12-04-1431 هـ, 06:52 مساءً
السلام عليكم ورحمة الله وبركاته
كيفكم يابنات
انا من متابعات هذا المنتدى ومتابعة كل ماهو جديد بعالم الشعر ولكن اتيقن بأني مااستخدم اي شي لان مو اي شي ينكتب يناسبني ولابد نحذر من المواد الكيميائية ونجربها ولو على جزء قليل باسفل الشعر لنشوف النتيجة
حكايتي مع علاج شعري الحالي
شعري كانفيه قشرة على طوووول ولو تبحثوا بموضوعي بتشوفون المشكلة واردة وماظل شي ماجربته حتى خل التفاح الي بدى يعطيني نتيجة سلبية في الفترة الاخبرة وهي تساقط الشعر
وشعري متقصف بالاسفل وبين فترة وفترة اقص شعري وصار خفيف والكل يقولي مع اني اهتم به لدرجة كبيرة
وجبهتي كانت شبه كبيرة
اتمنى كل من تقرا القصة تقول ماشاء الله
قصتي مع العلاج بدت من سافرت الى جدة لفترة الاختبارات الفصل الماضي لمدة 3 اسابيع متواصلة وزاد تساقط شعري بشكل ماتتوقعون نتيجة تغير الماء وصار جاف جاف وكانه ليفة مع انه ناعم وحطيت الكريمات والزيوت ومثل ماهو
صارت ارض الغرفة مليانة من الشعر الي يطيح واحيانا اخاف امشطه لتطيح هالشعرتين الي ظلت وشعرات نازلة ومتعلقة باسفل الشعر واضح انها بتطيح خلاص انمزعت من جذورها
ظليت اسبوعين على هالحال حتى جا بداية الاسبوع الثالث وماقدرت اتحمل غسلت شعري ومامشطته خفت كثيير ورحت لاقرب مشفى وهو مشفى المستقبل من الضغط النفسي الي فيني وتمنيت تكون دكتورة الي تكشف علي قالوا لي دكتور وكيف بكشف شعري عنده لكن قلت يالله ماعليه بعد علاج الرجال عندي افضل من الحريم
دخلت على الدكتور يابنااااااااات وانا متاملة ربي فيه وكشف على شعري وشافه صاير ليفه سالني عدة اسئلة
هل بتصبغين شعرك ؟؟؟؟ طبعا اخر مرة من خمس 5او 6 سنوات
هل بتستشورين شعرك ؟؟؟ طبعا بالمناسبات وعدد الاصابع ماتزيد عن 10 مرات بالسنة
هل ملستي شعرك ؟؟؟ لا ولاعمري لفت نظره ان شعري ليفة وقلت له ترى شعري ناعم ومن التساقط شوف حالته
وقال ان الضغوط كذلك عامل اساسي في التساقط حاولي ماتتعرضين لها
وشاف جبهتي شبه كبيرة ومسك شعر ومزعه شافه كيف ينمزع بسهولة وسالني اذا انا اشد شعري للخلف قلت لا مابشده ابدا
وقالي شعرك باين عليه مبهدل قلت في قلبي وين راح اهتمامي له
وكتبت لي على اكلات اواظب على اكلها ومهمة لصحة الشعر مثل
السبانخ والسلطة الخضراء وعصير الجوافة واللبن والتفاح والسمك
نجي الآن للعلاج



العلاج كان شامبو خاص للمحجبات واسمه active silk لونه رصاصي وعليه صورة امراة مرتدية حجاب والاستخدام يوم ويوم
امبولات اناستيم من ديكوراي anastim بستخدمها ليلة وليلة قبل النوم بدهن بيها شعري
وكمان فيتامين الزينك لكن كان معي وسالته عن فيتامين هيرفيت ومدحه لي كثير والآن انا بستخدمه

ولاتنسوا تذكرون الله في كل شي حتى وانتي تغسلين شعرك وتدهنينه

الفترة الي قضيتها بالعلاج إلى الآن شهر و 20 يوم


النتائج
شعري يابنات خف التساقط بكثيييير طبعا من رجعت للشرقية ورجعت للماء المعتاد عليه صار التساقط ومع العلاج كذلك لان شعري اساسا يتساقط من وانا بالشرقية وبجدة زاد اكثر
شعري طوووول يابنات الحمدالله قريب يوصل لنصف الظهر وكثف شعري والكل لاحظ عليه واختي تقولي انا ملاحظة ان جبهتش صغرت لاني لا بحط الانبولة على شعري بركز في الامام لان هي المنطقة الاخف وتحفزت على تكملة العلاج
القشرة خفت وماصرت اشتكي منها الحمدالله لك ياارب


امانة يابنات هذه قصتي وماحبيت اكتبها الا بعد ماشفت النتائج ولاول مرة احس بالعلاج الايجابي قولوا ماشاء الله لاني حبيت افيدكم وافيد كل من تعاني من التساقط انها تروح للدكتوور لان مهما حطيتي من زيوت او خلطات مو كل شي بجيب لك نتيجة مرضية غير لما تروحين لاخصائي لان فاض فيني الكيل
وكل من قرأت موضوعي تدعي بالزوج الصالح والذرية الصالحة وماتمر هالسنة من عمري الا وانا في حياة جديدة والله يسهل اموري ويغفر لوالديني وابرهم

وتحياتي لكم
12-04-1431 هـ, 07:07 مساءً
قلبو الله يحفظك اش اسم الدكتور اللي راجعتي عنه وفى منطقه محتاجته ضروري شعري بمره خربان
12-04-1431 هـ, 09:19 مساءً
موفقه يا عسل لكن اعطاك منعمات للشعر ولا لا
12-04-1431 هـ, 09:46 مساءً
ماشاء الله
12-04-1431 هـ, 10:35 مساءً
هلا بيكم حبايبي طبعا انا كاتبة اسم المستشفى هو مستشفى المستقبل
دكتور ايمن يداوم بالصباح
هو ماعطاني منعمات لان خبرني اني اراجعه مرة ثانية ولكن للاسف كنت بنزل الشرقية نهاية الاسبوع
وقالي اراجعه على الفصل الجديد اذا رحت للاختبارات عشان يشوف تطورات شعري
انا شعري ناعم لكن متقصف من الجفاف وبعد ماغسله اجففه وحط كريم وهو رطب يصير كويس
لكن التساقط صراحة خف بكثييييييييييييييييير يدوب لو بتطيح شعرتين باليوم بس
ووكثر شعري اهون من قبل والكل لاحظ
وسالته اذا عادي استخدم الزيوت قال عاادي طبيعي بس اهم شي العلاج امشي عليه
وتحياتي لكم بشعور احلى
14-05-1431 هـ, 01:03 صباحاً
a;vh\
شكرا


14-05-1431 هـ, 01:09 صباحاً
الله يشفيك ويعافيك وعقبال ماتشوفين شعرك في احسن حال
14-05-1431 هـ, 01:50 صباحاً
انتى من القطيف صح
الهم ارحم أبوي الغالي واسكنه فسيح جناتك وصبرنى يارب على غيابه توفيت ياعمري يوم 7/ 5/ 1432 هـ
(تدري وش اكثر ذكرى تكسر خاطرحنيني!!"يوم تهب ريحتك "وانت مفقود ياالغالي)
14-05-1431 هـ, 01:55 صباحاً
الف مبروك على النتيجه الحلوه الله يهنيك بشعرك وحياتك وعقبال منشوفك عروس *****الله انت وكل بنات المسلمين
14-05-1431 هـ, 01:56 صباحاً
وين المستقبل بأي حي تكفين انا من جده


يااااااااااااااااااارب لاتحرمني من كلمة ماما


الساعة الآن 07:35 .

جميع الحقوق محفوظة - عالم حواء - 2015