اليوم سويت غداء لزوجي :arb:واعجبه مره وقال انه احسن من اكل المطعم وكمان ولدي وبنتي الله يحفظهم اعجبهم مره وسويته قبل كذا لاخت زوجي الله يسعدها وقالت نفس الكلام انه احسن من اكل المطعم
وهذي صورت الاكل بعد ماحضرته على السفره
هذي السلطه اخذت طريقتها من كتاب اطباق النخبه الي تحت سلطة كنتاكي والي فوق السلطه الفرنسيه بصراحة السلطة الفرنسيه رووووعه
وهذي مقادير سلطة كنتاكي
حبه ملفوف صغيره مفرومه فرم ناعم جدا
و3 حبات جزركبيره تبشر بشر ناعم
و5ملاعق مايونيز وملعقه صغيره سكر ناعم
الطريقه
تخلط المقادير جيدا وتوضع في الثلاجه لحين التقديم
وهذي مقادير السلطه الفرنسيه
حبة ملفوف صغيره تقطع شرائح رفيعه جدا
5حبات خيار يقطع شرائح كالاعواد
5حبات جزر تبشر
الصوص
2 علبه زبادي و3 ملاعق مايونيز عصير ليمونه وملح وملعقه خل
الطريقه
تخلط المقادير سويا ثم تتبل بالصوص ثم تقدم
وبامكانك تقللي مقادير السلطات على راحتك
وهذى الشيش طاووق والرز الشيش طاووق اخذت طريقته من منتدى ثاني الله يوفق صاحبته اسمها سيزر تفاح وهذي طريقته
المقادير:
صحن صدور دجاج
2 بصلة كبيرة
2 طماطم كبيرة
2 فلفل رومي أخضر
مقادير التتبيلة :
نص ليمونة كبيرة
علبة زبادي
2 ملعقة خل أبيض
3 فصوص ثوم مهروس
ملعقة صغيرة ملح
ملعقة صغيرة بهارات الكاري ( أو أي بهارات )
2 ملعقة زيت
نص ملعقة صغيره فلفل أسود
ملعقة صغيرة كر كم
الطريقه
/ نخلط مقادير التتبيلة مع بعضها ونقطع الصدور مكعبات كبيرة وننقعها في التتبيلة لمدة ساعة على الأقل ( أنا أسويها من اليوم اللي قبله واخليها في الثلاجة )
2/ بعدها نقطع البصل والفلفل الرومي والطماطم مكعبات بحجم قطع الدجاج ..
ونبدا نشكهم مع قطع الدجاج في أعواد الشوي ( الخشب ) وترشينها بشوية زيت
/ بعدها نحطه في صينيه ونحطه في الفرن تقريباً من نص ساعة لساعة الاربع .. مع التقليب المستمر ( عشان يتحمر الدجاج من الجهتين ) ..
وهذي سلطه معصوره الكل يعرف طريقتها تقريبا
يلا ابغى اشوف ردودكم الحلوه واي سؤال انا جاهزه
عواااااااافي