحظه لحظه نسيت اقولكم اهم شي بالطبخه
تكفون اذا اعجبتكم او ماعجبتكم (( مع انها وربي لذيذه وتستاهل التجربه بشهادة الجميع )) لاتردون بس قولوا امين عقب ماتقرون هالدعوة :
اللهم اغفر لصاحبه الموضوع ولوالديها وطهرها من الذنوب والخطايا ونجيها من عذاب القبر واحفظها من كل شر او مكروة اومرض))
وتذكري ان فيه ملائكة تقول لك : ولك من دعائك بالمثل
جودي= @gody_28
عضوة فعالة
%%ياناس فاهيتا11هالدجاج بالصاج ادما1111ن خرااافيه%%لذ ييذة بشكل كلن بيسألك عنها
207
23K
يلزم عليك تسجيل الدخول أولًا لكتابة تعليق.
الاخت نوته
•
تشكراااااااات
الله يعطيك العافيه
والله شكلها لذيذه
بس لما نحط البصل والفلفل البارد اخر شي ولمدة عشر ثواني راح يكونون قاسيين وانا ماحب البصل والفلفل وهو قاسي
وانتي شرايك؟
والله شكلها لذيذه
بس لما نحط البصل والفلفل البارد اخر شي ولمدة عشر ثواني راح يكونون قاسيين وانا ماحب البصل والفلفل وهو قاسي
وانتي شرايك؟
الصفحة الأخيرة