السعودية - الرياض
معلمة في وادي لبن
لمتابعة المرحلة الابتدائية والمتوسطة لجميع المواد
              

السعودية - الرياض
معلمة في وادي لبن
لمتابعة المرحلة الابتدائية والمتوسطة لجميع المواد
إضافة رد
 
أدوات الموضوع انواع عرض الموضوع
قديم 17-05-1431 هـ, 06:56 صباحاً   #1
أم ثابت

عضوة فعالة
 
تاريخ التسجيل: 24-09-1423 هـ
المشاركات: 707


أول دورة بعد النفاس .. أرشدوني ماذا أفعل؟

السلام عليكم ورحمة الله
أخواتي
بغيت أستشيركم وأستفيد من تجاربكم لأني بكرية ولما سألت خواتي صارت كل وحدة حالتها تختلف عن الثانية فقلت لعلي ألقى عندكم من مر بنفس تجربتي
أنا الحين مر على ولادتي شهر ونصف ولله الحمد
بدأ الدم يخف وشبه انقطع وأنا ما خلصت الشهر فتوقعته طهر وفرحت مع أني كنت أستخدم الخلطة اللي سبق وكتبت في أحد ردودي عنها وهذا ما كتبته ( نقلته هنا عشان تتضح الصورة )

****************************** ******

مكوناتها:
كاس ماش - نصف كاس شمر - نصف كاس حلبة ( استخدمت حلبة خفيفة الرائحة اشتراها لنا أخي لكن ما أدري من وين؟ ) - ربع كاس كمون - ربع كاس فلفل أبيض -ربع كاس حبة سوداء - ربع كاس فلفل أسود
** أخذت الخلطة من موضوع هنا بالمنتدى كانت صاحبته تمدح فيها وتقول أنها اللهوم اللي يبيعونه بعض التاجرات
وأنها ممتازة للهواء وللتضييق والتنشيف وهالحركات
تقول اطحنيها بعدين تصيرين تاخذين ملعقة منها في كاس حليب دافي على الريق


نجي الحين لتجربتي معاها
صراحة كانت حاااااااااارة بشكل بسبب كمية الفلفل الموجود الأبيض والأسود على الرغم أني قللت من كميتهم بخلطتي !!
تحملت حرارتها على أساس الفائدة اللي أنتظرها
استمريت عليها حوالي 15 يوم
لكن توقفت عنها لخاطر البيبي !!!!!!!!!
لأنها تسبب لي غازات بالبطن لكن ما تألم كثير لوجود الكمون على ما أظن
لكن لما أرضع البيبي طبيعي
صار يتعب بقوووة ويجيه مغص شديد وغازات ببطنه قوية
خواتي نبهوني أنه من الفلفل الي آكله
فآثرته على نفسي ووقفت عنها لخاطره
عشان كذا ما أدري النتيجة عني مو واضحة
الحين أنا بآخر نفاسي لكن النتيجة لحد الآن !
التضويق ما أحس به بالعكس أحس أني الحين وسيعة !
البشرة تحسنت شوي عن أول
السمنة زادت شوي
أما الإمساك - معاناتي المؤلمة من قبل الحمل - ما خف أبدا لأن الحليب أصلا يزيد الامساك عندي لكن مو كل الأجسام مثل بعض !!
والله أعلم هل هو من الخلطة أو لا؟؟

و فيه طريقة حلوة أخذتها من وحدة من قريباتي وأحس أنها أفادتني كثير
قبل الولادة جهزتها بالثلاجة

تمر معجون - شوي سمنة - قليل من الأشياء التالية ( زنجبيل - حبة سوداء غير مطحونة - كمون - فلفل أسود وأبيض - قليل جدا - قليل من الحلبة والمحلب )
وضعتهم بالمكرويف ليلين التمر ثم خلطتهم مع بعض وسويت منهم كور صغيرة بحجم التمرة السكري تقريبا 35 حبة وصفيتهم بصحن بلاستك وحطيتهم بالثلاجة
من أول نفاسي أطلع حبة بالليل عشان تلين شوي والفجر آكلها وأشرب معها حليب ساخن محلى بالعسل ( مخلوط معه ملعقة من خلطتي المكتوبة هنا )

بإمكانك تسوي الطريقة لأنها أكيد مفيدة ومريحة مع الحليب بدون خلطة والأفضل طبعا تحلي الحليب بالعسل الطبيعي

****************************** ********8
هذا ردي وأنا لازلت بالنفاس
المهم أرجع للموضوع
لما توقف الدم عني قبل تمام الشهر قلت خليني أتأكد من الطهر قبل أغتسل وأصلي
تبخرت بكمون وقشر بصل وخواجوا ومرة
كررتها مرتين على ما أظن
نزل شيء بسيط
وبعدها بكم يوم تفاجأت بآلام مثل الدورة بأسفل البطن والظهر
بدأت معي من العصر حتى بعد المغرب ثم تفاجأت بنزول قطعة كبيرة قاسية نوعا ما ولزجة ولونها بني تقريبا ومعها سيلان دم بشكل غريب لدرجة كنت واقفة مع إحدى الضيوف عندنا وحسيت بالشيء ينزل معي فجأة وانحرجت ورحت أمشي بشويش على دورة المياه - الله يكرمكم - وهناك شفت العجب !!
حاولت أسترخي بعدها وكانت نفسيتي تعبانة وخاااااايفة من اللي حصل لي
رجع الدم ينزل معي كم يوم بعدها لكن مو كثير ( مثل الدورة العادية أو أقل )
بعدها خف ثم انقطع تماما بعدما كملت 34 يوم تقريبا
تبخرت خلالها مرتين غير المرتين الأولى ولما تأكدت من طهري اغتسلت وصرت أصلي
خلصت نفاسي بحمدالله وأموري تمام
قدر ربي ظروف علينا وتأخرت ما رجعت لزوجي إلا بعد الأربعين بثلاثة أيام
بالليلة الأولى واللي بعدها تعبت مع طفلي ولا صار لي مع زوجي أي لقاء
الليلة الثانية أو الثالثة كنت راجعة من زيارة أقارب زوجي وتفاجأت بمثل الكدرة لونها على بني ولزجة
انتظرت للفجر وحصلت نقط دم بسيطة ( ما تبان لي إلا لما أستخدم المنديل )
قلت ربما دورة ( وسبحان الله موعدها بنصف الشهر نفس موعد دورتي قبل الحمل !! )
الصباح نفس الشيء حاجة بسيييييييييييييطة لا تذكر
العصر بدأ معي مثل ألم الدورة على ظهري وخمول ونفسي مسدودة والدم لازال خفيييييف
لكن نزلت حاجة مثل ما نزل معي بالنفاس لكن صغييييرة ( بني لونها ولزجة نوعا ما )
طبعا حاولت أشرب سوائل حارة مثل اليانسون والقهوة وألبس بنطلون وشراب وأرتاح
واليوم هو الثاني
شربت على الريق حليب دافي مع زنجبيل ومحلى بالعسل
ولازال الدم خفيييييييييييييييف ولا كأنه دم أصلا والألم بظهري خفيف

والحين أكتب لكم أبغى شوركم علي
هل هي فعلا دورة؟؟؟
وليه كذا تنزل مع أن دورتي كانت قبل الحمل تتعبني باليومين الأولات وتنزل بقوة ثم تصير تخف تدريجيا
لكن الحين الوضع مختلف !!

أيش أسوي؟؟
أيش آكل ؟؟
وهل أستخدم تحاميل البوثيل لأني اشتريتها بآخر نفاسي وكان بخاطري أستخدمها للتنظيف لكن ما فتحتها
( طبعا خليت قريبتي تسأل نفس طبيبتي اللي كنت أراجع عندها بالحمل عن التحاميل ومدحتها لي )
هل أستخدم التحاميل الآن ؟؟ ومتى بالضبط؟؟

أدري أني طولت عليكم لكن كتبت التفاصيل عشان تتضح الصورة أمامكم ..
ساعدوني بخبرتكم الله يجزاكم كل خير



ربنا آتنا من لدنك رحمة هيئ لنا من أمرنا رشدا
أم ثابت غير متواجد حالياً رد مع اقتباس إرسال الموضوع إلى الفيس بوك إرسال الموضوع إلى تويتر




17-05-1431 هـ, 07:03 صباحاً
#2
ياقلبي عليكي بالنسبة للخلطات ماأعرف ولاعندي خلفية

لكن سمعت ان الرضاعة تخفف الدورة لكن من وصفك للدورة مبين انك مانظفتي زين لآنه متقطع نفاسك

والعلاج مبين انه ياخذ مفعوله بدليل الي ينزل معاك وانتي أستمري على علاجات النفاس بالدورة


توقيع
رد مع اقتباس
pink fo0ofo0o غير متواجد حالياً  



17-05-1431 هـ, 07:29 صباحاً
#3
كأنك تتكلمين عني<<<<...
انتظر معك...الفائده...


توقيع



ربي سهل أمري
رد مع اقتباس
jana1423 غير متواجد حالياً  



17-05-1431 هـ, 10:23 صباحاً
#4
ما نظفت زين !!
طيب واهتمامي أثناء النفاس والكبو اللي عملته أربع مرات أو خمس ما فادني ؟؟؟
الله المستعان
أنتظر نصائحكم


رد مع اقتباس
أم ثابت غير متواجد حالياً  



17-05-1431 هـ, 12:12 مساءً
#6
كلنا بالهوى سوى انا لي شهر ونص وللحين فيه دم خفيف والله انه طفشني حتى اني ماعاد اهتم طفح الكيل


توقيع


رد مع اقتباس
املي كبير متواجد حالياً  



17-05-1431 هـ, 12:51 مساءً
#7
وين الأخوات ذوات التجربة؟؟
أنتظررررررررررركم على أحر من الجمر
ما أدري أيش أفعل؟؟
فكرت أزور طبيبتي لكن أيش بتقول يعني؟
ما يتضح من كشف ولا شيء أيش الحالة بالضبط؟
هي دورة؟؟
أو مجرد استحاضة؟؟
هل تركي للصلاة من ليلتين صحيح أم خطأ ؟؟
أيش أشرب عشان تنزل مضبوط وأرتاح؟
على العلم أني أرضع بشكل خفيف جدا يعني مرة واحدة باليوم فقط لأن حليبي قليل وأنتظره يتجمع لطفلي !!
يعني ماكو رضاعة بتأثر !


رد مع اقتباس
أم ثابت غير متواجد حالياً  



17-05-1431 هـ, 01:45 مساءً
#8
أرفع لعلي أحصل على إجابات شافية !
أختكم همسة وفاء في انتظاركم فلا تحرموها تعاونكم المعتاد


رد مع اقتباس
أم ثابت غير متواجد حالياً  



17-05-1431 هـ, 06:42 مساءً
#9
الحمدلله
تأكدت أنها دورة لأن الألم زاد معي وبدأ الدم ينزل لكن مو مثل دورتي قبل الحمل
الدم قليل
لكن ارتحت لأني عرفت أنها حيض مو استحاضة
وأتوقع أن حالتي النفسية هي السبب في اللي صار لي لأني كنت أمر بظروف أتعبت نفسيتي شوي الأيام الماضية

سؤالي الحين كيف أهتم بنفسي مثل ما يقولو أن أول دورة بعد النفاس مثل النفاس تماما ؟؟
يعني بالأكل أو كيف؟؟
ومتى أستخدم التحاميل؟؟
وهل لازم أسوي كبو ؟؟
أنتظر نصائحكم


رد مع اقتباس
أم ثابت غير متواجد حالياً  



17-05-1431 هـ, 08:07 مساءً
#10
رفع لعيونك


توقيع


اللهم تمم حملي ع خيرر وآرزقني طفل معافى في كامل خلقته

رد مع اقتباس
حلاوتي بشقاوتي غير متواجد حالياً  



إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع


الساعة الآن 01:16 .