منو فيكم مرت بهالحاله دقات قلب سريعه وضيق نفس؟

حبايبي خواتي طمنوني ماأدري أيش هالحاله الي مريت فيها
تقريبا من أسبوع وأنا أشتكي من ألم في صدري جهة القلب
ودايم ينغبض مره وأنكتم وبعدها يصير عادي وأصير طبيعيه
وأذا قلت لزوجي ولا لحماتي تقول يمكن تفكرين أو خايفه
وأنا والله العظيم ماأفكر بشي ولا خايفه من شي بس مو مصدقيني
يوم السبت زوجي سافر تايلند وأنا مثل ماكنت تجيني الضيقه وتروح
بس مابينت له عشان ماأخوفه عاد يوم الأحد زادت علي الحاله وصارت نبضات قلبي
سريعه مرررره لدرجه أنه مع كل نبضه يرتفع صدري وينزل حتى حماتي حطت يدها على صدري
وخافت قالت لازم أوديك الطبيب وقالت لأخو زوجي مسكين ماقصر قام بالواجب وأكثر ووداني الطوارئ
مستشفى المركزي ودخلت وقاست لي الممرضه الضغط والحراره وحطت لي السماعه على صدري
شافت دقات قلبي سريعه مررره حتى هي خافت ودخلتني على الدكتور بسرعه مع أنه كان قبلي ناس
وشافني الدكتور وقال لازم نعمل لك تخطيط قلب نمت على السرير وجاتني الممرضه وحطت لي جهاز التخطيط
وبعدها بشوي تجي وتقول لنا أسفين بنتعبكم معانا والجهاز مافيه أوراق تخيلو عاد مستشفى كبير
مافيه اوراق تخطيط المهم تجيب جهاز ثاني أكل منه الدهر مااكل شكله مقربع وخربان
وحطته على صدري وبعدين في دقايق طلعت لي الورقه وعطتها حماتي
وقالت لها وديها للدكتور وهو ماتعب نفسه وجاني قال خليها تجي لي المكتب
أنه هنا ماقدرت أقوم حاولت معاي حماتي تقومني ماقدرت غبت عن الوعي قبلها حسيت
بأنامل يدي ورجولي تتخدر وصارو باردين وحماتي قامت تصارخ تعالو شوفوها وتنادي الدكتور بس عمك أصمخ
يقول مافيها شي خلاص خل تقوم من السرير في مريض ثاني يحتاجه طيب وأنا والحاله الي فيها والله يبنات
زارني الموت وصرت اتشهد وحماتي تصيح وتبي تشيلني عشان توديني مستشفى ثاني مو قادره
أخيرا تكرمت وحده من الممرضات وشالتني معاها وركبتني السياره بالموت وأنا مو حاسه بشي
راح لأقرب مستشفى للمركزي وطلع الدكتور لبرى وقاس النبضات قال لاء لازم مستشفى كبير ماعندنا أجهزه
وأمكانيات قاله حماي تونا وديناها المركزي ماسوو لها شي ووداني مستشفى ثاني ونفس الكلام وأنا بين الحياة والموت وأوصي على عيالي ونفسي ضايق مرررررره وجسمي خار وماأحس فيه المهم رحنا للمستشفى الرابع
مستشفى المانع ماشاء الله لو تشوفون الأهتمام طلع لي الدكتور لين برى ومعاه ثلاث ممرضات وشالوني
وودوني داخل وحط لي أوكسجين وجهاز النبض وغزني أبره ومغذي وبعدها شوي شوي يرجع لي الوعي
وجاني وقال لي وين تحسين الألم وقلت له حراره في صدري وجسمي منمل قالي نبضاتك صارت طبيعيه نوعا ما
وحرارتك مره مرتفعه يمكن هي الي مسببه لك اللخبطه بس لازم تجين العياده يشوفك دكتور القلب عشان تتطمنين المهم رحت البيت والحاله على ماهي دقات قلبي تصير سريعه وبعدها بدقيقه تنتظم وهاذا حالي من هذاك اليوم لين اليوم حتى لدرجة وأنا نايمه أنقلب للجنب الثاني يدق بسرعه كأني مسويه مجهود
ماأدري من أيش هالحاله وبيني وبينكم خايفه أروح المستشفى مره ثانيه وزوجي مو معاي
أخاف أموت وهو مو يمي والله حالتي حاله وماأدري شنو فيني بالضبط
أسفه حبايبي طولت عليكم بس حبيت أقول لكم الي صار لي بالتفصيل يمكن وحده قد مرت عليها بهالأعراض وتطمني