25-05-1431 هـ, 07:42 صباحاً
السلام عليكم اخباركم يابنات الله يهون على الجميع

القصه ومافيها اني بولادتي الاولى اغلطت وولدت بمستشفى حكومي تعاملهم زين وقت الولاده وقبلها بس تعالي شوفيهم من اول ماتولدين يحلتون بزرك عليك ميخالف ماعندي مانع بس كل دقيقه تدخل ممرضه تشغل الانوار وتجي تاخذ الضغط وحراره وتصحي النونو تفك ملابسه وتخربط وتكشف وتطلع وهو مفصخ وانا توي والده تبين البسه كل مافصخته وتطلع ولاتسكر الباب واصواتهن عاليه ماقدر انام حسبي الله عليهن ماذقت النوم لين ماجيت بيت اهلي

قلت قصة حياتي

الزبده اني ناويه ان شاء الله اولد بمستشفى خاص ودي ارتاااح بعد الولاده فالله يجزاكم خير ابي تجاربكم يابنات ماودي اندم

خاصه مع مستشفى الوفاء والقصيم الوطني والحبيب اللي تعرف عنهم شي واسعارهم فيه فروق بينهم ولا نفس الشي
استغفر الله الذي لا اله الا هو الحي القيوم واتوب اليه
25-05-1431 هـ, 07:54 صباحاً
انا مثلك ولدت بمستشفى الولاده غثوووني بعد ماولدت وولدي مالبسوه ملابسه زين والتكييف باااااااارد وانوااع الازعااااااااج عشان مدير بالمستشفى ارسل لي صينيه فيهااا فووواكه وعصيراااات طبعااا صديق ابوي والازعاااااج كله عشان يتميلحوون عندي واعطيهم من المووجوود

وان شاءالله ناويه اولد بمستشفى القصيم الوطني على مااعتقد سعر الولاده 4000 بس انا على التأمين
url=http://www.baby-gaga.com/][/url]
25-05-1431 هـ, 07:55 صباحاً
يالله بناااااااااااااات نبي تجااااااااااااااااااااااربكم بليززززززززززز وخبرااااتكم
url=http://www.baby-gaga.com/][/url]
25-05-1431 هـ, 11:35 صباحاً
رفع
url=http://www.baby-gaga.com/][/url]
25-05-1431 هـ, 12:21 مساءً
مستشفى الوفاء مره حلو وتعاملهم رايق وحبوبين مره
نوموني قبل الولاده بيوم لانها تاخرت ولادتي وكل ساعتين تمر علي دكتوره وتطمن علي
والممرضات كل شوي تدخل عليك بس بهدوء ولما تكونين نايمه يتحركون بشويش<<<< مؤدبات


يختي حنونين وتحسين انك بين خواتك
والولاده عندهم زينه وبعد الولاده ياخذون الطفل على مااعتقد بس انا طلبت يجي عندي لاني مااقدر انام بعد الولاده من التعب فاوسع صدري وهو عندي

وكل شوي تجي الممرضه تغير له وترضعه وياخذون الضغط والحراره والمستشفى هدوء مب مثل مستشفى الملك سعود ازعاج واصوات

بس الفاتوره غاليه والحين يقولون اغلى بس ماادري بكم والله
مانبي نرجع لبيوت الطين لكن نبي اخلاق الي عمروها


25-05-1431 هـ, 01:34 مساءً
انا ولدت في الوفاء قبل 4 سنوات بسرحه رررررررررررررروعه بس الحين اسمع عنهم انهم متغيرين وصيرن زفت ونويه اولد في الحبيب والله اسهل
25-05-1431 هـ, 02:01 مساءً
اب
25-05-1431 هـ, 02:18 مساءً
اناماقد ولدت بمستشفيات القصيم ابدا مع اني سكنت فيها بس بقولك تجربة صديقاتي من المعلمات

بس المعلمات يمدحون لي الحبيب ووحده توها له 3شهور والده تقول5000الاف

ووقت الزياره اي وقت مفتوح يعني

انتبهي تروحين للمستشفى الوطني تراه خرابيط يوم ايام حملي رحت ارجع فيه بحملي

ولقيت معملتهم زفت وهجيت ويوم قلت للمعلمات قوللي توك تتدرين..؟

صراحه مبنى حلو بس مافيه اطباء صح..!
من راح من كيفه وكيفه يوديه خله على كيفه وكيفه يجيبه
25-05-1431 هـ, 02:51 مساءً
هلا والله بالغاليات
بالنسبة لي حميع ولاداتي واجهاضاتي كانت بالوفا واخرها برمضان الماضي
الصراحة التعامل راقي جدا والخدمة تمام التمام
صحيح في المره الأخيرة كانت أسعارهم مرتفعة مقارنة بأول بس تبقى في حدود المعقول
سابقا كانت لاتزيد عن 3000 والمره هذي كانت 5400 وأختي ولدت عندهم قبلي بثلاثة أشهر بـ 6500 تقريبا اذا ماني غلطانة
بس احرصي أن الطبيبة تكون ممتازة مع أن الأغلبية ممتازات

والله يهون عليك وتولدين بالسلامة


إلى جنات الخلد أبا خالد
25-05-1431 هـ, 08:40 مساءً
رفع
اللهم لك الحمد كماينبغي لجلال وجهك وعظيم سلطانك


الساعة الآن 06:53 .

جميع الحقوق محفوظة - عالم حواء - 2015