السلام عليـــــــكم ..
نبدأ بالطبخ ع طوول بدون مقدمات
طبختي اليوم روعه وراح تعجبك انا متاكده..
يكفي ريحتها الرهيبه ..
نبدأ بالمقادير وبالطريقه مره وحده
تجهزي تتبيلة اللحمه الاولى وهي
( ملح +بهارات +فلفل اسود+بابريكا او الفلفل الاحمر المطحون+هيل مطحون +
قرفه مطحونه +زنجبيل)كلهم ملعقه صغيره
وممكن تحذفي اللي تبيه وممكن تضيفي الي تبيه
تبلي اللحمه بالبهارات السابقه وخليها على جنب ونروح نجهز التتبيله الثانيه
بصل +كزبره +ماجي +طماطم+ثوم+عصير ليمونتين
كلهم حطيهم بالخلاط
جهزي صينيه كون حوافها عاليه شوي
غلفي الصينيه بقصدير << عشان ماتتعبك بالتنظيف
ورصي طبقه من الفلفل الرومي وبصل << انا ماحطيت بصل نسيت
ورصي اللحمه اللي تبلتيها بالبهارات
اللحمه هنا مو واضحه البهارات اللي عليها لان كمية اللحم كثيره وطفشت وانا اتبل
المهم تصبي فوق اللحمه التتبيله الثانيه اللي بالخلاط
وغطيها بالقصدير .. وحطيها بالفرن مولعه عليه من تحت
حطي الرف بالاخير عشان تنضج تمام
تاخذ من ساعتين او اكثر حسب فرنك ..
بعد ماتمر نص ساعه او ساعه راح تبدا تطلع عصاره اللحمه وتطلع المرقه
ممكن تطيش برى الصينيه عشان كذا
شيكي عليها وافتحي القصدير وشيلي شوي من المرقه
بس لا تشيلها كلها .. لا خلي منها بالصينيه عشان لاتنشف اللحمه ..
وممكن تذوقيها عشان تتاكدي من الملح
نجي للرز ..
تابعوني
انا عندي طريقه معتاده للرز .. احبها ومعتمدتها من اول
اخذ القدر واحط فيه
بصله صغيره وثوم مدقوق وفلفل رومي وكم حبة هيل واكشنهم بشوي
زيت واضيف ماجي وبعدين اضيف الرز عليهم
واكشن الرز معاهم الين ياخذ طعم الكشنه وبعدين
اضيف مويه مغليه مناسبه للرز واضبط الملح
لما ينضج الرز ارش عالوجه صفار الزعفران
اخذ زبديه صغيره واحط فيها زيت وبصل شرايح وشرايح فلفل رومي
واحطها بوسط الرز واحط فوقها جمره واكتم الرز تمااااام
الحين نرجع للحمه
لماتنضج وتتاكدي انها نضجت طفي عليها من تحت
وحمريها مو فوق ..
طريقة التحمير .. تاخذي من المرقه اللي شيلتيها من اول ورشي منها شوي
على اللحمه وحطيها بالفرن الين تتحمر
وممكن تقلبي اللحمه على كل الجهات عشان تتحمر .. بس لازم ترشي عليها من المرقه
عشان لا تنشف معاك
وهذي صورة المرقه اللي طلعت معاي
ملاحظه
بالنسبه للحمه اذا فتحتي عليها بعد ساعه ومالقيتي فيها مرقه ممكن تزيدي كااسه مويه ..
واذا نشفت مرقتها وما بعد نضجت
زيدي مويه .بس انتبهي لما تزيدي مويه
اضبطي الملح
التقديم ..
تااابعوني