10-07-1431 هـ, 12:35 مساءً
السلام عليكم ورحمة الله وبركاته
الله يشافي اولادنا واولادكم والمؤمنين والمؤمنات انا عندي بنت ياعيني انتظرتها 13 سنه وجتني عمري وقلبي فطومي قبل 6 شهور ورضعتها من صدري واعطيتها رضعتين صناعي بالبدايه ولكن كانت ترجع كثير فاضطر ازيد الرضعات الصناعيه لين ماابتدت ماتبي صدر صرت اشفطه لها واحطه بالرضاعه لين نشف الحليب وصارت تااخذ صناعي وكانت دايم تصيح وماتنام ودايم معاها مثل الزكام وانا كنت احسبه زكام واسوي لها بخار بابونج واودلاها يقولوا لي مافيها شئ وشوي شوي زاد الصراخ ولاحظت برازها فيه مخاط باستمرار ودايم قوامه سائل مثل الاسهال ولاحظت ايضا انها دايم ترجع وتبلع وساعات تصرخ كثيييييييير وبعدها ترجع الحليب رايب من معدتها مع عصاره المعده على قلبي ويكون عندها الم ولاحظتها تنتفض وراسيها يتحرك بسرعه بنفضه كأن شئ طعمه مر مر بحلقها ورجع ودايم ترجع وتبلع وديتها المستشفى وغيرنا الحليب الى حليب ارتجاع استاؤت حالتها وصارت كلا تصيح وماتبغى تشرب تحس بالم ورجعت فيها وعطوها امبرازول ومقوي معده وناخذ حليب مكثف وخفت في البدايه وبعدين رجعنا الى نفس الحال واصريت عالدكتور يسوي تحاليل حساسيه وسوى لنا وطلع عندنا حساسيه حليب بدرجه متوسطه والحين حليب الصويا ماينفع لان بنتي مصابه بجي سكس بي دي والحين وصفوا لنا حليب نيوكيت ومو متوفر بالصيدليات بالشرقيه وماادري من وين الي استخدموه كانوا يحصلوا عليه والحين على قلبي كلا تصايح ومن اليوم قطعت عنها الحليب لان وصلنا الى مرحله الدم بالبراز ابغى اعرف احد عنده حاله بنتي من وين لقى الحليب وكيف نتايجه على طفله والله يحمي اولادنا واولادكم والمؤمنين والمؤمنات اجمعين
10-07-1431 هـ, 11:45 مساءً
لا آله الا الله محمد رسول الله
11-07-1431 هـ, 12:34 صباحاً
رفع لعيونك الله يسهل اموركم




ماشاء الله تبارك الله
11-07-1431 هـ, 02:45 صباحاً
رفع
21-05-1433 هـ, 05:10 مساءً
يااااربي انا ولدي نفس الشي ويأخذة من كم يوم يارب يضبط بس وفترة وتعديً
21-05-1433 هـ, 09:46 مساءً
انا ولدي معه حساسيه حليب البقر واللي ظهرت بشكل دم مع البراز اكرمكم الله
العلاج كان الاعتماد التام على حليب الام ...ووصف لي الطبيب حليب اسمه alimentum عند الحاجه بس قالي حليب الام هو العلاج
انا مغتربه في امريكا
ولدي ظهرت علامات الحساسيه وهي الدم وهو بعمر شهر وقطعت عنه الحليب الصناعي
واختي ترا اختفاء الدم يحتاج وقت طويل ممكن اشهر فلا تقلقي
اختي اذا كان بالامكان ارجاع الغاليه الى صدرك حاولي لان بهذا تضمنين الشفاء التام
ربي يعافيها
21-05-1433 هـ, 10:00 مساءً
رفع
لااله الاانت سبحانك اني كنت من الظالمين
19-07-1434 هـ, 03:25 صباحاً
أختي هذا رقم مسؤول ادارة النيوكيت neocate 
0560036617
مااعرف اذا لهم فروع بالمملكة بس ممكن تطلبي توصيل وممكن توصلي له عن طريق المستشفيات الحكومية الكبيرة توفره لك مجانا او بنص السعر الله اعلم لان سعره غال تقريبا العلبة 280 ريال ولما يعدي السنة يصير يحتاج نوع للكبار ب 360 ريال تقريبا




ريحه طعمه جدا غير مقبول بالنسبة لنا لذلك ينصح الطبيب انك تبداي مع الطفل في سن مبكرة حتى يستقبل الطعم ويصير عنده الحليب المفضل




في امريكا موجود بطعم الفانيليا بس ما يمكن الاعتماد عليه كمصدر غذاء وحيد بعكس النيوكيت العادي بلا نكهة ممكن يغني عالاكل والشرب لو أخذه ب جرعات صحيحة


الساعة الآن 10:26 .

جميع الحقوق محفوظة - عالم حواء - 2015