بفضل ربي ... بعد عملية الدوالي لزوجي ... انا حامل

السلام عليكم ورحمة الله ...


تعالوا يابنات باركولي ....

الحمد لله الحمدلله والمنه الحمدلله على كرمه

انا امس سويت اختبار حمل بالدم وطلعت



حامل ...:icon28: حامل بفضل الله تعالى


بعد مادكتورتي الي اتابع معاها سدت الابواب في وجهنا ... وقالت لي الاسبوع الي فات مافي امل تحملين طبيعي ومالج علاج عندي لان تحاليل زوجج ضعيفه ولا يمكن تحملين الا بعملية اطفال الانابيب .. وحتى التلقيح الصناعي ماينفع مع حالة زوجج ... وانا وزوجي كنا رايحين لها واحنا مستبشرين خير لان دكتور الذكورة الي يتعالج معاه زوجي بشرنا خير وقال لنا ان النتيجة ممتازه بعد عملية الدوالي وممكن تبشرونا بالحمل عن قريب ( زوجي مسوي عملية الدوالي من 3 شهور ) .. لكنها الله يسامحها خلتنا نطلع من عندها مهمومين وشايلين هم العملية ... لكن ربي خيب ظنها وانا اللحين حامل :)

وبقول لكم الاعراض الي حسيت فيها ...

اولا بعد فترة التبويض ... لماكان باقي على دورتي الجديده 10 ايام تقريبا حسيت

البطن ... حسيت بنغزات اسفل البطن وفي المهبل وعند السره وكلها كانت خفيفة وللحين احس فيها

الصدر ... هذا الي خلاني اشك بالحمل .. كل شهر بعد التبويض احس بألم بصدري وخصوصا بالجوانب لكن هالمره حسيت بألم في الحلمات بشكل ملفت كانت تالمني واحس فيها مثل الوخز والحكه والحراره وخصوصا جهة اليسار

الظهر ... حسيت بالم في اسفل ظهري لدرجة انا ماقدر اوطي اذا بغيت اشيل شي

الافرازات ... شبه معدومه لكن بين فتره والثانية القى افرازات بسيطه لونها ابيض مل الزبادي

ولما صار باقي 3 ايام على الدورة حسيت بألم الدورة وكان شديد بالظهر والبطن والاوراك توقعت الدورة راح تنزل قبل موعدها وحسيت بثقل اسفل بطني وبثقل برجليني.. واستمر الالم ليوم الدورة وانتظرتها وماشرفت وهي بالعادة منتظمه عندي وتجي بموعدها بالتمام... يوم ثاني قلت العصر اذا ما جات بروح اسوي تحليل ... لكن الظهر لما دخلت الحمام لقيت افرازات بنيه قليلة وبعد ولما رحت الحمام مره ثانية لقيت نقطة دم لما كنت امسح بالمنديل .. ظنيتها نزلت .. قال لي زوجي قومي نطلع لانه حس اني متضايقه .. وبعد مارجعنا البيت على طول رحت للحمام ومالقيتها .. وقررنا نروح نسوي تحليل ... والحمدلله طلعت النتيجة ايجابيه ...:icon28:

عقبالكم جميعا يابنات والله يرفرح قلوبكم مثل مافرح قلبي ..:26: