03-06-1431 هـ, 11:49 مساءً
هلا بنات وش اخباركم ان شاء الله بخير

حبيت اسئلكم متى يروح البطن بعد الولاده القيصريه وكل ماله وهو يكبر عندي وخايفه اخلص اربعين وهو كبير

انا لي اسبوعين والده ومره متفشله من البطن

مافي تمارين الوحده تسويها او اقدر اربط بمشد ولا شي نشربه يساعد على تخفيف البطن

ياليت اللي مجربين قيصري يقولون كيف راحت بطونهم والمده كم وهل امارس رياضه المشي الحين ولا استنى شوي

واكون شاكره لكم
04-06-1431 هـ, 12:01 صباحاً
ماشالله الحمداله على السلامه
انا بطني كبير
مازينت شي
وحده اعرفها تزين تمارين الشد للداخل وماشالله
04-06-1431 هـ, 12:07 صباحاً
كيف هذي تمارين الشد للداخل
04-06-1431 هـ, 12:08 صباحاً
هلا بك روح نايف ..

أخبارك ؟

وكيف الجرح معك ؟

علمتني أخصائية العلاج الطبيعي بدلة تمرين يساعد على شد البطن ..

انسدحي على ظهرك ، وشدي عضلات بطنك للداخل وعدي إلى خمسة ، مع كتم النفس ..

وكرري التمرين ثلاث مرات يوميًا ، كل مرة ثلاث مرات ..

والرضاعة الطبيعية تساعد على عودة الرحم لحجمه السابق ..

لكن ما عندي فكرة عن تمارين أخرى ..

أنا أحاول أشد عضلات بطني وأنا أمشي ، أحسه يقويها ..

بس الربط أنا أصلاً مو معترفة فيه ..

الله يعيننا على آلام جراحنا ..
04-06-1431 هـ, 12:09 صباحاً
تمارين شد البطن كأنك تشفطين بطنك تبين تصغرين شكلها ..

تخيلي بتسكرين تنورة حزامها ضيق ، مو تشفطين بطنك ؟؟

هذا هو شد البطن
04-06-1431 هـ, 12:10 صباحاً
انا لي سنه وشهرين مسويتها وللحين كرشي مارحت
04-06-1431 هـ, 12:11 صباحاً
حاولي طول الوقت تكوني شافطة بطنك
والتمرين اللي ذكرته ام عبدالله مرة ممتاز
واشربي قشر قهوة وشمر
وبعدين انتي توك والدة مالك الا اسبوعين
04-06-1431 هـ, 12:12 صباحاً
مرحبا اختي
المشي المفروض بديتيه اول ماولدتي كل يوم نص ساعه ولوكنتي مابديتي ابدي من اليوم
وربط البطن اربطي بعد من اليوم بمشد طبي اذا كان جرحك سليم مافيه التهاب ولا صديد
والوقت اللي تخصصينه للمشي شيلي المشد بعدين رجعيه لحد وقت النوم
ونصيحه المشد البسيه وانتي نايمه على ظهرك عشان ماينزل الرحم عندك
وبعد اسبوع حاولي تسوين تمارين خفيفه للبطن قبل ماتنامين وبعدماتصحين من النوم
وقبل ماتنامين حطي مخده تحت بطنك بس بدون راسي ونامي عليها يمكن في البدايه يصير صعب النوم على البطن بعدين تتعودين
والوقت اللي تفكين المشد خليك دايما شاده بطنك على جوادائماااااااااحتى بعد النفاس صدقيني بيخف بطنك مررره
واسفه طولت عليك لاكن هذا اللي كنت اسويه بعد ولادتي وجاب معي نتيجه الحمدلله
04-06-1431 هـ, 12:38 صباحاً
الحمد الله على سلامتك اولا ومبروك ماجاءك
بس اختي انتبهي انتبهي من الشد والربط والخرابيط هذي البطن بعد اللاربعين ان شاءالله تبي تروح
لان الجرح والخياطه او الكبس موخارجي انتي مخيطه من جوا يعني مخيطين اربع طبقات داخليه وهذولي اقل شي يبيلهم اربعه الى سته اشهر عشان تلتام وبعدين راح اقولك شغله الاطباء اذا جو يخيطون لازم ينفخون هوا عشان يعرفون يخيطون ماتتلاصق الطبفات يعني هذا الي مخلي بطنك الان منفوخ وكذلك الجروح الداخليه مورمه فنصيحتي لك وعن خبره بلولاده القيصريه لاتسوي شي الابعد 25يوم ابدي بالمشي كل يوم ربع ساعه وبعدين زيدي وماتشوفين شر ان شاء الله
واسفه على الاطاله بس من خوفي عليك لا ينفتح الجرح
سبحان الله وبحمده عدد خلقه ورضا نفسه وزنه عرشه ومداد كلماته
04-06-1431 هـ, 01:13 صباحاً
up
اللهم لك الحمد كما يليق بجلال وجهك وعظيم سلطانك



الساعة الآن 09:41 .

جميع الحقوق محفوظة - عالم حواء - 2015