نزول الرحم والمعالجه ام انور والحمل تكفون انصحوني

[غبار الثلج]

السلام عليكم ورحمة الله وبركاته
كيف الحال بنات ان شاء الله بخير الله يسعدكم ويوفقكم في حياتكم ويرزق بناتنا الانسات بالازواج الصالحين يارب ويرزق المتزوجات الذريه الصالحه اللي تكون قرة عين لهن ويجعل بينهن وبين ازواجهن مودة ورحمه ويغفر لنا ولجميع المؤمنين والمؤمنات الاحياء منهم والاموات اللهم اااامين

حبيباتي بغيت اسالكم من منكم حملت او عرفت وحده حامل وهي عندها نزول قوي بالرحم
وعادي كمل حملها على خير تطمني؟؟
لاني عندي نزول شديد بالرحم ورحت لحرمه تعالج وقالت لي انه رحمي نازل مره في الحوض وانه لازم اتعالج عندها بعد الدوره على طول استخرت وارتحت لعلاجها مع اني خايفه حييل لانها قالت بتسوي لي لبوس مدري ايش وبتدخله هي فيني وبترفع فيه الرحم وتقول خليه فيك ثلاث ايام وبعد الثلاث ايام نزليه طبعا على كلامها هو عباره عن شاش واعشاب وتقول ان شاءالله فيه شفاء لانه كثير حريم استفادوا منه وانه اذا مافادني يمكن تكويني !!بنات بالله من منكم سوت ترفيع للرحم عند حرمه حدي خاااايفه ......طبعا الحرمه هذي ام انور اللي بحفر الباطن تنصحوني اتعالج عنده ولا لا.....والمشكله انه الدوره تاخرت علي اسبوع وخايفه لااكون حامل وانا ماتعالجت !!ادري طولت عليكم لكن بالله اللي يمر بموضوعي يدعي لي بالشفاء وان يحفظ الله لي كل من احب

وشاكره لكم كثييير

[انامو شي انا كل شي]

اذا انت من الحفر روحي الى ام سعد مره فاهمه وتسويلك تمريخ واذا تبين عنوانه راسليني على الخاص

[dr.wewe]

وليه تروحي عند وحده ماتعف للطب ولا حتى سمعت عنه الله خرابيط تسويها وتحطها في الحريم روحي دكتورة أفضل وهادي الحالات لها علاج هيا تفحصك وتشوف العلاج الأنسب أما مداويات وأعشاب أبعدي عنها ماأدري كيف تستأمنوهم يحطولكم دي الأشياء

[غبار الثلج]

مشكورات ياعمري على تشريفكم صفحتي لكن انا رحت لدكتوره وقالت لااازم عمليه والصراحه انا خايفه من العمليه لانها تقول لازم الولادات بعدها كلها تكون قيصريه وانا مابي العمليه لان العمليه تجر وراها عمليه ورحت لكذا مداويه شعبيه بالحفر والقصيم وسبحان الله ماستفدت من التمريخ وكاسات الهوا وكلهم يقولون لازم تستمرين عندنا الا هذي ام انور قالت هذا علاجك بعد الله واذا ماتبين روحي سوي العمليه وتقول العمليه يحطون لك بلاستيك وانا بحط لك مجرد شاش وفيه اعشاب وبعد ماتنزلينه تقعدين للشهر الثاني وتستعملين تحاميل وبخور وان شاء الله بيشفيك ربي وزوجي يقول توكلي على الله وروحي لها
لكن انا خايفه لااكون حامل وياثر علي نزول الرحم

[انامو شي انا كل شي]

انتضري واذا تاكدتي انك موحامل روحي الى ام انور الله يكتب لك الي فيه الخير

[خيوط من نور]

حبيبتي انا كان عندي نزول بالرحم وتعالجت عند وحده فضيعه وعلاجها خيااااال ولا يتعب ولا تدخل يدها تمرخك من فوق البطن وماشاء الله حملت بعدها على طول وهي بمحافضة الخفجي واسمها ام جمعه واذا تبين رقمها ارسلي على الخاص
والله يشفيك ويرزقك من واسع فضله

[غزلان الشرقيه]

اختي ياليت تقولين وش صار عليك لان ودي اروح لها

[أم فيصل وثامر]

السلام عليكم
انا تعالجت عند ام انور وبنت عمتي كذلك تعالجت عندها والحمدلله انا حامل وبنت عمتي حامل يارب تمم علينا والشاش اللي تحطه مامنه خوف عادي

[ام عبود 2010]

الله يشفيك ان شاء الله ام انور الي بالحفر كثير حريم امدحوها انا رحت لها بس مااخذت علاجها الله يكتب لك الي فيه الخيره ان شاء الله

[أم قراعيط]

اب