- هذي أول مرة أكتب موضوع من اجتهادي أوتجميعي .. وطبعا مافي منتدى يستاهل زي هالمنتدى اللي فادني كثير..
- في الأول أحب اعرفكم عن نفسي طالبة علم نفس في السنوات الأخيرة في جامعة الملك عبد العزيز .. أم لطفل عمره 5شهور(اسمه أمير الله يحفظلي اياه ولايحرمني منه) ..
- كثير من المواضيع حبيت اكتبها .. لكن اخترت هذا الموضوع لأني اشوف كثير يعانو منه.. واذا اتقبلتوه طبعا ممكن انزل مشكلات ثانية ..
مشكلتنا اليوم اللي هي طبعا (وقت النوووووووووووووووووم .. صعوبااااااااااااااات كبرى)
(لاتنصدمي من طول الموضوع اقرئي رؤوس الأقلام واذا مافهمتيها اقرئي اللي تحتها)..
نبدأ بسم الله الرحمن الرحيم..
بالنسبة للأطفال تتحول بعض الأحيان ساعة النوم أو القيلولة الى عملية مطاردة أو نوبة بكاء أو تأجيل وقت النوم بأي طريقة (قصة-موية- حمااااام-أبغى آكل.........) أي شي ينسي الأم وقت النوم..
مهما كان الوقت اللي يعتقده الطفل انه مناسب للنوم >>>> عليك ان تكوني صارمة في اختيارك انت للوقت المناسب للنوم..
ملااااااااااااااااااحظة..... حاجة طفلك للنوم تتغير مع تقدمه في العمر , يمكنك ان تؤخري ساعة نومه أو ان تسمحي له بقيلولة أقصر كلما صار أكبر.. وكل طفل له احتياج للنوم خاص (يعني لاتقولي اكيد زي اخوه يوم كان في عمره)..
#الاجراءات الوقائية:-
(اللي لازم تتبعيها أو جزء منها عشان لايتعبك في النوم ) وهذي لكل الأمهات..
1- خصصي جلسة خاصة مع الطفل ساعة نومه..
مثلا .. اقرئي له قصة أو انشدي له أو احكي له ايش سويتي اليوم اجعلي من النوم حدثا خاصا ينتظره طفلك بكل سرور..
صوره مخالفه (0الاشراف))
2- عودي طفلك على القيام بتمارين رياضية يوميا..
تذكري ان الجسم المتعب يذكر العقل بضرورة الذهاب للسرير والنوم..
3- اجعلي قيلولة طفلك قصيرة..
4- شاركي طفلك ببعض النشاطات قبل النوم..
العبي مع طفلك قبل ان تعلني له عن موعد الذهاب للسرير ..عشان لا تدفعيه للمقاومة لهدف بسيط وهو لفت انتباهك..
((صوره مخالفه)) الاشراف
5- اجعليه ينام دائما في الساعة ذاتها..
وهذي من أهم الاجراءات ..في البداية راقبي نومه وشوفي كم ساعة يحتاج ينام وايش الفرق لو نام القيلولة..
#الاجراءات العلاجية:-
*ماينبغي عليك فعله..
( اللي لازم تسويه وهذا للأمهات اللي أوقات النوم عند ولدها من جد صعوووووووبات)
1- مارسي لعبة السباق مع عقارب الساعة..
الطريقة: قبل ساعة من موعد النوم أو القيلولة , اضبطي الساعة المنبهة بحيث تدق بعد 5 دقائق..
ذلك يسمح للطفل بأن يتوقع ما سيحدث.وعندما تدق الساعة أعيدي ضبطها بحيث تدق بعد 15 دقيقة..
(الـ 5 دقايق هذي استعداد لأنه يقوم ويترك اللي في ايده..والـ 15 دقيقة بدء التحضيرات الخاصة بالنوم)
اتركي الطفل يتصرف لوحده اذا كان قادر على ذلك.
(الاغتسال,لبس البيجاما,تفريش الأسنان,الذهاب للحمام,شرب مويه أو عصير.......الخ)
اذا انهى كل ذلك قبل لا تدق الساعة فبإمكانه أن يبقى خارج السرير وأن يلعب وحده طيلة الـ 40 دقيقة المتبقية..
أما اذا لم ينته فلا تحرموه من أي شئ بل ضعوه بكل بساطة في السرير..
2- تقيدوا بطقوس النوم أيا كانت الساعة..
يعني اذا تأخرتوا عن ساعة النوم لأي سبب .. عليك دائما التقيد بطقوس النوم (اللي دايما تعمليها مع طفلك قبل النوم)
لاتنسي ضبط الساعة بدل الساعة(60 دقيقة حطيها 30 دقيقة)
لاتتحدثي عن تأخر الوقت بل سرعي التحضيرات بمساعدة طفلك مثلا لبسيه البيجاما ,جيبي له كاسة المويه..
3- تقيدي بترتيب التحضيرات..
يعني أول يغتسل ثم يفرش أسنانه ثم يلبس البيجاما.......الخ كل مساء.. وذلك لتتحول تحضيرات النوم للعبة مسلية ثم دعي الطفل يقود هذه اللعبة بنفسه..
4- قدمي له مكافأة اذا سبق عقارب الساعة..
لاتبالغي في الهدية .. خليها بسيطة مثلا: (تصرفت بشكل جيد أمس .. عشان كذا راح اقوم بتحضير فطورك المفضل..أو راح اقرأ لك القصة اللي تحبها .. أو العب معاك اللعبة اللي تحبها)
*ماينبغي تجنبه..
1- لاتدعي الطفل يقرر موعد نومه بنفسه..
حتى لو بكي تذكري(انه يبكي بكل بساطة لأنه مايبغى يوقف لعب .. لكن أنا أعرف انو حيستمتع كثير باللعب بعدين اذا راح الآن ينام)
2- تجنبوا التهديد والضرب..
غير انو انتي اللي راح يصيبك الغم والغثيان والشعور بالذنب.. هو راح يكون فريسة للكوابيس والمخاوف..
3- لاتذكروا الطفل بأخطاؤه..
لاتخليه يدفع الثمن لانه مارضي ينام في الوقت المحدد ببساطة ارجعي للسباق مع عقارب الساعة حتى يتقيد بهذا النظام بشكل طبيعي..
وفي النهاية أتمنى لأطفالكم نوم هانئ وأحلام سعيدة..
- اذا لقيت تجاوب في الموضوع راح انزل (الأطفال اللي يصحو في الليل) و (أهم الوسائل العملية لحل مشكلة النوم) لأني بصراحة تعبت 5 ساعات على الموضوع..
اكثر من رااائع ماشاء الله عليك
ننتظر المززيد والمزززيد