08-05-1431 هـ, 10:36 صباحاً


صباحكم ومساكم خير وسعاده


من أول أيام هالشهر الجمادى الأولى وأنا أبي انزل الموضوع , ومحتاره كيف أكتب لكم تجربتي في نظام السعرات وأنا باقي مانقصت عليه
بس كنت بأكتب تجربتي من ناحية الراحة النفسيه المطلقه ولله الحمد /
وهالحين اكتب لكم الموضوع بعد ما مر أسبوع وأنا أتبع هالنظام
وأقول لكم ولله الحمد إني نقصت عليه 2 كيلو من وزني , ماشا الله ربي يتمم لي وأنقص كمان !



وهالحين أتمنى إني أخدم بنات حواء
لأني عانيت كثير وأنا أجمع السعرات للمنتجات المختلفه , وكنت أتمنى أحد يتابعني : ( لأن امكن ما أحسبها زين !
المهم /
راح أساعد كل وحده تبي تطبق هالنظام في حساب سعراتها !
وإن شاء الله باقي البنات كمان مايقصرون , بحيث يكون هالرجيم هو نظام حياتنا للأبد بإذن الله

هذا الرابط يساعدك في معرفة السعرات المناسبه لجسمك !
http://www.alexdoctor.net/calculator...aloryneed.html


وكل وحده تعرف إن هالنظام يعتمد على معادلة هي جسمك كم يبي له وكم يحرق من سعرات عشان تنقصي من الكيلوات


أنا تحت خدمتكم راح أتابع كل وحده تبي تعتمد هالنظام في حياتها مو بس رجيمها

لكن أتمنى يكون لها تواجد يومي وتبشرنا بنهاية كل أسبوع كم نقصت من وزنها !


وربي يحفظكم ويقويني على خدمتكم
08-05-1431 هـ, 10:58 صباحاً
هلا اختي يسعدني اكون اول وحدة ترد عليكي وانا متبعة النظام من شهرين ونص ونقصت بفضل الله 12 كيلو ومرات احتار كم سعر حراري فبعض الاشياء واحاول اقدرها تقدير وازيد شوي للاحتياط وباذن الله بتابع معاكي ربي يسعدك
اذا رايتي توقيعي فادعي لي بان يهديني الله ويجعلني كما يحب ويرضى


08-05-1431 هـ, 11:01 صباحاً
ممكن تحسبيلي كم في فنجان نسكافيه و3 ملاعق حليب خالي الدسم وبيضة وبياض بيضة وملعقتين جبنة فيتا وقبضة يد من الجرجير وحبتين تمر وفنجان قهوة معلش تعبتك معي
اذا رايتي توقيعي فادعي لي بان يهديني الله ويجعلني كما يحب ويرضى


08-05-1431 هـ, 11:26 صباحاً
هلين حبيبتي بالنسبه لي
الفطور شريحة شابوره بر كوب حليب قليل الدسم مع ملعقة سكر ونسكافيه


الغداء صحن سلته صغير وربع دجاج ونصف خبز بر وملعقة زبادي
وبعض الايام استبدل الدجاج بالتونه او 3 ملاعق فول طبعامع السفن دايت


العشاء
شريحة توست مع تونه واحينا بياض بيض والا كوب حليب مع ملعقة سكر ونسكافيه وشريحة توست
08-05-1431 هـ, 12:50 مساءً
اهلين اختي

الله يجزاك خير

عندي اسئلة لو سمحتي

كم كنتي تاخذين سعرة باليوم ؟

وهل كنتي تمارسين المشي ؟
وابي اسألك عن جورمية دجاج ساندوش من ماكدونالدز كم فيها سعرة ؟
(حسبنا الله سيؤتينا الله من فضله إنا إلى الله راغبون)
[IMG][/IMG]
08-05-1431 هـ, 12:54 مساءً
حبيبتي انا طلع لي السعرات بالجدول 1900

كم تصير عشان انقص 2 كيلو بالاسبوع

مع مشي ساعة

وزني 68 يعطيك الف عافية
(حسبنا الله سيؤتينا الله من فضله إنا إلى الله راغبون)
[IMG][/IMG]
08-05-1431 هـ, 03:11 مساءً
اقتباس مشاركة  (whiteflowerreem)
هلا اختي يسعدني اكون اول وحدة ترد عليكي وانا متبعة النظام من شهرين ونص ونقصت بفضل الله 12 كيلو ومرات احتار كم سعر حراري فبعض الاشياء واحاول اقدرها تقدير وازيد شوي للاحتياط وباذن الله بتابع معاكي ربي يسعدك
هلا حبيبتي
ماشا الله تبارك الله مستوى نقصانك ممتاز , وأهم حاجه إنه حتى لو زدتي في عدد السعرات باللي نسمية يوم مفتوح
تلاقي إن وزنك مايتغير يبقى ثابت تمام وهذا أحلى شيء بهذا النظام ..
إن شا الله أظلني أتابعك ويبقى أهم شيء لو عندك أي سؤال لاتترددي تحطيه هنا !



اقتباس مشاركة  (whiteflowerreem)
ممكن تحسبيلي كم في فنجان نسكافيه و3 ملاعق حليب خالي الدسم وبيضة وبياض بيضة وملعقتين جبنة فيتا وقبضة يد من الجرجير وحبتين تمر وفنجان قهوة معلش تعبتك معي
شوفي ياقمر
الحليب على حسب هو قليل الدسم ولا منزوع ولا وشو !
إذا قليل الدسم فكوب واحد = 102 + ملعقة نسكافه 5 = 107
أما كامل الدسم فكوب واحد = 150 + 5 = 155

البيضه كامله = 79 وبياض البيضه = 17

الجرجير حزمه كامله = 2 يعني كلي قد ماتقدري مافيه سعرات كثير
التمره الحبه الوحده = 25 يعني حبتين بـ 50 كالوري القهوة سعراتها على حسب مكوناتها

ومعليش تعبك راحه ياقمر
المهم إنك تحافظي على سعراتك بمايناسب طولك ووزنكّ






اقتباس مشاركة  (راماااااااااا)
هلين حبيبتي بالنسبه لي
الفطور شريحة شابوره بر كوب حليب قليل الدسم مع ملعقة سكر ونسكافيه


الغداء صحن سلته صغير وربع دجاج ونصف خبز بر وملعقة زبادي
وبعض الايام استبدل الدجاج بالتونه او 3 ملاعق فول طبعامع السفن دايت


العشاء
شريحة توست مع تونه واحينا بياض بيض والا كوب حليب مع ملعقة سكر ونسكافيه وشريحة توست


هلا قلبي يارب تشوفي الصحه والرشاقه بحياتكّ
بالنسبه لفطورك = 44+102+20+5 = 171
الغداء فصلت لك فيه /
السلطه على حسب مكوناتها بس مايهم لأن سعراتها بسرعه تنحرق وتكون قليله مره
ربع صدر الدجاج = 71
نصف الخبز البر =110
الزبادي كامل خالي الدسم 44 لكل 100 جرام فإنتي اخذتي ملعقه نقول 100 جرام = 7 ملاعق الناتج = 14
سمك تونة معلب بالزيت= 169 بدون زيت = 104
3 ملاعق فول " الباقلاء " كل ملعقه بـ 26 ×3= 78
السفن دايت الكوب فيه 1 كالوري / العلبه كامله = 3 كالوري
المجموع = 378 سعرة حراريه

العشاء /
توست =62
تونه مثل ماقلت لك "معلب بالزيت= 169 بدون زيت = 104"
بياض بيض = 17
كوب حليب بالنسكافه والسكر = 127
المجموع = 310

واخيرا مجموع كـل سعراتكّ = 859 كالوري ممتـــــــــاز جداً

08-05-1431 هـ, 03:11 مساءً
هلا بك اختي
انا طولي 154 ووزني 90
كم احتاج من سعره
وهل يكفي 3 ايام بلاسبوع مشي مدة نص ساعه
موفقه وان شالله كل يوم اجي يمكم هينا
ترى مادبر شي موليه
08-05-1431 هـ, 03:20 مساءً
اقتباس مشاركة  (**بطاطس بالشطة**)
اهلين اختي

الله يجزاك خير

عندي اسئلة لو سمحتي

كم كنتي تاخذين سعرة باليوم ؟

وهل كنتي تمارسين المشي ؟
وابي اسألك عن جورمية دجاج ساندوش من ماكدونالدز كم فيها سعرة ؟


الله يوفقك ياقمر
انا كنت اخذ 800 كالوري وأمشي ساعه مشي سريع
بالنسبه للأكلات الجاهزة فـ تقدري تسألي صاحب المطعم وخاصة لما يكون مثل ماكدونالدز عندهم قائمه
بالسعرات الحراريه لوجباتهم .. لكن سبق انا سألت واخذت القائمه وراح افيدك فيها ياعسل

بالنسبه لهالوجبه = 500 إذا مع التشكن فيليه جبن , واذا بدون الجبن والمايونيز راح يكون 367 كالوري تقريباً

اقتباس مشاركة  (**بطاطس بالشطة**)
حبيبتي انا طلع لي السعرات بالجدول 1900

كم تصير عشان انقص 2 كيلو بالاسبوع

مع مشي ساعة

وزني 68 يعطيك الف عافية
نقصي من سعراتك 700 سعره حراريه
يصير كل نهاية الاسبوع نقصتي 7000 كالوري
ومن المعروف الكيلو الواحد = 7000 كالوري يعني تنقصي من 1 كيلو إلى 1 ونصف
هذا لما تنقصيها من أكلك , ولو حصل وكمان بذلتي مجهود مثلا مشي ساعه كامله بسرعه
راح تحرقي تقريبا 400 سعره حراريه وبيدك كذا تكوني ناقصه 1100 كالوري وان شا الله بكذا تنقصي 2 كيلو

ربي يحفظك حافظي على الرياضه وان شا الله تنحفي على خير
08-05-1431 هـ, 03:29 مساءً
ماشاء الله عليك

الله يجزاك الجنة
زينـة الدنيــآ [ بنــآتي ]


الساعة الآن 10:22 .

جميع الحقوق محفوظة - عالم حواء - 2015