26-03-1431 هـ, 12:30 مساءً
السلام عليكم
طبعا انا معلمة وكل معلمة دائما يحدث لها مواقف طريفة او محرجة فيا ليت كل وحدة تذكر المواقف الطريفة اللي حدثت لها اثناء مشوارها التعليمي .
اما انا فحدث ولا حرج .
وسأبدأ باحد المواقف
طبعا انا ابن بطوطة تنقلت بين قرى ومدارس عديدة في كل منها لي ذكريات ومواقف
وسابدا من اول موقف حدث لي
تعينت قي قرية بعيدة تبعد عن مدينتي 170 كم
طبعا رحت في البداية وباشرت
واول يوم داومت دوام رسمي دخلت لا اعرف احد.
في ذلك اليوم كان هناك توجيه في المدرسة طبعا انا لا افرق بين المدرسات اوالموجهات او المديرة.
كنت جالسة في تلك الغرفة (طبعا غرفة واحدة ادارة وغرفة مدرسات ومساعدة) المبنى مستاجر والقرية نائية.
هناك طاولة باحد زوايا الغرفة وجدت المعلمات يضعن شنطهم فوقها فوضعت شنطتي معهم
(مع الخيل يا شقرا)
لاحظت ان هناك مدرسة تدخل بهدوء وتاخذ شنطة من الشنط وتطلع وترجع تنزل الشنطة وتاخذ ثانية وترجعها وتاخذ اخرى وهكذا..
انا قلت بنفسي هذي سراقة تفتح الشنطة وتسرق وترجعها .

المهم جاء الدور على شنطتي اخذتها وطلعت بها ورجعتها .

انااول مارجعتها اخذتها اتفقدها لم افقد شيئا (قلت في نفسي اكيد هي تبي بس الفلوس وانا شنطتي ما فيه فلوس )
اكتشفت بعد ذلك ان هناك مدرسة في احد الفصول تبي شنطتها وما تقدر تدخل عشان التوجيه (مستحية)
والمدرسة(السراقة بنظري) تاخذ الشنطة وتوريه المدرسة اللي بالفصل وما تطلع شنطتها لين لقتها في الاخير.

ومر اليوم الاول على خير وبعدين لما تعودت على المدرسات أخبرت هذه المدرسة وضحكت على الموقف.
وقالت سراقة وبشكل علني .

وبعدين صارت من اعز صديقاتي .
طبعا انا لي مواقف كثيرة سوف اذكرها لاحقا.

الحين كل وحدة تقول لنا موقف طريف حصل لها.
26-03-1431 هـ, 10:07 مساءً
كنت اتوقع التفاعل اكبر في هذا الموضوع ولكن للان لم اجد اية ردود اتمنى التفاعل من الجميع
26-03-1431 هـ, 11:03 مساءً
موضوووووووع رائع
ذكرتيني بذيك الايام الحلوه
يوم مباشرتي نزلت عباتي عند بوابة المدرسة
مثل اي طالبة في المدرسة
والبنات يسألوني من انت جاية تزورين ؟
يحسبون اني زائرة مو معلمة
قلت انا معلمه جدييييده
فقامت الطالبات مشكورات بتوصيلي للادارة
27-03-1431 هـ, 02:17 مساءً
اقتباس مشاركة  (حروف باقية)
موضوووووووع رائع
ذكرتيني بذيك الايام الحلوه
يوم مباشرتي نزلت عباتي عند بوابة المدرسة
مثل اي طالبة في المدرسة
والبنات يسألوني من انت جاية تزورين ؟
يحسبون اني زائرة مو معلمة
قلت انا معلمه جدييييده
فقامت الطالبات مشكورات بتوصيلي للادارة
شكرا لمرورك يالغالية
27-03-1431 هـ, 04:37 مساءً
موضوووووووع رائع
تسلميييييييين
مشكووورهـ...
27-03-1431 هـ, 07:32 مساءً
ياكثرها المواقف ..
بأعطيكِ موقف طااااازة .. اليوم حصل لي
ياستي اليوم وانا داخله الفصل وبديت ادخل في جو الدرس والبنات صاغيات معايه ومنتبهات بقوة عشان الدرس جديد عليهم وماتسمعين ولا همس في الفصل .. وشوي وطلعت وزغه في شعر وحده من الطالبات وزميلاتها يقولولها يافلانة فيه وزغة في شعرك .. البنت لاشعورياً صرخت وطاحت الوزغه بقوة ع الارض وسمعنا صوت خبطتها وعلطول تدحرجت باتجاهي عاد انا صرخت ودخلت بين البنات وطلعت من الفصل جري والطالبات ورايه يجرون ويصارخون وسوينا هيلمه وضجة في المدرسه بس انبسطنا بعد الفجعه وصاروا البنات كل ماشافوني يضحكوووون هع
لاتساليني كيف شكلي وموقفي من الطالبات هع
اللهم ارزقني طفلاً صالحاً باراً سليم الخُلق والخِلقة , وسهَّل عليه حملي وولادتي ياااارب
28-03-1431 هـ, 04:55 مساءً
شكرا لمروركن يالغاليات
والله صرارحة المواقف كثيرة فالله يعين المعلمات
22-08-1431 هـ, 10:59 مساءً
اب
سبحان الله وبحمده عدد خلقه ورضا نفسه وزنة عرشه ومداد كلماته

اللهم صل وسلم على نبينا محمد واله وصحبه اجمعين

استغفر الله واتوب اليه
22-08-1431 هـ, 11:42 مساءً
انا بقولك موقف صار لاخت زوجي

هذا كانت في مدرسه ابتدائيه وعندها مناوبه اليوم

بعد ما خلصو البنات وتوها لابسه العبايه مع زميلتها الا ابو وحده من الطالبات جاي يسال عن بنته

المهم تقول ارتبكنا خلاص المدرسه ما فيها احد ونقعد ندور ندور وقلنا له وش اسمه البنت عطانا اسمها من غير اسم الاب

تقول ما بقى حمام سطح فصل درج ما دورنا البنت فيه

المهم قالتله اخت زوجي يا فلان وش اسم بنتك بالكامل قال فلانه بنت فلان

تقول سمعت اسم البنت ركد راسي وقلتله اللي يعافيك بنت في ابتدائي ولا متوسط

صارت البنت متخرجه العام من الابتدائي وراحت متوسط والابوي ناسي تقول ركد راسه وقال ايه صح راحت متوسط

والبنت كل يوم تروح رجليه الا هذاك اليوم جا ابوها بياخذها

تقول بغيت انهبل وين راحت البنت بس مرت على سلام
23-08-1431 هـ, 07:18 صباحاً
هههههههههههههههههه حلوه مواقفكم ياعسولات
ربي لاتذرني فردا وانت ارحم الراحمين
اللهم اني لما انزلت الي من خير فقير


الساعة الآن 03:25 .

جميع الحقوق محفوظة - عالم حواء - 2015