23-07-1431 هـ, 06:18 صباحاً
السسلام علييكم ..

كيفكم ياحوائيااات ..

ابي منكم خدمة .. وهي ..

×× ابي الفرق بين البوية البلاستيك والبوية العادية اللي ريحتها تصك الراس ..

اوكي اعرف ان البلاستيك بدون الريحة بس وش الفرق بينهم ؟ وهل البلاستيك هي المائية ؟

×× ووش تنصحوني بنص لمعة او ربع ؟

×× و وش رايكم في غرفة النوم .. بتكون جدار واحد اللي ورا السرير هاللون الاخضراني .. << محتارة بين الاخضر والاورنج او الرمادي ..

وباقي الجدران بتكون درجة بيج اغمق من الفاتح بشوي ..



ولون غرفتي برونز على اسسود .. والارضية باركية تقريبا نفس اللي بالصورة .. والستارة كمان شرائح نفس اللي بالصورة ..

[ ونظام الغرفة مودرن ]

انتظر ارائكم لاني بابدا فيها هالاسبوع .. بالذات الدهاااان ضروري تتحفوني بذوقكم الله يسسعدكم ..


.. اللهم اشفي لي زوجي شفاءاً لا يغادر سقما ..
..اللهم اني استودعتك من احبهم ..

23-07-1431 هـ, 08:04 صباحاً
بانتظار بنت الحلال الحوائية اللي تدلي بدلوها ..

بس ابي جواب لهذا السؤالين اهم شئ بالموضوع عندي ..

اقتباس مشاركة
ابي الفرق بين البوية البلاستيك والبوية العادية ؟
اقتباس مشاركة
× وش تنصحوني بنص لمعة او ربع ؟


.. اللهم اشفي لي زوجي شفاءاً لا يغادر سقما ..
..اللهم اني استودعتك من احبهم ..

23-07-1431 هـ, 08:39 صباحاً
- البلاستيك المائي :
يستخدم البلاستيك المائي في طلاء الحوائط الداخلية والخارجية، كما يمكن استخدامه على المسطحات المعدنية؛ فهو مانع للصدأ، لكنه لا يستخدم على الأسطح الخشبية.

ويتميز البلاستيك المائي بأنه يسمح بتنفس الحوائط، وألوانه هادئة ومتنوعة، كما أنه غير مكلف، ويمكن تكرار غسيله دون أن يتأثر. أضف إلى ذلك أيضا أنه يمكن تشطيب حجرة كاملة في يوم .


- البويات الزيتية واللاكيه:

يعتبر اللاكيه من أشهر أنواع الدهانات استعمالا. ويستخدم اللاكيه والطلاء الزيتي في طلاء الحوائط الداخلية، ويتميز بسهولة تنظيفه إلا أنه يتغير لونه إذا لم يتعرض للضوء مثلما الحال خلف الصور والدواليب.

وأنصحك بربع لمعة ..ونشوف البنات إيش حينصحوك حسب خبرة كل وحدة

وأختاري لون الجدار الثاني التفاحي الفاتح موفقة
كــــــــــــــل شــــــــــــــئ ممكـــــــــن
23-07-1431 هـ, 12:13 مساءً
مشششكورة حبيبتي معاني الحياة ..

الله يسسعد قلبك يارب ..


.. اللهم اشفي لي زوجي شفاءاً لا يغادر سقما ..
..اللهم اني استودعتك من احبهم ..

23-07-1431 هـ, 12:20 مساءً
انصحك بالجدار اللي خلف الكنبه واذا عاللمعه انا اللي اعرفه مطفي اي بدون لمعه وان صار ربع لمعه
23-07-1431 هـ, 01:21 مساءً
حبيبتي انا جربت في شقتي كلها
البويه البلاستيك اللي هي المائية
مميزاتها كثير
1 بدون اي ريحة
2 رخيصة
3 ماتتاثر بالموية
4 الوانها كثير وحلوة
5 تنشف بسرعة


انتي لسه تفكرين بالزيتي؟ ههههههههههه
ياشيخه بلاستيك وبس
طبعا نص لمعة


23-07-1431 هـ, 01:29 مساءً
انا توي جالسين نضرب الشقه بويه
شوفي البلاستيك تجي طافيه وصعبة التنظيف
الزيتي نصف لمعه سويتها بكل البيت تجيك لمعتها خفيفه وحلوه وسهلة التنظيف اذا عندك اطفال شوفي هالصوره سويت نفس الوانها بغرفة نومي بس مدري كيف بتصير مع الاثاث
ربي اجعلني مقيم الصلاة ومن ذريتي ربنا وتقبل دعاء

23-07-1431 هـ, 01:37 مساءً
العام صبغت غرفة نومي باللون الأخضر الفاتح بالبوية البلاستيك والحمد لله صارت حلوة
أنصحك بالبلاستيك أهم ميزة إنها من غير ريحة لأنه ريحة الزيتي تجلس شهر أو أكثر ومضرة بالصحة خاصة الأطفال

http://forum.hawaaworld.com/showthread.php?t=3931230
23-07-1431 هـ, 01:50 مساءً
يمدحون البلاستيك نص لمعه
انا حطيته بشقتي
واللي يشوفه يقول مطفي


استغفر الله العظيم وأتوب إليه

استمعي لإذاعة القرآن الكريم
mms://38.96.148.74/QuranRD%20
23-07-1431 هـ, 02:42 مساءً
شووفي البلاستك اذا حطيتي اثاث بعد مده مايتغير الجدار بعكس الزيتي اذا حطيتي كنبه ولا دولاب بعد مده صفر وتغير لونه\

البلاستك اهم شئ ماتكون مصبوغه على بويه زيتي لانها ممكن تنفك واذا البيت جديد ممتازه ومسألة التنظيف مثلها مثلي اي بويه المطفي منها طبيعي انه مايروح منه الوصخ والافضل عند اطفال وغرفهم اظمن نص لمعه ومجالس ربع اتقاء للخوف وشكلها مثل المطفي عكس الزيتي الربع لمعه لمعته واضحه ومعروف ان افخم شئ المطفي لكن مووب عملي ممع الاطفال





الساعة الآن 05:11 .

جميع الحقوق محفوظة - عالم حواء - 2015