26-07-1431 هـ, 07:12 صباحاً
اهلين اخواتي عارفة انة مو هذا القسم المناسب بس لو مانيب مضطرة كان مانزلت الموضوع اصلا بس من جد تعبت

الله يعافيكم ياليت الي عندها فكرة تفيدني بالعلاج المناسب وخاصة يكون مجرب ومضمون لا تقولون المستشفى لان جربنا

المضادات والمراهم كلها ولا فاد ابي شي شعبي ومجرب ومضمون ويقطع الدمامل من اصلها لانة ثالث دمل يطلع

وعجزت اقدر اقاومهم تعب والم مو طبيعي الي تفيدني لها دعوات من قلبي الله يوفقها ويسعدها دنيا واخرة ولكم شكري
26-07-1431 هـ, 07:18 صباحاً
الله يجعله على اجر
ما اعرف الا لازم مضاد وتنظفه الدكتوره
غيره ما اعرف الله يشفيك ويعافيك...
26-07-1431 هـ, 08:25 صباحاً
جربي لبخة الحلبه ابويه الله يرحمه كان ينظرب بالكيماوي وطلعله دملي في رجله عملنا له البخه بالحلبه وبعدها الحمد لله طابت رجله

الطريقه

تخلط كمية مناسبة من مسحوق بذور الحلبة بكمية أخرى مناسبة من الماء الفاتر و يقلب الخليط جيدا حتى الحصول على عجينة رخوة . توضع هذه العجينة فى إناء مناسب، ثم يغمر هذا الإناء حتى ثلثيه فى إناء آخر أكثر اتساعا به ماء يغلى . يستمر فى تقليب العجينة حتى يصير لونها داكنا و قوامها مرنا و بالتالى نحصل على اللبخة المطلوبة . تفرد هذه اللبخة دافئة بالدرجة التى يتحملها الجلد فوق المكان المصاب و تغطى بقطعة قماش قطن . تجدد اللبخة أربع مرات فى اليوم .


وإن شاء الله تشفين
26-07-1431 هـ, 09:01 صباحاً
اه ياقلببي والله حاسة فيج انا طلعلى اكثر من 55 دمل ويطلعلى بس اشتغل والحمدلله على كل حال واغلب الدمامل عين وانا ماكنت استفيد من المستشفى وادويتهم ابد بس بقولج على كذا طريقة
الاولى الدمل ياخذ حق اسبوع او اكثر عشان يلين وبعدها ينفجر واذا انفجر لازم تسحبين منه الجلد الخضرا عشان يوقف القيح واذا تبين تسرعين بتلينه مالج الاالمرهم الاسود تحطين منه شوى وتغطين الدمل كلها يوم اويومين ويلين الدمل وينفجر
او تتبخرين من وراء الى طاقينج عين في حال عرفتي مين
والله يعافيج ويشافيج يارب

26-07-1431 هـ, 09:04 صباحاً
للرفع
بإمكانكم تحميل برنامج قرآن فلاش مجاني كبرنامج مستقل لا يحتاج لوصلة أنترنت

http://www.quranflash.com/download/index.html
26-07-1431 هـ, 12:41 مساءً
اخ انا مثلك بس الدمل داخل الشفة السفلى تبع اللثة يمكن وانا اليوم رايحة لدكتورة الاسنان عندي موعد يمكن تكتبلي على دواء وراح اقولك عنة اذا هو زيناخ ياحلقي
26-07-1431 هـ, 02:28 مساءً
اختي الله يشفيك كل مكان يطلع فيه يختلف عن الثاني من حيث شدته

اذا برا طالع وحجمه عادي ينفع له المرهم الأسود يدهن ويغطى بكيس او لزقه عشان يثبت كم ساعة ويكرر لين يسحب الي فيه وينظف

اما اذا كبير ومتحجر ومؤلم مع الدهان مضاد علشان يطلعه برا ويكرر الدهان لين ينظف

اما اذا كان في داخل الجسم بمكان ضيق ما له الا الكي علشان ما يتكرر خروجه وهذا صار لي وكويته ولله الحمد ملطلع مرة ثانيه

وانت اختي الله يشفيك شوفي الي يصلح وسويه ولا تنسين ان القراءة عليه لها دور في العلاج وعدم تكراره

وانت اختى الحياة عمليه الله يشفيك عليك بالقراءة والتحصين والله يكتب لك الشفاء

26-07-1431 هـ, 06:47 مساءً
الله يساعدكم ويساعدني
دايما" يطلع لي
بس أستخدم مضاد حبوب وصفته لي الدكتوره مع مرهم مضاد
طبعا" استخدم غسوووول مره كويس للجسم عشان مايطلع لي دمامل
26-07-1431 هـ, 07:26 مساءً
اقتباس مشاركة  (موج.1)
اختي الله يشفيك كل مكان يطلع فيه يختلف عن الثاني من حيث شدته

اذا برا طالع وحجمه عادي ينفع له المرهم الأسود يدهن ويغطى بكيس او لزقه عشان يثبت كم ساعة ويكرر لين يسحب الي فيه وينظف

اما اذا كبير ومتحجر ومؤلم مع الدهان مضاد علشان يطلعه برا ويكرر الدهان لين ينظف

اما اذا كان في داخل الجسم بمكان ضيق ما له الا الكي علشان ما يتكرر خروجه وهذا صار لي وكويته ولله الحمد ملطلع مرة ثانيه

وانت اختي الله يشفيك شوفي الي يصلح وسويه ولا تنسين ان القراءة عليه لها دور في العلاج وعدم تكراره

وانت اختى الحياة عمليه الله يشفيك عليك بالقراءة والتحصين والله يكتب لك الشفاء
انا الحين مااشتغل والحمدلله مافيني دمامل لانها بس تطلعلى اذا اشتغلت

26-07-1431 هـ, 08:29 مساءً
اقتباس مشاركة  (كسرة غضا)
الله يجعله على اجر
ما اعرف الا لازم مضاد وتنظفه الدكتوره
غيره ما اعرف الله يشفيك ويعافيك...

مشكورة للمرور وجربت تنظيفة بالمستشفى واخذة مضادات مراهم وكبسولات والله يعين


الساعة الآن 06:36 .

جميع الحقوق محفوظة - عالم حواء - 2015