campoocha

campoocha @campoocha

كبيرة محررات

شوفوا الصورة فوتوشيني تشهي الطريقة سهلة ولذيذة

أطباق رئيسية

السلام عليكم

وعيدكم مبارك

وينعاد علينا يراب باليمن والبركات


اليوم جايبة لكم طريقة عمل فوتوشيني

اللي يموت فيها زوجي

ولأنة زوجي يحبها وكل مرة نروح المطعم يطلبها

قررت اني لازم اتعلم واسويها على شرط إنها تصير احلى من المطعم واخف

والحمدلله من اول مرة سويتها انجن عليها زوجي
وقال لي
شرايج افتح ليج مطعم :32: وتعرفون شعوري لما قال لي جذي مت من الفرحة




بسم الله الرحمن الرحيم



نبدأ المقادير الكريمة

كأس جبن الكبير مليان الى اخرة ماء او ممكن استخدام ماء سلق الدجاج واستغني عن مكعب مرقة ماجي
بصلة مفروووووومة ناعم
ملعقتين زبدة
علبة كريمة خفق
مكعب ما جي الدجاج واحد


الطريقة :

احمص البصلة على النار مع الزبدة لما يذبل البصل
اضيف علية كأسين الماء
ومكعب مرقة ماجي الدجاج
وعبلة كريمة الخفق الى حد ما يغلي
واتركة على جنب الى حد ما تخف حرارتة
واحطة في خلاط العصير
ولحظة تكون الكريمة في الخلاط
اخلط ملعقتين طحين نشا في ملعقتين ماء بارد
واخلطة عدل الى حد ما يذوب النشا واضيفة على الكريمة في الخلاط
وبعد ما اخلها عدل اشخلها عن البصل






المقادير:

صدرين دجاج اسلقهم واضيف لهم ملح ولما تنضج اقطعهم مكعبات صغيرة

6 دوائر معكرونة الفوتوشيني مثل السباقيتي بس تكون عريضة شوية اسلقها في الماء ولما تستوي اشخلها عن الماء اللي فيها واتركها على جنب

نص ملعقة فلفل اسود

نص علبة مشروم مقطع شرائح


واخيراً الطريقة النهائية:

احط في قدر كبير شوية الدجاج المقطع
ونص علبة المشرووووم
ودوائر معكرونة الفوتوشيني
والفلفل الاسود واقلبهم قليل اضيف لهم خلطة الكريمة
واحركهم قليل
واضيف لهم الجبن المبشوووور
واتركهم على نار هادئة شوي الى حد ما يذوب الجبن

اصبها في بايركس واقدمها وهي ساخنة




شوفوا شلون تكون غليظة



طعم الكريمة يجنن

وخفيفة

ها شرايكم
اتمنى اشوف ردود
واي سؤال انا حاظرة
177
35K

يلزم عليك تسجيل الدخول أولًا لكتابة تعليق.

تسجيل دخول

آجا و سلمى
آجا و سلمى
امممممممم.... ما شاء الله تبارك الله...
شكلها يجنن..
الله يعطيك العافيه اختي..
:26:
وكل عام وانتي بخير
ياسمينته
ياسمينته
كل عام وانتي بخير .... من عواده ان شاء الله

شكلها يجنن..
الله يعطيك الف عافيه

بس عندي سؤال شنو كريمة الخفق ؟؟؟ (( قصدك كريمه حامضة))

وتسلم يدج
بنت النعيم
بنت النعيم
تسلمين اختي على هالطبخة المفضلة عندي وتراني مثل زوجك اكلتها في المطعم مره وعجبتني وايد وايد وقلت لازم اعرف الطريقة ودخلت على الانترنت وعملت بحث لاكن كانت بطريقة الروبيان وقلت بطبقها على الدجاج لاكن ما عجبتني بعد المقادير وجاء موضوعج في وقتة وطريقتك سهلة وايد وان شاء الله اجربها وشاكره لج وناطرين المزيد من اكلاتك الشيقة
والله يعطيج الف عافية
campoocha
campoocha
آجا و سلمى
مشكووووووووورة حبوبة

ياسمينته
لا حبيبتي الكريمة الحامضة غير
في مثل علبة كريمة الحامضة بس مكتوب عليها كريمة خفق
وفي بعد في مثل علبة قيمر كي دي دي بس لونها احمر مكتوب عليها كريمة خفق

بنت النعيم
تسلمين على الرد
جربيها راح تموتين عليها
بنت قطر
بنت قطر
هلا اختي :21:

مشكورة على الطبخه شكلها جنان :23: بس هي اشلون مثل شوربه لان شكلها مثل الهريس

بس عجبتني :42:

انزين اختي ا>ا بغيت اسوي وماعندي

مكعب مرقة ماجي استبدله بشنو يعني اسلق دجاجه واخ> مايها

علبة كريمة خفق مثل دريم ويب

مكعب ما جي الدجاج واحد هاي ماعندي بشنو استبدلها

عندي مكعب ماجي دايما اشوفه بالمطبخ مكتوب عليه للادمات وصالونات لونه اخضر على اصفر صغير داخله علبتين هاي مرق دجاج

معليش اختي اسئلتي كثيرة بس لان طبخه جديد اول مرة اشوفها :23: