17-06-1431 هـ, 11:29 مساءً
بنات امس كنت عند خالتي جوالي مليان صور لي ولخواتي ورسايل خاصه من زوجي أنا مخزنتها بذاكرة البطاقه الميموري كارد المهم جلست اورى بنت خالتي صوري بعدها قالت لي جيعانه قلت يلا نروح نسوي عشا وناكل أكبر غلطه سويتها تركت شنطتي بمجلس الحريم وطلعت بس جوالي قفلته جلسنا نسولف وحنا نسوى العشا طلعنا وتعشينا وبنت خالتي قصت شعري بعدها رجعت البيت اتفاجات ان ذكراتي مو موجوده بالجوال رحت فتشت الشنطه ابشوف يمكن طاحت ولاشي جن جنوني صوري خواتي رسايلي راحت اااه ياأخواتي بجد شي يذبح مع العلم انه ماطلعت جوالي من الشنطه الا لما جيت البيت يعنى مستحيل تكون طاحت مني اااه ياربي صحت ودعيت ان ربي يأخذ عمر من أخذ ذاكراتي بنت خالتي تقول يمكن جن خذوها لاننا كنا نسولف فيهم وأنا قلت لهم سالفة الجاثوم اللي جاني ونام معاي بفراشي بصراحة حاجة تتوه العقل نفسيتي تعبانه من هالموضوع وش اسوي قمت اشك بكل اللي بالبيت بنات خالتي ولد خالتي مع العلم ولد خالتي هذا لسه طالع من السجن بس خايفه أكون ظالمته
بس مين ابي أعرف تعبت وربي تعبت حسبي الله ونعم الوكيل على من تجرأ واخذ ذاكرة جوالي الله لايحلله ولايبيحه لابدنيا ولاباخره ربي يشل يدينه الله لايوفقه ولايهنيه في حياتي وجعلي اشوف فيه يوم
الله يكفيني شرهم بماشئت اللهم اجعل تدبيره تدبيرا عليه وحسبي الله وكفئ .
ملاحظه
في وحده من بنات خالتي انا شاكه انها هي مخذتها كلمتها اليوم وقالت اذا انتي ماخذتها انا مسامحتك بس رجعيها هذي فيها دمار وخراب بيوت تكفين قالت واللي خلقني ماخذتها وقامت تدعي على نفسها وعلى اهلها وقالت عساي أهلي يفقدوني وماأتوفق في أختبارتي انه مو أنا تقول انتي بنت خالتي مو عدواتي عشاني اسوي بكل كذا قلت لها تحلفين بالقران قالت تعالي لبيتنا والله لاحلفلك انه مو أنا ياناس بجد شي غريب من أخذها طاحت ببيتهم يقولون دورو كنسو البيت وكبو المكنسه وفتشوا مافي شي اختفت وأنا متأكده الذاكره ماتطيح الا اذا احد فكها هي جوة الجوال وش اسوي من امس مانمت ولاأكلت وعندي أختبارات وماذكرت من الهم والتفكير ادعولي ادعولي لو طاحت عسا ربي يتلف مافيها قبل ماتطيح بيد أحد مايخاف الله لو أحد أخذها ربي يوريني فيه يوم شورو علي واسواني لاحد يجي يقول انتي غلطانه انا ادري واللي فيني كافيني لاتزيدوني وربي ندمااااانه ويارب رحمتك ادعولي تكفووون
17-06-1431 هـ, 11:50 مساءً
وووينكم ؟؟؟؟
17-06-1431 هـ, 11:57 مساءً
يااااحياتي يمكن مقلب من بنت خالتك اللي قالت جني ومدري ايش ارجعي تأكدي منها يمكن تبي تخوووفك وبس
ادعي لا اله الا انت سبحانك اني كنت من الظالمين
والله هالدعوه تريح وتيسر وتحفظك من الهم والتفكير المشوش وعن تجربه والله يعينك انتي لاتفقدين الأمل


اللهم اوزعني ان اشكر نعمتك علي وعلى والدي وان اعمل صالحا ترضاه لي واصلح لي شأني كله اللهم آمين
18-06-1431 هـ, 12:04 صباحاً
الله يعوض عليك و****لله انك لو مالقيتيها

تضيع ولاتطبح بيد احد وربي يردها لك ****لله

والله مهما حصل بصراحه من مشاكل او احد نشرها ولقاها موب ذنبك خلاص قضاء الله وقدره

ضاعت ,,


بس انتبهي على اغراضك واعتبريه تنبيه لأشياء ثانية

المشكله احيانا نضيع اشياء فيها اغراض تخص غيرنا !!!
18-06-1431 هـ, 12:13 صباحاً
ان شاء الله تلقينها ويمكن يكون مقلب مسوينه فيك بس ادعي ربك
18-06-1431 هـ, 12:14 صباحاً
يااااحياتي يمكن مقلب من بنت خالتك اللي قالت جني ومدري ايش ارجعي تأكدي منها يمكن تبي تخوووفك وبس
ادعي لا اله الا انت سبحانك اني كنت من الظالمين
والله هالدعوه تريح وتيسر وتحفظك من الهم والتفكير المشوش وعن تجربه والله يعينك انتي لاتفقدين الأمل






18-06-1431 هـ, 01:02 صباحاً
رددي دعا الضاله اللهم رب هذة الضاله ردعلي ضالتي واكثري من قول لاحول ولاقوة الابالله
18-06-1431 هـ, 01:04 صباحاً
ماتوقع مقلب من أمس اصيح وبنت خالتي تصيح معاي اااه ياقلبي ماقصرتو ع الردود عسا ربي مايوريكم مكروة ويحرم وجهيكم عن النار
18-06-1431 هـ, 02:29 صباحاً
رفع
18-06-1431 هـ, 02:34 صباحاً
طيب انتي حاطه كلمه سر للميموري
ترى لو حطييتي لها كلمه سر مستحيييييل تشتغل غير تتفرمت ومايطلع شي.. يارب انك مسويه لها كلمه مرور



اخترنا لك هذا الموضوع:

اقرئي المزيد »

الساعة الآن 08:12 .

جميع الحقوق محفوظة - عالم حواء - 2015