ابشركم انا ولدت..تعالو اقولكم وش صار لي

ســــــــــــــلام يا احلى امهااااااااااااااات...

اولا..اتمنى من الله انه يساعد كل بنت حامل ويهون عليها يارب ويفرج كربها...
ثانيا ماراح تتوقعون كيف احساس الامومه شي خيااااااااااااااااااالي..عسى الله يدومه علينا يارب

المهم ياطويلات العمر والسلامه مالكم بالطويله ..اقولكم قصتي ذاك اليووم<<<ييممممممه:icon33:

طبعا انا خلصت التاسع وانا ماحسيت بشي اللهم بالثقل جلست انتظر وكل يوم اقول اليوم ابولد ولا ولدت لدرجه اني فقدت الامل قلت شكل البزر بيعفن في بطني..<<<يؤيؤ:hahaha:

المهم من اليوم السادس في الشهر العاشر بديت احس بطلووق خفيفه..تجي وتروح..المهم ساعتها انا كنت في بيتي وزوجي المسكين انهبل من الخوف..!!!
عاد جاء الليل وانام لي ذيك النومه ويوم صحيت الله يكرمكم ودخلت الحمام الا ونازل معي دم مختلط مع الافرازات الشفافه اللي زي المويه اللزجه فطالع لون الدم برتقالي صااارخ
عاد انا المويات هذي تنزل معي من الشهر الثامن تخيلو عشان كذا للاسف بنتي طالعه متشققه وناااشفه لان ماكان فيه مويه ترطبها شوي..
المهم وارح ادق عللى امي واعلمها..قامت امي انهبلت...؟؟؟!!!!
قالت طيب لاتستعجلين روحي امشي قلت لها طيب..المهم واروح انا وزوجي لبيت عمي واقعد ادووور في حوشهم كني خروف مضيًع الشبك>>:7_5_127:
عاد واروح عند اهلي فالليل واقعد معهم وصارت الطلوق تروح من فتره لا فتره وانام عندهم من بكره اليوم الثامن بدت الطلوق تنتظم معي قام زوجي قال وش رايك نروح انا وانتي ندور لنا موكيت وفرش لغرفة النونو قلت يالله قدااااااااااااااااااام....
واروح معه وانا اتمصع فالسياره من الطلق..؟؟المهم وانزل في ذا المحلات وافرً معه الا يوم خلاص انتهيت قلت له رجعني بيت اهلي الحين بسرعه..قال قداااااااااااااااااااااااااااااااام...
المهم اهلي كان عندهم ذيك الساعه عشاء..الا وانا جايه ركض لامي فالمطبخ يمه ابولد ابولد..
عاد امي بقبقت عيونها فيني:07:
قالت لاختي انتبهي للحريم وانا باخذ اختك للمستشفى ونشوف فيه ولاده والا؟؟
المهم ونفحط انا وامي مع السواق:3_10_6:

متجهين لمستشفى دله لان ملفي عندهم المهم وندخل طوارئ النساء وتجي الدكتوره تكشف قالتلي واحد ونص..
اطلعي لغرفتك فوق عشان يركبون لك التخطيط..المهم واروح انا وامي وزوجي جاااي مسرع من الاستراحه..
عاد ويحطوني فالغرفه..طبعا انا دخلت المستشفى الساعه 10 الليل,,
واقعد اقرا قران وكانت الطلقه تجيني كل 4 دقايق تقريبا المصيبه ان طلقي كان مرره حااار
واقعد اقرا قرآن..وادعي وامي وزوجي معي..عاد امي المسكينه كانت مواصله..وهلكاانه من التعب
وكل شوي تجي الدكتوره الباكستانيه لبنى تكشف الا الرحم مثل ماهو مافتح والطلق زااايد قالت اطلعي امشي واطلع انا وزوجي نمشي فالاسياب الا قلتله امش خلنا نطلع للحضانه نشوف وراعين ذا العالم..
ونروح فوق وانا كل شوي متكيه عالجدار من الالم والله لا يوريكم كنت اقووطر من تحت ماء على دماان>>الله يقرفني
المهم وارجع للجناح ويحطون لي حقنه شرجيه وانا اول ماطلعتها وانا اصقع للحمام...
عاد واقعد اتعذب الين الساعه 4 الفجر..
شوي الا دخلت الدكتوره قالت لسه 2 ونص..الا وانا تجيني العبره انا خايفه من الطلق الصناعي ما ابيه..
قالت يالله نزلوها لقسم التوليد..ويحطوني في عربيه واول ما شفت اللوحه مكتوب عليها قسم التوليد الا ودمعتي تطيح على خدي..؟؟:icon33:
المهم ويحطوني في غرفه سريرها جاي طبفتين وفيها كرسي حمام الله يكرمكم..قالت يالله تحليل بول ويعطوني القاروره واانا اعبيها لهم..عاد اللي لستغربته الله يكرمكم انه فيه قطع دم غريبه تنزل مع البول,,
المهم ويسدحوني واقعد لين جات الساعه خمس وتجي قالت يالله لازم طلق صناعي..
وتعاااااااااااااااااااالو وانا انوااع النيااااح..
وتحطها لي فالمغذي وانا اعوذ بالله تقولون كأني اتكهرب واصااارخ من الالم وفجأه انقطع نفسي لدرجه اني ابي اكسجين ما القى ويحطون لي اكسجين صناعي وانا اشيله ادور نفس وتجيني ذيك النفاضيض اعوووذ بالله بغيت امووت وتقعد امي تصييح يوم شافت شكلي..وتجي القابله وتعطيني الابره اللي تفتح الرحم..والله يابنات من قوة الطلق والابره انفتح الرحم 7 سانتي قالت يالله غرفة ولاده بسرعه..وادخل الغرفه الساعه 6 بالتمام ..قالت القابله يالله ماما ادفعي انا اشوف راس بيبي من اليوم..
عاد انا ما احس انه فيه راس على بالي تستهبل..
قالت يالله ماما وانا اقعد ادفع شوي شوي..
المهم الا زوجي قالت له امي روح البيت البنت مطوله وامي تكذب عليه عشان مايخاف زياده المهم..واقعد ادفش في راس بنتي55 دقيقه تخيلو..شوي الا وتجي الدكتوره قالت يالله الحين انا بوسعك من تحت اول ما اوسعك ادفعي قلت طيب وانا بالعه العافيه المهم وتوسعني قالت يالله بسرعه بسرعه هي وامي والقابله وانا اعطيهم دفعه ماطلع شي قالو بعد بعد وانا ادز الثانيه الا ويطلع الراس قالو يالله والثالثه وتطلع بنوتي احلى بنووته بالدنيا الا ويطلع راس بنتي دورين فيها مويه خارجيه بالراس لانها طولت فالحوض لاكن الحمد لله على كل شي وهذي حاجه طبيعيه تجي كل البزارين..

وسلامتكم..دعواتي لكم يا حوامل..