شغالتي الفلبينية ورسالتهاوحيرتي معها

السلام عليكم
كيف احوالكم
ارجوكم ساعدوني وفكو من حيرتي مع هالشغالة الله ييسر اموركم

بداية انا حرمة تعبانة وما اقدر اقوم في بيتي لظروف صحية آمل من الله ييسر لي الخير ويلبسني العافيه والصحة

طبعا جتني وبديتة معها بداية حلوة وعلمتها حبة حبة
وكل شوي تقلي كل يوم
كل اسبوع
ليه مدري ايش
وتنام ثمان ونص
تقوم من الصبح تطق علي الباب ابي اكل ابي فطور ابغى رز بيض نسكافيه
قلت لها لازم تشتغلي صح لازم تنظيف والنوم عشرة والصباح 8الساعة تصحي وتبدي شغل
واذن طين والتانية عجين
المهم 8ايام اضربت عن العمل هي جت السبت رد الاسبوع رفضت العمل وتبغى تروح
اقنعتا
بس الا مشتاقة لزوجها ومدري ايش

وديتها للمكتب

وفتشتها وكل حاجة

ولما راحت مدري ايش قالو لها ورجعت وقالت اخر مرة

وبعد اسبوعين بدت تخرب اولا حرقت المكنسة حربت الحمام تكسر وتقول مدري بعدين بعد اسبوعين اضربت عن العمل وقالت تعبانه جنبي يوجعني ومعاي اسهال ومدري الف شغلة

وديتها المكتب واتكلمو معاها ورجعت لي والله ما ني طايقتها ابدن تخيلو تدخل المطبخ تاخد اكل وانا اشتغل ما تقول استحي كدا لا ابدن تتكلم معاي تعبانة مدري ايش

ورحت زرت اختي جالسة عند التلفزيون ما تحركت لما قلت عيب اشتغلي غسلت شوي وسدت المجلي ربي يتكفل بيها

وقالت انها تعبانة وما وديناها للمستشفى وانها ما نديها رز وما نريحها ومدري ايش

اخدتها للمستشفى وحللتها وكشفت عليها وكلو سليم ووقفتها عند الباب وحلفتها لو مرة تانية عملتها ما اسامحها ابدن وووعدتني تنعدل

وبعد فترة من شهر قالت انها تزحلقت بالحمام وانها محتاجه اهلها يمسجوها او خبير مساج حلوها عاد

وقامت تنافخ وتلافط وتعمل حركات ولما مليت كلمتها انا واختي تعالي اشتغلي سوي عدلي ما كلمتني والتفتت عني وما رضيت حتى تجي او تشيل حاجة وكنت عند امي رجعت البيت وسيدا على غرفتها ولا شي سوتو

قمت قفلت الباب اللي يبننا لانو نظراتها كلها شر وخفت على ولدي وبنتي

وصرت احط اكلها وشربها واقفل الباب ولما اتركو تدخل علي وتجلس تصارخ وتتكلم ابغى مساج زوجي بنتي دكتور

وانا كل ما اكلم المكتب يقولو لسى لازم 45يوم تعدي عشان تتاقلم

ومالنا حق نرجعها

وهبلتني لدرجة يوم دخلت غرفتي وقفلتها ومعاي اولادي وسبت لها الباب عشان تاكل وتطبخ براحتها لا يواخذنا ربي قامت تطق الباب وتقول كلام مو عارفة ايش

وبعد عشر ايام

طقت الباب قالت ابغى اشتغل وصارت تشتغل

مو اللي اقلها لا على كيفها

استغربت مرة وبدت تتحسن مرة وبعد 3 ايام قالت باكلم اهلي

ومن بعدها قلبت عسل

وانا صرت اقلها اشتغلي كدا وكدا

والاشياء اللي ترفضها امتها فيها زي انو تعيد الشغل الغلط وهذا مستحيل عندها وصارت تعيد عادي


وبعدين ارسلت هادي الرساله


Elow mzta kau jn lht!c alaisa dbun bdsasakit sakit?sna kht wla me jn punta u rn
kela ina ah!plge kaung mg iingat c tabai2.mghntay lng kau n alaisa akoy babalik wlng susuko plgeng hwk kmy ako kht nbabadrip me kc wla me suweldo sa 1month tintiis ko.ikmzta u nlng me kela ina wht ang adres s pilipne kng mgpdla ng sulat mgsulat sna me peo d me alm ang adres txtbck..





انا خايفة منها انها تمضي 3 شهور بعدين ترجع للحركات والصراخ والهواش

وكرهتها موت من عدة اشياء

كذبها
صراخها
كل ما قلت شي قالت العقد مافي كدا
الحاحها على المكالمات على حسابي
ما تسمع الكلام


وزوجي يقول هادي هي انصلحت نسيبها وسامحيها وهي تتعدل وصارت كويسة وانا ما اطيقها




هل انا غلط او صح ورايكم ولو وحدة تترجم لي الرسالة اكون لها شاكرة