أول شي هذي صوره للصينيه عشان تتحمسون للطريقه:42:
نبدأ بسم الله
اول شي نجهز الشعيريه نكسرها في قدر ونحمسها مع شوية زيت لما يتغير لونها
بعدها نضيف عليها ماي وملح ونخليها لما تستوي بعدها نصفيها
نخليها على جنب ونبدا نجهز خلطة الدجاج
نكشن البصل
ونضيف له فليفله وثوم وخضار مجمده
نضيف جزر مبشور
نضيف عليهم الملح وبهارات مشكله ونقصر عليهم نخليهم يتسبكون شوي
يتبع
بعد مايستوي الدجاج نضيفه على الكشنه ونحتفظ بالماي حقه عشان الرز
نضيف الشعيريه
ونحركهم سوا ونرجع نوطي النار ونخليهم
نجي للرز
نغسل مقدار الرز اللي نبيه وننقعه
نحط في قدر شوية سمنه ( ممكن زيت بس السمنه اطعم او الزبده )
ونحط معاه بهارات مو مطحونه ( ورق غار فلفل اسود هييل مسمار دارسين اللي عندك )
ونحركهم لحد ماتحمى السمنه وتطلع ريحة البهارات
بعدها نضيف الرز عليه ونقلبه لحد مايتغير شوي لونه
بعدها نصب عليه ماي الدجاج
ونخلي الرز يستوي عادي ونصفيه
بعد مايتوي نجهز الصينيه
نحط نص كمية الرز
وفوقه نحاول نحط بس الدجاج اللي بالخلطه مع شوي شعيريه
ونحط باقي الرز فوقه وبعدها الشعيريه
ونغلفها بقصدير وندخلها الفرن نص ساعه تقريبا
وهذا شكلها النهائي