السلام عليكم ورحمة الله وبركاته
مساءكم ~ صباحكم ورد
اليوم حبيت أشارك بأول وصفة من مطبخي
وأتمنى تجربوها وتعجبكم
الوصفة هذي معتمدة عندي من كم سنة
بس لا تمل
والكل يطلبها منها
أترككم مع الصورة النهائية
ندخل في المقادير والطريقة على طول..
دجاجه تقطعينها أرباع أو أقل
ثم تزيلين الجلد عنها
تتبلينها بالتتبيلة المعتمدة عندك
أنا تبلتها بملح وفلفل أسود وشوي بهار وخل وكركم
واتركيها في الثلاجه أقل شي ساعتين
بعدين تصفينها من التتبيلة السايلة
تدهنين كل قطعة بقليييييييييييييييييييييييييييييل مايونيز
ثم تقلبينها بكورن فليكس مطحون ناعم
رتبي القطع في صينية تيفال
غلفيها بالقصدير
دخليها في فرن معتدل الحرارة 170
تكوني رافعة الصينية يا فوق يا وسط الفرن عشان ما يحترق
بعد ساعة شيكي عليها
اذا استوى الدجاج شيلي القصدير وولعي الشواية بس 3 أو 5 دقايق فقط عشان يجف الكورن فليكس شوي وبدون ما يتحمر بقوة
لأنه لونه بيكون ذهبي
وبس
قدميه وبالعافية على قلوبكم
الطعم رهييييييييييب
انتظر ردودكم وتقييمكم